جین پور/اعظم گڑھ(آئی این اے نیوز 29/اپریل 2019) جین پور تھانہ جو کہ تحصیل سگڑی کے علاقہ میں واقع ہے، علاقہ کے زمین ہر کھوری گاؤں میں گیہوں کی فصل تقریباً 11 بجے صبح سے لگ بھگ تین گھنٹہ میں پانچ کلومیٹر میں واقع گیہوں کی فصل جل کر خاک ہوگئی، اس میں زمین ہر کھوری گاؤں سے لیکر چوکو، اما پار تک گیہوں کی فصل کاٹ کر کسانوں نے رکھا ہوا تھا، مشین کا انتظار تھا.
وہیں گاؤں کے لوگوں نے اس شدید آگ کو بڑی مشقت سے قابو کیا، فائر بریگیڈ کو اطلاع دی گئی لیکن وہ تین گھنٹہ بعد پہنچی، جب تک دیہی لوگوں نے آگ کو قابو کر لیا تھا، فائر بریگیڈ کی تاخیر سے پہنچنے پر لوگوں نے انتظامیہ سے ناراضگی کا اظہار کیا.
