حافظ شجاعت ٹرسٹ کی پوری ٹیم کوروناوائرس سے نمٹنے کیلئے مستعد: شمس الضحی خان
آنند نگر مہراج گنج: 01/فروری 2020 آئی این اے نیوز
چین سے نکل کر دنیا بھر میں پھیل رہے کوروناوائرس سے بچنے کیلئے گزشتہ روز ڈی ایم اجول کمار نے ضلع مہراج گنج کے تمام سرکاری اسپتالوں کے ڈاکٹروں کی پوری ٹیم کو طلب کیا اور کہا کہ دنیا بھر میں پھیل رہے اس کوروناوائرس سے بچنے کیلئے پورے طور پر لوگ فکر مند ہیں، ڈی ایم نے کہا کہ اس وائرس سے ضلع کے ہر فرد کو بچانا ہم سب کی ذمہ داری ہے۔ اس میٹنگ میں ضلع کے ہر سرکاری اسکولوں اور اسپتالوں کے ذمہ داروں نے شرکت کی اور پوری چستی کے ساتھ کام کرنے کا عزم کیا۔
اس موقع پر حافظ شجاعت فیض عام چیریٹیبل ٹرسٹ کے چیف آف ٹرسٹی شمس الضحی خان نے ڈی ایم اجول کمار سے کہا کہ ہمارے ٹرسٹ کی پوری ٹیم کوروناوائرس سے نمٹنے کیلئے مستعد ہے ضلع کے کسی بھی قصبہ یا گاوں میں کسی بھی وقت ہماری ضرورت پیش آتی ہے تو ہماری ٹیم پوری چستی کے ساتھ کام کرے گی۔ اس موقع پر چیف ٹرسٹی شمس الضحی خان، آفس سکریٹری قاری ساجد حلیمی، سپروائزرحافظ عبید الرحمن الحسینی، ڈاکٹر سراج احمد، شمشاد احمد کے علاوہ بڑی تعداد میں لوگ شریک رہے۔
