رپورٹ: محمد انظر اعظمی
ــــــــــــــــــــــــــــــــــــــــ
سرائے میر/اعظم گڑھ(آئی این اے نیوز 16/ستمبر 2017) کل بعد نماز جمعہ شام 4 بجے سرائے میر مین روڈ پر فیصل حج عمرہ ٹور کا افتتاح کرنے کے بعد ممبر اسملی نظام آباد عالم بدیع اعظمی نے سابق چیئرمین سرائے میر عبید الرحمن اعظمی، لئیق احمد شیروانی کے ساتھ قاسمی کمپیوٹر انسٹی ٹیوٹ سرائے میر کا معائنہ کیا، پریکٹکل ھال میں طلبہ کی پریکٹکل کو دیکھا اور طلبہ سے سوال و جواب بھی کیا.
اس موقع پر ڈائرکٹر محمد انظر اعظمی سے بات کرتے ہوئے کہا کہ یہ علاقہ میں تعلیمی ماحول کو آگے بڑھانے کے لئے بہت ہی اہم کام ہے اس میں زیادہ سے زیادہ طلبہ کو جوڑنا چاہیئے.
عالم بدیع اعظمی نے کہا خصوصا طلبہ مدارس کو اپنی تعلیم سے فراغت کے بعد کچھ وقت آج کل کے موجودہ دور کے اعتبار سے اس کمپیوٹر کی تعلیم میں بھی دینا چاھیئے اور اسی طرح سے عالم بدیع اعظمی نے طلبہ مدارس کے لئے خصوصی رعایت کی بات بھی کہی جس کا جواب دیتے ہوئے ڈائرکٹر انظر اعظمی نے کہا کہ اس انسٹی ٹیوٹ میں طلبہ مدارس کا داخلہ فری ہی لیا جاتا ہے اور ان کو تعلیم کے لئے ہر ممکن سہولت دی جاتی ہے.
اس موقع پر منیجر محمد فیصل اعظمی محمد شارق خان احسن اعظمی سمیت انسٹی ٹیوٹ کے تمام طلبہ موجود تھے.
