اعظم گڑھ(آئی این اے نیوز 10/اگست 2018) راشٹریہ علماء کونسل کا ایک وفد قومی صدر مولانا عامر رشادی صاحب کی قیادت میں پارلیمنٹ ہاؤس پہنچ کر مختلف جماعتوں کے ارکان پارلیمنٹ سے ملاقات کی اور ان سے 10 اگست 1950 کو آئین کے سیکشن 341 میں کانگریس حکومت کی طرف سے لگائے گئے غیر آئینی پابندی کو ہٹا کر مسلم اور عیسائی ایس سی/ ایس ٹی کو شامل کرنے کیلیے لوک سبھا اور ریاستی سبھا کے موجودہ اجلاس میں ریزرویشن کی آواز اٹھانے کی درخواست کی، جس پر سب نے اتفاق کیا، خاص طور پر CPI (M) کے ایم پی محمد سلیم صاحب نے تو فورا زیرو آور کا نوٹس لوک سبھا اسپیکر کو دے کر آج ہی 10 اگست کو اس مسئلے کو لوک سبھا میں اٹھانے کا وعدہ کیا.
واضح ہو کہ راشٹریہ علماء کونسل کی طرف سے آئین کے دیئے اس ریزرویشن کو مذہب کے نام پر پابندی کر غریب، مسلم، عیسائی، پسماندہ برادری جیسے کہ نٹ، دپھالی، ہیلا، موچی، حلال خور وغیرہ کے حق کی لڑائی ہر محاذ پہ لڑنے کو تیار ہے، آج 10 اگست کو جہاں ہم ملک بھر میں "ناانصافی دن" منا رہے ہیں تو وہیں پارلیمنٹ میں بھی اس مسئلے کو اٹھواكر ملک کی عوام کے سامنے اس نا انصافی کو ختم کرنے کی کوشش کر رہے ہیں، یہ امید بھی ہے کہ یہ مسئلہ پارلیمنٹ میں اٹھے گا اور حکومت اس پر اپنا موقف صاف کرے گی.
