®ثاقب اعظمی
ـــــــــــــــــــــــــــــ
شیخ ثانی شیخ عبدالحق صاحب اعظمی کا دار فانی سے کوچ کرنا ملت اسلامیہ خصوصاً ہم خدام جامعہ کو ان کی مشفقانہ، منتظمانہ سرپرستی سے محرومی: مولانا فرقان بدر اعظمی
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جین پور/اعظم گڑھ(آئی این اے نیوز 5/جنوری 2017) دارالعلوم دیوبند کے شیخ الحديث مولانا عبد الحق صاحب اعظمی نورالله مرقده سرپرست جامعہ شیخ الہند قاسم آباد انجانشہید کے سانحه ارتحال پر دفتر اھتمام میں الحاج نعمان صاحب کی صدارت میں تعزیتی پروگرام کا انعقاد ہوا جس میں ناظم جامعہ ھٰذا مولانا فرقان بدر اعظمی نے اظہار تعزیت کرتے ہوئے کہا کہ حضرت کا دار فانی سے کوچ کرنا ملت اسلامیہ کے لئے عام طور پر اور ہم خدام جامعه کے لئے خاص طور پر ایک مدبرانہ منتظمانہ اور مشفقانہ سرپرستی سے محرومی ہے.
نیز اس جلسہ تعزیت میں مولانا عابد صاحب اعظمی، مولانا عامر صاحب اعظمی، مولانا شفیق صاحب قاسمی سمیت دیگر اساتذہ نے بھی اپنے رنج و غم کا اظہار کیا اور ناظم جامعہ ھٰذا نے سرپرست کیلئے مولانا ارشد مدنی صاحب اور نائب سرپرست مفتی محمد راشد صاحب اعظمی کا نام پیش کیا جس پر تمام اراکین نے باتفاق رائے دونوں ناموں کی تو ثيق کردی.
واضح رہے کہ اس کے بعد ہی مولانا فرقان بدر اعظمی ناظم جامعہ اسوقت اراکین شوریٰ کا تحریری تعزیت نامہ اور سرپرست ونائب سرپرست کے نام خطوط لیکر سفر دیوبند پر ہیں اس مجلس میں مفتی مامون صاحب، مولانا طلحه صاحب.مولوی سعيد الله صاحب. حافظ وحیدالزماں قاسمی. حافظ ساجد اعظمی .حافظ انيس قاسمی اور شورىٰ کے تمام اراکین نے شرکت کی اور حضرت والا کے درجات بلندی اور امت مسلمہ کیلئے انکے نعم البدل ہونے کی دعاء کی .
