مبارکپور فیسبک پر محبت، پھر موبائل پر اقرار اس کے بعد تھانے میں ہوگئی شادی!

رپورٹ: ثاقب اعظمی
ـــــــــــــــــــــــــــــ
مبارکپور/اعظم گڑھ(آئی این اے نیوز 13/جون 2017) فیسبک پر دو سال پہلے دوستی ہوئی اور بات بہت دور تک چلی گئی، عمر اور ذات دونوں برابر ہونے کی وجہ سے نوجوان کی چاہت بڑھی اور دونوں محبت کر بیٹھے، معاشرے کی نظروں سے چھپ چھپا کر دونوں کے درمیان تنہائی میں ملنے کی ترتیب شروع ہو گئی، لیکن کہاوت ہے کہ عشق اور مشک چھپائے نہیں چھپتی، ان کے ساتھ بھی یہی ہوا.
سوموار کو نوجوان گرل فرینڈ کے گاؤں رانی پور تک پہنچ گیا اور تنہائی میں دونوں گاؤں والوں کی نظروں میں چڑھ گئے، نوجوان کی دیہاتیوں نے پٹائی کر دی اور اسے پولیس کے حوالے کر دیا گیا، سلاخوں کے پیچھے پہنچ چکے نوجوان کیلئے تڑپ رہی گرل فرینڈ بھی تھانے پہنچ گئی اور نوجوان کے ساتھ رہنے کی ضد پر اڑ گئی، پولیس دونوں کو  بالغ دیکھ ان کے اہل خانہ کو تھانے پر بلایا، شہر کوتوالی علاقے کے ممركھاپور گرام رہائشی سنجے یادو اور مبارکپور تھانہ علاقہ کے رانی پور گرام رہائشی پرینکا کے لواحقین پولیس کے بلاوے پر تھانے پہنچے.

ساتھ رہنے کی ضد پر اڑنے فیصلے کو پولیس نے ان کے اہل خانہ سے بات کی، بالآخر پولیس کی موجودگی میں دونوں کے اہل خانہ کو جھکنا پڑا اور دونوں طرف کےلوگ شادی کے لئے راضی ہو گئے پھر کیا تھانہ احاطے میں شہنائی کی گونج سنائی دینے لگی اور احاطے میں واقع مندر میں پریمی جوڑے نے ایک دوسرے کو پھول مالا پہنا کر کامیاب زندگی کی دعا مانگی.