رپورٹ: یاسین صدیقی قاسمی
ــــــــــــــــــــــــــــــــــــــــــــــ
دہلی(آئی این اے نیوز 16/اگست 2017) جامعہ منبع العلوم میں گزشتہ روز بڑی شان و شوکت سے جشن آزادی منایا گیا، جس میں جامعہ کے مہتمم مولانا نظام الدین قاسمی نے حاضرین سے خطاب کرتے ہوئے فرمایا کہ ملک کی آزادی میں اگر علماء کرام حصہ نہ لیتے تو آج ملک آزاد نہیں ہوتا مگر یہ بدقسمتی ہے کہ آج چند فرقہ پرست لوگ مسلمانوں سے حب الوطنی کا ثبوت مانگ رہے ہیں جن کے آباء و اجداد نے اپنے خونِ جگر سے اس ملک کو سینچا تھا آج ان کی اولاد کو اس ملک میں پریشان کیا جا رہا ہے، یاد رکھو جتنا حق تمہارا ہے اتنا حق ہمارا بھی ہے.
اس موقع پر جامعہ کے پچوں نے قومی ترانہ "سارے جہاں سے اچھا ہندوستان ہمارا" پڑھا، مولانا یاسین صدیقی قاسمی و مولانا نوید مظاہری مدرسین جامعہ ہذا نے بھی مختصر خطاب کیا، اس موقع پر قاری عمران قاری ریاض قاری نسیم بھائی آصف بھائی اسلام الدین وغيرہ شریک تھے.
بعد ازاں ایک ریلی نکالی گئی جو مدرسے سے ہوتے ہوئے دلی سہارنپور روڈ پر ختم ہوئی.
