اعظم گڑھ: دھوم دھام منائی گئی عیدالفطر، ملک میں امن و شانتی کیلئے بھی مانگی گئی دعائیں!

حافظ ثاقب اعظمی
ــــــــــــــــــــــــــــ
اعظم گڑھ(آئی این اے نیوز 17/جون 2018) عید الفطر اعظم گڑھ میں پورے دھوم دھام کیساتھ منائی گئی، اس دوران لوگوں میں آپسی بھائی چارہ،

اور پیار دیکھنے کو ملا، لوگوں نے اپنے اپنے عید گاہوں اور مساجد میں عید کی نماز ادا کر لوگوں سے گلے مل کر مبارکباد پیش کرتے رہے، اور محلوں میں گھوم کر مبارکباد دیتے ہوئی لذیذ پکوان کا بھی لطف اٹھایا، وہیں چھوٹے بچے میلوں میں اپنے پسند کی چیزیں خریدتے رہے، اور کچھ نئے انداز میں بچوں نے بھی عید کا لطف اٹھایا، اس دوران سبھی بھید بھاؤ چھوڑ کر غیر مسلموں اور نیتاؤں نے بھی گلے لگ کر سبھی کو عید مبارکباد دی، جو برسوں سے اعظم گڑھ میں ہوتا چلا آرہا ہے، یہ ہندو مسلم ایکتا کی مثال ہے، ایسے ہی سرائے میر، جہاناگنج، پھولپور، لال گنج، بندرابازار، سنجرپور، ماہل، بلریاگنج، جین پور، نتھوپور، مبارکپور، روناپار سمیت پورے ضلع میں عید الفطر منائی گئی.