رپورٹ: محمد دلشاد قاسمی
ـــــــــــــــــــــــــــــــــــــــــــــ
کیرانہ/شاملی(آئی این اے نیوز 13/ستمبر 2017) حاجی محمد ریاست انصاری کے صاحبزادے کی دعوت ولیمہ میں تشریف لائے مجلس احرار ضلع پانی پت (ہریانہ) کے صدر حضرت مولانا مفتی محمد ارشاد الحق نے میڈیا کو مخاطب کرتے ہوئے کہا کہ ملک برما میں مسلمانوں اور معصوموں پر ہو رہے ظلم و تشدد کی انتہا ھہو چکی ہے، بہت ہی بے دردی کے ساتھ معصومیت کی جانوں سے کھلواڑ کیا جارہا ہے اور حد ہو گئی کہ کوئی بھی بین الاقوامی تنظیم یا اقوام متحدہ اور دنیا میں اپنے آپ کو سوپر پاور کہلوانے والا امریکہ بھی ان مسلمانوں اور معصوموں کے لیے اپنی زبان کھولنے کو ضروری نہیں سمجھ رہے ہیں، جب کہ اگر یہ حال کسی یورپ کے ممالک میں ہوتا سب چلانا اور شور مچانا شروع کر دیتے، مگر شاید جو یہ تنظیمیں اور ادارے خاموش ہیں اس کی اصل وجہ بے چارے ان ملک برما میں مرنے والے افراد کا مسلمان ہونا ہے.
انہوں نے کہا کہ آج ہر طرف مسلمانوں کی نسل کشی کی کوششیں کی جارہی ہے مگر ان عقل کے اندھوں کو معلوم نہیں جب تک خدا کی مدد ان مسلمانوں کے ساتھ شامل حال ہے دنیا کی کوئی بھی طاقت انکا کچھ نہیں بگاڑ سکتی اس لئے ہم ملک برما میں مسلمانوں کے ساتھ ہو رہے ظلم و ستم کی پر زور مذمت کرتے ہیں اور حکومت برما کو یہ پیغام پہنچا دینا چاہتے ہیں کہ زیادہ مدہوش ہونے کی اور اکڑنے کی ضرورت نہیں جب خدا کی پکڑ آتی ہے تو پھر کوئی پرسان حال نہیں ہوتا اور بڑی سے بڑی حکومت اور طاقت کو خاک میں ملا کر خاک کر دیتا ہے.
مفتی صاحب نے ملک برما کے لئے دعا کی اپیل کی کہ اللہ اپنی مدد فرمائیں اور صفحہ ہستی سے ظالموں کا خاتمہ کرے.
