رپورٹ: محمد انظر اعظمی
ـــــــــــــــــــــــــــــــــــــــــ
سرائے میر/اعظم گڑھ(آئی این اے نیوز 10/جولائی 2017)جامعہ شرعیہ فیض العلوم شیرواں عیدگاہ سرائے میر اعظم گڈھ میں آج صبح نو بجے سے مسجد صحابہ میں حضرت مولانا مفتی اشفاق احمد اعظمی نے اس سال حج پر جانے والے لوگوں کی حج تربیت کی اور کہا کہ یہ سفر خالص اللہ کی رحمت و نعمت ہے، اللہ کا شکر ادا کریں اور مقامات مقدسہ کی عظمت دل میں بٹھا کر اس کے احترام کی طرف خصوصی توجہ دیں، انھوں نے کہا کہ یہاں اجمالی طور پر حج اور عمرہ کا طریقہ بتایا گیا لیکن انشاءاللہ 11 جولائی بروز منگل سے منارہ مسجد سرائے میر میں بعد نماز مغرب تا عشاء حج تربیتی پروگرام چلے گا، اس کے بعد جناب محمد سلیم حج ٹرینر ضلع اعظم گڈھ نے حج کمیٹی اور سعودیہ عربیہ میں قانونی انتظام پر تفصیل سے روشنی ڈالی حج کے احکام کو بتایا خاص طور پر منیٰ عرفات میں ٹرین کے سفر کو اور معلم کے تعلقات سے تفصیلات کو آگاہ کیا، اخیر میں مفتی اشفاق احمد اعظمی نے حاجیوں کے امن وعافيت اور حج مبرور کی دعا کی.
تقریبا 400 لوگوں نے حج تربیتی پروگرام اور ٹیکہ کاری میں شرکت کی انتظامات کے انجام دینے میں مولانا محمد افضل اعظمی، مولانا عبدالعظیم اصلاحی، مولانا فیصل قاسمی، ماسٹر جاوید، مفتی محمد اعظم اعظمی، انظر اشفاق اعظمی، ماسٹر ازہر، مولانا اظفر قاسمی، مولانا اشہر قاسمی، شفیع اللہ، محمد دانش نے کافی تعاون دیا.
واضح ہو کہ اگلا پروگرام 11/جولائی کو جامعہ اشرفیہ مبارک پور اور 12 جولائی کو جامع مسجد اعظم گڈھ میں ہوگا.
