ہنومان جینتی کے موقع پر ہندو رکچھا دل نے نکالی ریلی، لونی کی تاریخ میں پہلی مرتبہ ہوا انعقاد، نازیبا الفاظ بھی کئے گئے استعمال!

 کہیں لونی کو فساد میں جھوکنے کی سازش تو نہیں؟

لونی/غازی آباد (آئی این اے نیوز 2/اپریل) آج لونی میں ہندو رکچھا دل کی جانب سے ایک ریلی نکالی گئی جسمیں پانچ تنظیموں (ہندو رکچھادل، ہندو یوا واہنی، بجرنگ دل وشو ہندو پریشد، آرایس ایس) نے شرکت کی جو لونی تراہے سے شروع ہوکر پاوی صادق پور میں ختم ہوا.

 ہم آپ کو بتادے کہ حال ہی میں بہار بنگال میں ہوئے فسادات میں ایک امام صاحب کے لڑکے کو جس طرح سے شہید کیا گیا اور امام صاحب نے جس ہمت وجواں مردی کیساتھ امن وشانتی کا پیغام دیا وہ قابل مبارکباد ہے، اسی طرح آج ہندو رکچھادل نے بھگوا جھنڈا لہرایا اور بائک پر تین سے چار آدمی سوار ہوکر جے شری رام کے ساتھ وندے ماترم اور ہندوستان میں رہنا ہوگا وندے ماترم کہنا ہوگا جیسے نعرے بازی بھی کی، اس طریقے سے لگتاہیکہ کہیں لونی کو فساد میں جھوکنے کی سازش تو نہیں ہورہی ہے، اگر حکومت نے ان لوگوں پر نظر نہیں رکھی تو یہ بھی فساد کی آگ میں جھلس سکتا ہے.
 آل انڈیا تحریک عوام ہند کے قومی صدر مولانا عارف سراج نعمانی نے تشویش کا اظہار کرتے ہوئے سرپسند عناصر پر نظر رکھنے کی مانگ کی.