رپورٹ: یاسین صدیقی
ــــــــــــــــــــــــــــــــــــ
نئی دہلی(آئی این اے نیوز 17/ستمبر 2017)جنتر منتر نئی دھلی میں ہونے جا رھے برما مظلومین کے لیے احتجاجی مظاہرہ کی تیاری کو لیکر مسجد بلال اور مولانا سالم منزل پرانا سیلم پور گاندھی نگر میں زیر صدارت مفتی اسرارالحق قاسمی ایک میٹنگ اور مجلس کا انعقاد کیا گیا، جس میں مہمان خصوصی مولانا ضیاء اللہ قاسمی آرگنائزر جمعیت علماء ہند نے خطاب کرتے ہوئے کہا کہ برما کے مسلمانوں پر جس طرح ظلم و ستم بربریت اورحیوانیت کی ساری حدیں پار کر دی ہیں پوری انسانیت شرمسار ہو گئی ہے جمعیت علماء ہند احتجاج کے ذریعے دنیا کے انصاف وامن پسند لوگوں کو برما کے مظلومین کی جانب متوجہ کرنا چاہتی ہے.
اس موقع پر مہمان ذی وقار جمعیت علماء صوبہ دھلی کے نائب صدر قاری عبد السمیع نے اظہار خیال کرتے ہوئے کہا کہ حکومت ھند کو چاہیئے کہ برما کی حکومت پر پڑوسی ھونے کے ناطے اپنا فرض نبھاتے ھوئے دباؤ بنا کر ظلم و ستم کو روکے.
وہیں اس موقع پر مولانا جاوید صدیقی قاسمی جنرل سکریٹری جمعیت علماء دھلی نے برما کے مسلمانوں کے ساتھ ہو رہے جانور پنا اور درندگی کو نہایت افسوسناک اور دردناک قرار دیتے ہوئے کہا کہ ماضی کی تاریخ میں سخت دشمنی کے باوجود ایسی درندگی کی کوئی مثال نہیں ملتی
گوتم بودھ کے پیروکار خود کو دنیا میں امن وشانتی پھیلانے والے کہا کرتے تھے لیکن آج ان لوگوں کا اصلی چہرہ سب کے سامنے آگیا، انہوں نے کہا کہ احتجاجی مظاہرہ کرنا ہم سب کا انسانی واخلاقی فریضہ ہے لہٰذا جمعیت علماء ہند کی آواز پر جنتر منتر بڑی تعداد میں پہونچیں
میٹنگ و مجلس میں علماء ائمہ اور علاقے کے ذمہ داران نے بڑی تعداد میں شرکت کی.
مولانا حسین احمد قاسمی، مولانا یوسف قاسمی، قاری خلیل احمد مجددی، محبوب عالم، محمد انس، مولانا کفیل الرحمن، حافظ عبدالقدیر، حاجی اسلم، ندیم قریشی، حاجی دبیر، حاجی صدیق کے نام قابل ذکر ہیں.
