رپورٹ: ثاقب اعظـمی
ـــــــــــــــــــــــــــــــــــ
بلرياگنج/اعظم گڑھ(آئی این اے نیوز 5/جولائی 2017) بلریاگنج تھانہ علاقہ کے شہاب الدین پور گاؤں میں پیر کی رات شادی پروگرام کے دوران کی جا رہی فائرنگ میں گولی لگنے سے 30 سالہ نوجوان زخمی ہو گیا، شدید زخمی نوجوان کو شہر کے نجی اسپتال میں داخل کرایا گیا ہے،زخمی نوجوان کی حالت نازک بتائی گئی ہے.
جين پور کوتوالی علاقے کے املونی گاؤں سے پیر کی شام روانہ ہوئی بارات بلرياگنج علاقے کے شہاب الدین پور گاؤں میں آئی تھی، رات قریب نو بجے دلہن کے دروازے پر دوارپوجا پروگرام چل رہا تھا، اس دوران DJ کی دھن پر باراتی ناچ رہے تھے، اسی درمیان باراتيوں کی طرف سے کی جا رہی فائرنگ کے دوران چلی گولی وہاں موجود دشرتھ سروج (30) بیٹے سمرو سروج کے سینے کو توڑتے ہوئے نکل گئی، گولی لگتے ہی نوجوان زمین پر گر کر تڑپنے لگا، یہ دیکھ پروگرام میں افراتفری مچ گئی، آنا فانا زخمی نوجوان کو لوگ لے کر علاج کے لئے بھاگے، شہر کے سدھاری علاقے میں واقع ایک نجی ہسپتال میں زخمی نوجوان کو داخل کرایا گیا ہے، زخمی دشرتھ سروج جين پور کوتوالی علاقے کے املونی گاؤں کا رہائشی بتایا گیا ہے، منگل کی شام تک بلرياگنج پولیس اس واقعہ سے بے خبر رہی.
