دارالعلوم دیوبند کی تمام عربی جماعتوں کے نتائج منظر عام!

رضوان سلمانی
ــــــــــــــــــــــــ
دیوبند(آئی این اے نیوز 12/جون 2018) دارالعلوم دیوبند کی تمام عربی جماعتوں کے سالانہ نتائج منظر عام پر آچکے ہیں، گزشتہ روز ویب سائٹ کے توسط سے منظر عام پر آئے دورہ حدیث شریف کے نتائج میں ادارہ کے طالبعلم فخر الدین جونپوری نے اول پوزیشن حاصل کرکے نام روشن کیا ہے،

حسب سابق دارالعلوم دیوبند کے عربی درجات کے نتائج رمضان المبارک کی پہلی تاریخ سے منظر پر آنا شروع ہوتے تھے، جن کو نئے داخلوں کے مرحلہ سے قبل منظر عام پر لانا انتظامیہ کے لئے ضروری ہوتا، اسی کے تحت گزشتہ دن دورہ حدیث شریف کے نتائج ادارہ ویب سائٹ کے ذریعہ منظر عام پر آئے، اس مرتبہ دورہ حدیث شریف میں 91.70؍ فیصد نمبرات کے ساتھ فخر الدین جونپوری نے اول پوزیشن حاصل کی جبکہ غاذب اشرف اعظم گڈھی نے 91.60؍ فیصد نمبرات کے ساتھ دوم اور محمد شاہ نواز سہارنپور نے 90.60؍ فیصد نمبرات کے ساتھ تیسری پوزیشن حاصل کی۔
واضح ہو کہ دورہ حدیث میں شریف میں کل 1540؍ طلباء نے شرکت کی تھی جن میں سے اکثر طلباء نے نمایاں نمبرات کے ساتھ کامیابی حاصل کی ہے، اول تا دورہ حدیث کے نتائج دارالعلوم دیوبند کی ویب سائٹ دیکھے جاسکتے ہیں۔