کانپور(آئی این اے نیوز 14/نومبر 2018) مدرسہ عربیہ مدینة العلوم محلہ نور گنج پکھرایاں ضلع کانپور دیہات میں آج 14/نومبر کو بروز بدھ بعد نماز مغرب ایک روزہ عظیم الشان نعتیہ مشاعرہ کا انعقاد کیا جارہا ہے، جس میں ملک کے نامور شعراء اسلام تشریف لارہے ہیں، خاص طور پر شاعر اسلام جناب قاری عبد الباطن فیضی، جناب قاری تابش ریحان صاحب، جناب قاری اشفاق بہرائچی، مفتی طارق جمیل قاسمی قنوج، جناب شاہد گوہر صاحب، فہیم لالہ پوری اور جناب شہرت نیپالی اپنے ایمان افروز نعتیہ کلام سے سامعین کو، منور کریں گے.
حافظ سیف الاسلام مدنی مدرس مدرسہ ہذا نے بتایا کہ مشاعرہ کی تمام تیاریاں مکمل ہوچکی ہیں، اس ادارہ کے زیر انتظام ہونے والے نعتیہ مشاعرے، منفرد انداز، کے حامل ہوتے ہیں، مشاعرہ کی صدارت نمونہ اسلاف جناب حضرت مولانا مشتاق احمد قاسمی ناظم مدرسہ ھذا کریں گے، جبکہ نظامت کے فرائض صاحب و لسان وقلم مولانا عبد الماجد قاسمی کریں گے، انہوں نے اس موقع پر کثیر تعداد میں لوگوں سے شرکت کی درخواست کی ہے.
