مئوآئمہ/الہ آباد(آئی این اے نیوز 7/جون 2018) مقدس رمضان کا مہینہ گامزن ہے، جگہ جگہ روزہ داروں کو افطار کا اہتمام کیا جارہا ہے کل مئو آئمہ قصبہ کے محلہ حجیانہ مسجد کڑک شاہ میں افطار پارٹی کا اہتمام کیا گیا، جس میں قصبہ کے سیکڑوں روزے داروں نے شرکت کیا.
اس موقع پر افطار سے قبل مفتی فضل الرحمان قاسمی الہ آبادی نے خطاب کرتے ہوئے فرمایا کہ روزہ ایک ایسی عظیم الشان عبادت ہے جس کا بدلہ اللہ پاک خود اپنے ہاتھوں سے دیگا، دوسری عبادتوں کا بدلہ فرشتوں کے ذریعہ دلوایا جائے گا، انہوں نے کہا روزہ کا مقصد زندگیوں کے اندر تقوی وپرہیزگاری پیدا کرنا ہے، نبی کریم صلی اللہ علیہ وسلم کا پاک ارشاد ہے جو شخص کسی مسلمان کو روزہ افطار کرائے تو یہ اس کے مغفرت اور جہنم سے نجات کا ذریعہ ہے، اور اگر شکم سیر کرے تو اللہ تعالی اسے میرے حوض کوثر سے ایسا شربت پلائے گا کہ اس وقت تک پیاس نہیں لگے گی یہاں تک کہ جنت میں داخل ہو جائے، افطار سے قبل مفتی فضل الرحمان قاسمی نے ملک میں امن وامان بھائی چارہ، ملک کی خوش حالی کے لئے دعا کرائیں، آمین کی صداوں سے فضا روحانی ہوگئی تھی، اور روزہ داروں کے آنکھوں سے آنسوں ٹپک رہے تھے.
اہم شرکاء میں عمیر جلال صاحب، حاجی مشتاق، حاجی نرالے، محمد اسلم، ماسٹر محفوظ، عفان انصاری، وغیرہ شریک رہے.
اہم شرکاء میں عمیر جلال صاحب، حاجی مشتاق، حاجی نرالے، محمد اسلم، ماسٹر محفوظ، عفان انصاری، وغیرہ شریک رہے.
