کلیانپور/سمستی پور(آئی این اے نیوز 8/جنوری 2019) سمستی پور ضلع کے کلیانپور بلاک کے تحت چک مہیسی پنچایت کے مشہور ومعروف شخصیت جناب غلام شرف الدین عرف مسٹر بابو مرحوم کی اہلیہ محترمہ جناب نور باندی بیگم صاحبہ کے انتقال کی خبر جیسے ہی جامعہ کو ملی، ذمہ داران و اساتذہ اور طلبہ میں غم کی لہر دوڑ گئی، کیونکہ مرحومہ کے گھر کے ایک ایک فرد کا تعلق جامعہ سے والہانہ تھا، موقع بموقع جانی و مالی ہر قسم کے تعاون سے جامعہ کو مستفیض کرتے رہتے ہیں اور اپنے اعلی اخلاق کا مظاہرہ بھی کرتے رہتے ہیں، یہی وجہ ھیکہ جامعہ کے سبھی طلبہ مرحومہ کے اھل خانہ سے مانوس ہیں، اساتذہ وطلبہ نے تلاوت قرآن پاک کے بعد مرحومہ کیلئے مغفرت اور وارثین و پسماندگان کیلئے صبرجمیل کی دعاء کی.
اسی اثناء جامعہ کے بانی وناظم جناب قاری ممتاز احمد جامعی جنرل سکریٹری الامدادایجوکیشنل اینڈ ویلفئر ٹرسٹ نے تعزیتی پیغام میں کہا رنج و الم کی غم ناک گھڑی میں ھم سب اھل خانہ کے غم میں برابر کے شریک ہیں، مرحومہ نیک سیرت و صوم صلٰوۃ کی پابند تھیں، مرحومہ نے اپنے پیچھے پانچ بیٹے اور چار بیٹیاں چھوڑی ہیں، جو شادی شدہ ہیں، نماز جنازہ بعد نماز عصر سمستی پور کے مشہور ومعروف بزرگ عالم دین حضرت مولانا عبداللہ رحمانی نے پڑھائی ـ
