رپورٹ: ابوالفیض خلیلی
ـــــــــــــــــــــــــــــــــــــ
مبارکپور/اعظم گڑھ(آئی این اے نیوز 17/اگست 2017) مقامی تھانہ علاقہ کے بلووا املو میں بدھ کی دوپہر ایک 25 سالہ خاتون کی پر اسرار طور پر چوٹی کٹ جانے سے علاقے کی خواتین میں خوف و ہراس پھیل گیا ہے، بیہوشی کی حالت میں عورت کا علاج کمیونٹی ہیلتھ سینٹر مبارکپور میں چل رہا ہے اور پولیس چھان بین میں مصروف ہے.
معلومات کے مطابق بدھ کی دوپہر بلووا املو رہائشی شكنتلا بیوی گنیش پرجاپتی اپنے گھر میں گھریلو کام کر رہی تھی اور شوہر روز کی طرح مزدوری کرنے گیا تھا جبکہ سسر بالیشور پرجاپتی پڑوس میں ٹی وی دیکھ رہے تھے، تبھی اچانک شكنتلا کے تین سالہ لڑکے کی رونے کی آواز سن کر پڑوسيوں نے دیکھا کہ شكنتلا گھر میں بے ہوش پڑی ہے اور اس کی چوٹی کٹی ہوئی ہے اہل خانہ اور پڑوس کے لوگوں نے اسے کمیونٹی ہیلتھ كیندر مبارکپور پہنچایا جہاں بیہوشی کی حالت میں اس کا علاج چل رہا ہے علاقہ میں ہوئی اس طرح کی پہلی خبر سے اطراف کی خواتین خوفزدہ ہیں.
