سورت/گجرات(آئی این اے نیوز 25/مئی 2019) سورت کے سرتھانہ علاقہ میں واقع تکش شیلا نام کی عمارت میں جمعہ کو بھیانک آگ لگ گئی، اس دوران بتایا جارہا ہے کہ عمارت میں 30 سے زائد بچے پھنس گئے، یہ ایک کمرشیل بلڈنگ ہے اور اس میں موجود کوچنگ سینٹر میں بچے اس کے ایک فلور پر پھنس گئے، اس حادثہ میں تقریبا 20 لوگوں کی موت ہوگئی ہے اور کئی دیگر زخمی بھی ہوئے ہیں، اس دوران بچوں نے جان بچانے کے لئے عمارت سے چھلانگ لگا دی۔
وزیراعلیٰ روپانی نے اس دوران کہا کہ میں حادثے میں مارے گئے لوگوں کی حکومت کے ساتھ ہوں، زخمی ہوئے بچوں کو جلد ہی صحتیاب ہونے کی دعا کرتا ہوں، ساتھ ہی وزیراعلیٰ نے حادثے میں مارے گئے لوگوں کو چار لاکھ روپئے کا بھی اعلان کیا ہے، اسٹیٹ اربن ڈیولیمپنٹ ڈپارٹمنٹ کو بھی عمارت کی جانچ کے احکامات دیئے گئے ہیں۔
سورت میں کوچنگ سینٹر میں آتشزدگی ہونے سے 20 لوگوں کی موت ہوگئی ہے، بتایا جارہا ہے کہ آگ لگنے کی اطلاع وقت پر دے دی گئی تھی، لیکن فائربریگیڈ کی ٹیم وقت پرنہیں پہنچ سکی، مقامی لوگ بھی سیڑھیوں کے ذریعہ عمارت میں پھنسے ہوئے بچوں کو نکالنے کی کوشش کرتے ہوئے نظر آئے، زخمیوں کو نزدیک کے اسپتال میں داخل کرایا گیا، جائے حادثہ پر متعدد ایمرجنسی وینوں کو دیکھا گیا، ادھر نواساری سے بی جے پی کے ممبر پارلیمنٹ سی پی پٹیل نے کہا ہے کہ جو لوگ بھی اس حادثہ کیلئے ذمہ دار پائے جائیں گے ان کے خلاف سخت کارروائی کی جائے گی۔
عمارت میں آگ لگنے کے بعد چھلانگ لگا کر بچوں نے اپنی جان بچائی، حادثہ خطرناک تھا، بتایا جارہا ہے کہ تقریباً ایک گھنٹے کے بعد آگ پر آخرکار قابو پالیا گیا ہے اور اب عمارت میں دیکھا جارہا ہے کہ کوئی اور تو نہیں پھنسا رہ گیا ہے، فائربریگیڈ کے ملازمین اور پولیس موقع پرجانچ کررہی ہیں، فی الحال آگ کی وجوہات کا پتہ نہیں چل سکا ہے، بتایا جارہا ہے کہ کوچنگ سینٹرمیں 30 سے زیادہ بچے موجود تھے۔
