بنکٹ بازار میں روڈ پر گڑھے سے راہگیروں کو ہو رہی ہے پریشانی، آئے دن لوگ ہو رہے ہیں گر کر زخمی!

رپورٹ: ثاقب اعظمی
ــــــــــــــــــــــــــــــــــ
بنکٹ/اعظم گڑھ(آئی این اے نیوز 9/جولائی 2017) اعظم گڑھ گورکھپور ہائیوے پر واقع بنکٹ بازار میں سڑک پر گڑھوں کو لیکر عوام پریشان ہے، آئے دن کوئی نہ کوئی بائک سوار گر کر زخمی ہو جارہا ہے، یوپی کے وزیر اعلیٰ یوگی آدتیہ ناتھ جی کا فرمان "یوپی میں گڑھوں سے آزادگی" مکمل طور پر اعظم گڑھ میں فیل ہو رہا ہے.
واضح ہو کہ یہ علاقہ رکن اسمبلی جناب نفیس احمد کے گوپال پور میں آتا ہے، اس روڈ پر کام چل رہا تھا جو کہ تقریباً انجانشہید تک کام ہوا ہے اس کے بعد سے لگ بھگ دو مہینہ سے کام بند چل رہا ہے.
عوام کا کہنا ہے کہ ہم نے نفیس احمد کو کامیاب کیا لیکن ایسا لگتا ہے کہ وہ اب اپنی ذمہ داری بھول رہے ہیں، لوگوں نے روڈ پر گڑھوں کو لیکر ناراضگی جتائی ہے اور مطالبہ کیا کہ جلد سے جلد اس کا حل نکالا جائے.