ہندوستان کی آزادی میں اگر علماء کرام حصہ نہ لیتے تو شاید ہندوستان آزاد نہ ہوتا، جمعیتِ علماء ہند لونی کے بینر تلے شاہی عیدگاہ میں جشنِ یومِ آزادی کی تقریب میں علماء کرام کا خطاب!

رپورٹ: یاسین صدیقی قاسمی
ـــــــــــــــــــــــــــــــــــــــــــــــ
لونی/غازی آباد(آئی این اے نیوز 16/اگست 2017) جمعیت علماء ہند شہر لونی کے بینر تلے اجتماعی پروگرام کا انعقاد کیا گیا، جسکی صدارت جمعیت کے صدر حاجی عبد العزیز قریشی نے کی، جلسہ سے خطاب کرتے ہوئے دہلی جمعیتہ علماء کے جنرل سیکریٹری مفتی عبدالحنان قاسمی نے کہا کہ ہندوستان کی آزاری میں اگر علماء کرام حصہ نہ لیتےتو  شاید آج ہندوستان آزاد نہ ہوتا مگر آج فرقہ پرست طاقتیں علماء اور مدارس اسلامیہ پر قدغن لگا رہے ہیں اور حب الوطنی کا ثبوت مانگ رہے ہیں ۔
مفتی صاحب نے کہا کہ اگر ہندوستان کی طرف کوئی غلط نگاہ ڈالیں گا تو اس کی آنکھیں نکال دی جائے گی، ہمیں اس ملک میں چین وسکون سے رہنے دیا جایا۔
لونی کی معروف سیاسی شخصیت حاجی بابو قریشی و سابق ایم ایل اے حاجی ذاکر علی نے مشترکہ خطاب میں فرمایا کہ آج چند فرقہ پرست اور ہندتوا کے ایجنٹ اپنی سیاسی روٹیاں سیکنے کیلیے ہندو مسلم کو آپس میں لڑا کر اقتدار حاصل کرنا چاہتے اور مذہب کے نام پر سیاست کرتے ہیں ۔
جنگ آزادی میں جن لوگوں کا کوئی کردار نہیں تھا آج وہ مالک بنے بیٹھے ہیں اور ہم سے حب الوطنی کا ثبوت مانگتے ہیں، ارے دیش بھکتی کا ثبوت مانگنے والے یہ سبق تو تمہھیں مدرسوں سے ملا ہے.
جلسہ کی نظامت مولانا نذاکت حسین قاسمی نے کی، حضرت مولانا مسلم قاسمی کی دعا پر جلسہ کا اختتام ہوا، اخیر میں ایک ریلی نکالی گئی جو عیدگاہ سے نکل کر لونی تراہے سے ہوتے ہوئے پاوی پشتہ چوکی پر اختتام ہوا.
اس موقع پر مولانا نظام الدین قاسمی، مولانا فیاض حسن ندوی، مفتی فرقان قاسمی، مفتی فہیم قاسمی، مولانا یاسین صدیقی قاسمی، قاری ولی الله، مولانا نوید کے علاوہ درجنوں مدارس کے ذمے داران اور مقامی لوگوں نے شرکت کی.