رپورٹ: وسیـــم شیخ
ـــــــــــــــــــــــــــــــــ
نئی دہلی(آئی این اے نیوز 8/ جولائی2017) دہلی میں کل رات بھینس لے جا رہے 6 لوگوں کو پیٹنے کا معاملہ سامنے آیا ہے، دہلی کے نانگلوئی نجف گڑھ روڈ کے موڑ پر جمعہ کی رات بھیڑ نے جانوروں سے بھری ایک گاڑی پر حملہ بول دیا.
اس مارپیٹ کا شکار ہوئے متاثرین کا کہنا ہے کہ وہ ہریانہ کے مختلف علاقوں سے بھینس اور کچھ دیگر مویشیوں کو 5 گاڑیوں میں بھر کر غازی پور لے جا رہے تھے، تب کچھ لوگوں نے ان پر حملہ بول دیا، چند منٹ میں وہاں پاس ہی کے گاؤں کے لوگ آکر بھی ہمیں مارنے پیٹنے لگے، متاثرین کا دعویٰ ہے کہ 100 کے ارد گرد بھیڑ نے حملہ کیا، ان لوگوں نے ہماری گاڑی کے تالے توڑ کر جانوروں کو بھگا دیا.
چار نوجوان عاليشان، دلشاد، سوفين، فریاد زخمی ہوئے ہیں، جبکہ کچھ کو معمولی چوٹ آئی ہے.
واقعہ کی خبر پولیس کو ملی، پولیس نے متاثرین کے ساتھ مل کر بھگائے گئے جانوروں کو برآمد کر لیا ہے، اس صورت میں ملزمان کے خلاف مقدمہ درج کر لیا گیا ہے.
