سندھ کھیڑ راجہ ضلع بلڈانہ
ذوالقرنین احمد
5/جنوری 2020 آئی این اے نیوز
نگر پریشد اردو اسکول سندھ کھیڑ راجہ ضلع بلڈانہ میں ساوتری بائی پھولے کی یوم پیدائش کے موقع پر ریلی نکالی گئی۔
ملک بھر میں ساوتری بائی پھولے کی پیدائش پر انھیں یاد کیا جاتا ہے۔ اسکولوں میں تعلیمی نسواں کے تعلق سے بیداری مہم چلائی جاتی ہے۔
ساویتربائی پھول 3 جنوری 1831 کو مہاراشٹر کے ضلع ستارا کے نائگاؤں گاؤں میں پیدا ہوئے جو پونے سے 50 کلو میٹر کے فاصلے پر ہے ساویتربائی پھولے لکشمی اور کھنڈوجی نیویشے پاٹل کی بڑی بیٹی تھیں ، ان دونوں کا تعلق مالی برادری سے تھا۔ 10 سال کی عمر میں ساوتری بائی پھولے کی شادی جیوتی راؤ پہلے سی ہوئی تھی۔ وہ تعلیم یافتہ نہیں تھی لیکن جیوتی راؤ پھولے نے گھر پر ہی انکو تعلیم دی اسکے بعد ساوتری بائی پھولے نے نچلے طبقے کے لوگوں کو تعلیم دینی شروع کی انہیں ہندوستان کی پہلی خاتون ٹیچر کا اعزاز حاصل ہے۔ انھوں نے لڑکیوں کو تعلیم دلانے پر زور دیا تھا۔ ہر سال انکی انکی پیدائش کے دن انہیں یاد کیا جاتا ہے اسکولوں میں پروگرام منعقد کیے جاتے ہیں۔ اسی ضمن میں 3 جنوری کو نگر پریشد اردو اسکول سندھ کھیڑ راجہ ضلع بلڈانہ میں ریلی نکالی گئی اور اسکے بعد اسکول میں پروگرام رکھا گیا جس میں سندھ کھیڑ راجہ کے صدر بلدیہ نے لڑکیوں کی تعلیم کی اہمیت پر روشنی ڈالی، جناب فیصل سر نے ساوتری بائی پھولے کی زندگی کےبارے میں طلباء کو معلومات فراہم کی۔ اس موقع پر نگر سیوک عظیم تنبولی، سمینہ باجی، زرینہ باجی، اسلم سر و کثیر تعداد میں طلباءموجود تھے۔
