بابری مسجد فیصلہ پر ریویو پیٹیشن ڈائر کریں گے
17 نومبر
آل انڈیا مسلم پرسنل لاء بورڈ نے ابھی لکھنؤ میں مجلس عاملہ کی میٹنگ کے بعد یہ واضح کردیا ہےکہ سپریم کورٹ کے ذریعہ کئے گئے بابری مسجد فیصلہ پر بورڈ ریویو پیٹیشن ڈائر کرے گا، اور متبادل زمین کی پیشکش کو قبول نہیں کرے گا.
بابری مسجد ایکشن کمیٹی کے صدر اور بورڈ کے مؤقر رکن ڈاکٹر قاسم رسول الیاس نے پریس کانفرنس سے خطاب کرتے ہوئے کہا کہ ہم کوئی بھی ایسا کام نہیں کریں گے جو شریعت اور وقف ایکٹ کے خلاف ہو.
انہوں نے واضح کیا کہ زمین کی پیشکش دفعہ 142 کے تحت کی گئی ہے،جبکہ دفعہ 142 سپریم کورٹ کو غیر محدود اختیارات نہیں دیتا ہے.
انہوں نے کہا کہ ہماری لڑائی جس زمین کے لئے تھی ہمیں وہی دی جائے،
اس سے پہلے ممتاز کالج میں منعقدہ میٹنگ میں آل انڈیا مسلم پرسنل لاء بورڈ کے صدر مولانا سید محمد رابع حسنی ندوی،مولانا سید محمد ولی رحمانی جنرل سیکرٹری بورڈ،مولانا سید محمد ارشد مدنی صدر جمعیۃ علمائے ہند،مولانا سید محمود اسعد مدنی،
بیرسٹر اسد الدین اویسی،مولانا سید جلال الدین عمری، مولانا محمد عمرین محفوظ رحمانی سمیت بڑی تعداد میں اراکین عاملہ و مندوبین نے شرکت کی،
علاوہ ازیں یہ بھی اطلاع ملی ہے کہ کسی مصلحت کے پیش نظر میٹنگ کو دارالعلوم ندوۃ العلماء سے منتقل کرکے ممتاز کالج میں منعقد کیا گیا.
