رپورٹ: محمد دلشاد قاسمی
ــــــــــــــــــــــــــــــــــــــــــ
کاٹھا/باغپت(آئی این اے نیوز 16/ستمبر 2017) باغپت کے کاٹھا گاؤں میں ناؤ حادثہ کے دوسرے دن جمنا میں سرچ آپریشن کے لئے پہونچے پی اے سی کے غوطہ خوروں کو عوام نے گھیر لیا، سرچ آپریشن میں خانہ پوری کرنے کا الزام لگاتے ہوئے بھڑک عوام اٹھی، جمنا میں ڈوبے لوگوں کی کھوج بین کے لیے انہیں دوبارہ سے ندی میں اتار دیا، این ڈی آر ایف کی ٹیم کے نہیں آنے سے بھی لوگوں میں غصہ تھا خاص بات یہ ہے کہ دوسرے دن افسران جائے حادثہ پر موجود نہیں رہے.
دوسرے روز این ڈی آر ایف کے بجائے پی اے سی کے جوان کاٹھا گاؤں پہونچے اور انہوں نے جمنا میں تلاشی شروع کر دی، چند گھنٹے بعد جب وہ اپنے سامان سمینٹ کر چلنے لگیں تو موقع پر موجود لوگ مشتعل ہو کر بھڑک اٹھے اور جم کر نعرے بازی کرتے رہے یہی نہیں بلکہ پی اے سی کی ٹیم کے ساتھ ہاتھا پائی بھی ہوگئی.
