رپورٹ: یاسین صدیقی
ــــــــــــــــــــــــــــــــــــــ
لونی/غازی آباد(آئی این اے نیوز 13/ستمبر 2017) جمعیت علماء شہر لونی کو مزید فعال نیز جمعیت کے پیغام کو گھر گھر پہنچانے کیلئے آج اندرا پوری لونی کی جامع مسجد میں ایک اہم میٹنگ کا انعقاد کیا گیا، جسکی صدارت جمعیت علماء کے صدر حاجی عبدالعزیز قریشی نے کی اور نظامت مولانا نذاکت حسین قاسمی نے کی۔
قاری فیض الدین عارف نے جمعیت کی خدمات پر تفصیلی پر روشنی ڈالتے ہوئے کہا کہ جمعیت کسی خاص طبقہ کیلئے کام نہیں کرتی بلکہ جہاں بھی مظلومین کو دبایا گیا اور بلاقصور لوگوں کو گرفتار کیا گیا وہاں پہنچ کر جمعیت نے اس کے خلاف کارروائی کی، اور ان کو انصاف دلوایا خواہ ہندو ہو دلت ہو یا کسی بھی دھرم، مذہب کا ماننے والا ہو، جمعیت نے ان کے حق میں آواز بلند کی اور انکو انصاف دلایا، اسی کڑی کو مضبوط و مستحکم کرنے کے لئے جمعیت علماء حلقہ اندرا پوری کا انتخاب ہوا، جسمیں قاری عمران کو صدر مولانا ظفر الاسلام مہتمم مدرسہ تعلیم القرآن کو سکریٹری باتفاق رائے سے بنایا گیا، مولانا محمد علی قاسمی کی رقت آمیز دعاء پر جلسہ کا اختتام ہوا.
اس موقع پر مفتی فہیم الدین رحمانی مولانا عامر مولانا نظام الدین قاسمی مولانا اسعد الله قاری صدیق کے علاوہ کثیر تعداد میں لوگ موجود تھے۔
