رپورٹ: سلمان دہلوی
ــــــــــــــــــــــــــــــــ
دیوبند(آئی این اے نیوز 16/ستمبر 2017) مرکز نظام الدین دہلی سے ساڑھے سات بجے نکلی ہوئی بس جو کہ میرٹھ ٹول ٹیکس عبور کرنے کے بعد جڑودہ (مظفر نگر) میرٹھ ہائیوے پر ایک ٹرک کو اورٹیک کرنے کی بناء پر رات تقریباً 11:00 حادثہ کا شکار ہوگئی.
جس میں مسافرین بال بال بچ گئے، ایک دو مسافروں کو ہلکی پھلکی خروچ وغیرہ آئی ہے، جبکہ بس میں غالبا(ساٹھ ستر سے زیادہ طلباء عزیز اپنی چھٹیاں مکمل کر کے اسی بس سے دیوبند اپنی تعلیمی میدان میں سرگرم ہونے کہ لیے جارہے تھے، بس میں نصف درجن خواتین بھی موجود تھیں.
جس وقت بس حادثہ کا شکار ہوئی اس کے بعد راہ چل رہے ایک بندہ خدا نے اپنا راستہ روک کر اس وقت تک مسافرین کے ساتھ رہے جب تک کہ بس درست ہوکر روانہ نہیں ہوگئی اور وہ ڈرائیور اور مسافروں کو حوصلہ دیتے رہے.
