رپورٹ: محمد دلشاد قاسمی
ــــــــــــــــــــــــــــــــــــــــــــ
روشن گڑھ/باغپت(آئی این اے نیوز 17/اگست 2017) گزشتہ روز منگل کو71واں سالہ جشنِ آزادی کے موقع پر مدرسہ اسلامیہ عربیہ انوار الاسلام روشن گڑھ باغپت میں ایک پروگرام کا انعقاد کیا گیا، جس کی صدارت حضرت مولانا مفتی محمد سرتاج عالم صاحب نے فرمائی.
پروگرام کا آغاز مدرسہ ھٰذا کے طالب علم محمد عاقل کی تلاوت کلام اللہ سے ھوا، نظامت اور پرچم کشائی کے فرائض مدرسہ ہذا کے ناظم مفتی محمد دلشاد قاسمی نے انجام دیا، پروگرام میں طلبہ و طالبات نے اپنا پر لطف پروگرام یوم آزادی سے متعلق تقریر و نعت، مکالمہ کی شکل میں پیش کیا.
پروگرام میں شریک ڈاکٹر سردار علی، محمد جاوید حاجی، ناظم پردھان جی، حافظ عبدالقیوم، ماسٹر محمد قربان، منشی اسرائیل، کلوچوکیدار، سمیت گاؤں کے سبھی حضرات شریک ہوکر جشن آزادی پر جوش انداز میں منایا.
آخر میں حضرت مولانا مفتی محمد سرتاج عالم نے جنگ آزادی پر مختصراً روشنی ڈالی اور انھیں کی دعاء پر پروگرام کا اختتام ہوا.
