رپورٹ: سلمان دہلوی
ــــــــــــــــــــــــــــــــ
نئی دہلی (آئی این اے نیوز 29/اکتوبر 2017) جمیعت علما ہند کے دفتر میں مجلس منتظمہ کا اجلاس منعقد ہوا، جس میں ملک بھر سے جمیعت کے نمائندگان اور ممبران شریک رہے ۔
مجلس منتظمہ کے اجلاس میں سکریٹری رپورٹ پیش کرتے ہوئے مولانا محمود مدنی نے کہا کہ طلاق ثلاثہ کیس میں بھی جمیعت علما ہند ایک فریق تھی اور بہت مضبوطی کے ساتھ جمیعت کے وکلا نے اپنے دلائل پیش کئے ۔
اس موقع مولانا محمود نے اشارے میں آل انڈیا مسلم پرسنل لاء بورڈ پر تنقید بھی کی اور بورڈ کے وکلاء پر غلط دلائل پیش کرنے اور صحیح طریقے سے پیروی نہ کرنے کا الزام لگایا.
واضح رہے کہ دہلی میں بہادر شاہ ظفر پر واقع جمیعت علما ہند کے دفتر میں مجلس منتظمہ کی میٹنگ منعقد کی گئی، جس میں ملک بھر سے تمام ارکان عاملہ اور مجلس منتظمہ کے ممبران شریک رہے، اور سال بھر کی رپورٹ پیش ہوئی.
اس اجلاس میں مولانا محمود مدنی نے مولانا ریاست علی بجنوری اور مولانا ازہر رانچوی کی وفات پر تعزیت بھی پیش کی ۔
