رپورٹ: خالد اعظمی
ـــــــــــــــــــــــــــــــــ
نظام آباد/اعظم گڑھ(آئی این اے نیوز 10/جولائی 2017) نظام آباد تحصیل علاقہ کے سہریاں گاؤں میں واقع جامعہ عزیزیہ میں تقریبا 200 طلباء داخلہ نہ ہونے سے مایوس ہوکر اپنے گھروں کو واپس لوٹے،
موصولہ خبر کے مطابق جامعہ عزیزیہ سہریا کے ناظم اعلیٰ مفتی ذیشان صاحب قاسمی نے بتایا کہ جامعہ عزیز یہ کی عمر ابھی دو سال ہوئی ہے، اور شروع ہی سے یہاں سیٹیں محدود رہتی ہیں جو طلباء شعبان میں رابطہ کرلیتے ہیں انہیں کا داخلہ ہو پاتا ہے.
بتا دیں کی مدرسہ کھلتے ہی جدید داخلے کے لئے طلباء کا جم غفیر امڈ پڑا، لیکن گنجائش نہ ہونے کی صورت میں نہایت ہی افسوس کے ساتھ خواہش مند طلباء کو واپس کرنا پڑا.
نیز مفتی صاحب نے کہا کہ دعا کریں کہ اللہ تعالی ہماری مشکلات کو آسان کردے تاکہ کوئی بھی طالب علم جامعہ عزیزیہ سہریا سے بغیر داخلہ کے مایوس ہوکر نہ جائے. آمیـــن
