رپورٹ: محمد عارض
ــــــــــــــــــــــــــــــــــ
سرائے میر/اعظم گڑھ(آئی این اے نیوز 17/اگست 2017) سرائے میر علاقہ کے موضع ننداؤں میں بدھ کی شام کھجور کا پیڑ گرنے کی وجہ سے دو معصوم بچوں کی موت ہوگئی ۔
ملی اطلاع کے مطابق قصبہ سرائے میر سے 8 کیلو میٹر شمال میں واقع موضع ننداؤں میں بدھ کے روز تقریبا پانچ بجے شام کو بچے پتنگ اڑا رہے تھے اچانک کھجور کا پرانا پیڑ بچوں کے اوپر گر گیا، جس سے محسن (12) ولد لڈن اور اشرف (11) ولد انوار پیڑ کے نیچے دب گئے، بچوں کی چیخ پکار کو سن کر لوگوں نے فورا نکالا اور انہیں ہسپتال لے گئے، لیکن راستے میں ہی ان کی موت ہو گئی، اطلاع کے مطابق جمعرات کی صبح تقریبا 10بجے گاؤں کی قبرستان میں تدفین ہوگی۔
