رپورٹ: محمد دلشاد قاسمی
ــــــــــــــــــــــــــــــــــــــــ
روشن گڑھ/باغپت(آئی این اے نیوز 16/ستمبر 2017) باغپت کے روشن گڑھ گاؤں کے مدرسہ انوارالاسلام میں قرآن خوانی کی گئی اور کاٹھا گاؤں کے ناؤ حادثے میں مرنے والوں کے لئے دعا مغفرت کی گئی.
مدرسہ ھذا کے ناظم اعلی مفتی محمد دلشاد قاسمی نے بتایا کہ آج بعد نماز فجر مدرسہ انوارالاسلام میں قرآن خوانی کا اہتمام کیا گیا اور دو روز پہلے کاٹھا گاؤں میں ناؤ حادثے کا شکار ہونے والے افراد کے لئے دعاء کی گئی، مرحومین کے لیے ایصال ثواب کیا گیا اور زخمیوں کے لئے دعاء صحت مانگی، اور ملک برما کے مسلمانوں کے لئے بھی دعا کی گئی. واضح رہے کہ دو روز قبل کاٹھا گاؤں میں صبح ہی صبح ناؤ پلٹ جانے کی وجہ سے 19 افراد کی موت ہو گئی تھی اور 10 افراد شدید زخمی ہوگئے تھے جنکا ابھی تک علاج جاری ہے.
