رپورٹ: ایڈیٹر انچیف
ــــــــــــــــــــــــــــــــــــ
ہریانہ(آئی این اے نیوز 16/ستمبر 2017) روہنگیا میں ہورہی مسلمانوں کی نسل کشی اور ظلم و بربریت کے خلاف حضرت مولانا سید محمود اسعد مدنی ناظم عمومی جمعیت علماء ہند کی ایماء پر کل بروز جمعہ کو ہریانہ کے مختلف اضلاع میں حکومتی ذمہ داران کو میمورنڈم پیش کر کے ظلم و بربریت کے خلاف اپنا احتجاج درج کرا کر نہتے بے گھر مسلمانوں پر ظلم کے خلاف آواز اٹھائی گئی۔
جہان جہاں میمورنڈم دیا گیا اس کی تفصیلات اس طرح ہے:
ضلع نوح(میوات) میں حضرت مولانا محمد یحیی کریمی صدر جمعیتہ علماء ہریانہ پنجاب و چندی گڑھ ایک وفد کے ساتھ ڈی سی میوات کو میمورنڈم دیا، اس وفد میں حضرت صدر محترم کے علاوہ حضرت مولانا قاری علی محمد صاحب نائب صدر جمعیتہ علماء متحدہ پنجاب، مولانا عبد الرحمٰن صاحب ناظم جمیعتہ علماء متحدہ پنجاب، چوہدری ذاکر حسین MLA نوح، مولانا محمد ارشد صاحب ترواڑہ، مولانا محمد عثمان صاحب سونکھ، مولانا مولانا محمد ارشد صاحب گھاسیڑہ اور محمد طیّب صاحب کنسالی شامل تھے۔
ضلع پلول میں حضرت قاری آس محمد صدر جمعیتہ علماء حلقہ پلول نے میمورنڈم سونپا، جبکہ ضلع پانی پت میں حاجی اکرام صاحب صدر جمعیتہ علماء ضلع پانی پت نے میمورنڈم پیش کیا۔
گوڑگانواں میں مولانا محمد سلیم صاحب صدر جمعیتہ علماء شہر گوڑگانواں نے سپرد کیا۔
اور تحصیل نگینہ میں مولانا محمد طیّب صاحب کنسالی صدر جمعیتہ علماء حلقہ نگینہ نے یہ کام انجام دیا۔
اور اس کے علاوہ تحصیل فروز پور میں مولانا قمر الدین صاحب صدر جمعیتہ علماء حلقہ فروز پور نے یہ فرائض انجام دیا۔
