رپورٹ: وسـیـم شیخ
ـــــــــــــــــــــــــــــــــ
ممبئی(آئی این اے نیوز 16/جون 2017) ممبئی کی ایک خصوصی ٹاڈا عدالت نے سال 1993 میں ہونے والے سلسلہ وار بم دھماکو ں میں مافیا ڈان ابوسلیم اور 5 دیگر لوگوں کو قصور وار قراردیا ہے, ان کی سزا کی مدت کافیصلہ دوشنبہ کو ہوگا، عدالت نے عبدالقیوم نامی ایک ملزم کو بری بھی کیا ہے۔
ابوسلیم کا تعلق اعظم گڑھ کے سرائے میر قصبے سے ہے جنہیں 2005 میں پرتگال سے گرفتار کیا گیا تھا۔
عدالت نے ان تمام لوگوں کو ان دھماکوں کی سازش رچنے اور دھماکہ خیز اشیاء فراہم کرنے کا مجرم قرار دیا ہے لیکن ان تمام کو ملک کے خلاف جنگ چھیڑنے کے الزام سے بری قرار دیا ہے۔
واضح رہے کہ 6/دسمبر 1992 کو ایودھیا میں تاریخی بابری مسجد کی ہندو فسطائی طاقتوں کے ذریعہ شہادت کے بعد ممبئی پورے ملک میں فساد ابل پڑے تھے جس میں ہزاروں لوگ ہلاک ہوئے تھے، ممبئی میں سلسلہ وار دھماکے ان فسادات کے فورا بعد ہوئے تھے جس میں 257 لوگ ہلاک ہوئے تھے.
