محمد دلشاد قاسمی
ـــــــــــــــــــــــــــــ
روشن گڑھ/باغپت (آئی این اے نیوز 4/نومبر 2018) ضلع باغپت کے موضع روشن گڑھ کے مدرسہ اسلامیہ انوار الاسلام میں آٓج ایک طالبہ صالحہ خاتون کا مکملحفظ قرآن کریم سننے کی مجلس منعقد کی گئی، جس کو مولانا مفتی محمد دلشاد قاسمی نے ایک نششت میں تقریباً ساڑھے آٹھ گھنٹے میں مکمل ختم کیاگیا
موصولہ خبر کے مطابق مذکورہ مدرسہ کی درجہ حفظ کی طالبہ صالحہ بنت محمد علیم الدین (14)نے حفظ قرآن کریم مکمل ایک نششت میں سناکر مدرسہ اور اپنے والدین کا نام روشن کیا، اس موقع پر دعائیہ مجلس منعقد کی گئی، جس میں مولانامفتی محمد دلشادقاسمی صاحب ناظم مدرسہ ھٰذا نے خطاب کرتے ہوئے کہا کہ آج یہ گاؤں کے لیے ہی نہیں بلکہ علاقے کے لیے بھی خوشی کا مقام ہے کہ الحمد للّٰہ آج اس گاؤں میں پہلی بار کسی طالبہ نے حفظ قرآن کریم مکمل ایک نششت میں سناکر ختم کیا ہے، بچیوں کے لیے بھی گھر والوں کے لیے بھی اور اساتذہ ذمہ داران مدرسہ اور مدرسہ کے لیے بھی بہت ہی خوشی کی بات ہے.
بعدہ انہوں نے طالبات اور ان کے والدین و اساتذہ و ذمہ داران کو مبارکباد پیش کرتے ہوئے کہا کہ آپ حضرات بڑے ہی قابلِ مبارک باد ہیں کہ آپ نے اس مدرسے کو یہ مقام دلایا ہے، انہوں نے حاضرین کے سامنے حافظ قرآن کے فضائل پر بھی روشنی ڈالی اور تمام اہل بستی سے اپنے بچوں کو ہر حال میں دینی تعلیم حاصل کرانے کی ہدایت بھی دی، چاہے کچھ بھی کرے مگر اپنے بچوں کو دینی تعلیم ضرور دلائیں، تاکہ دنیا و آخرت میں سرخرو ہو سکے اور ابدی کامیابی حاصل کر سکیں.
اس موقع پر حافظ عبد القیوم، قاری محمد محمود، ماسٹر محمد عبد المؤمن، ماسٹر محمد امجد، کلو خان چوکیدار نائب صدر کمیٹی مدرسہ ھذا، محمد طاہر صدیقی، علیم الدین ودیگر اہل بستی اور تمام طلباء وطالبات موجود رہے
