آنند نگر/مہراج گنج(آئی این اے نیوز 5/فروری 2019) امیر شریعت تامل ناڈو اور دارالعلوم دیوبند کے رکن شوری حضرت مولانا یعقوب قاسمی کے سانحہ ارتحال پر حافظ شجاعت فیض عام چیریٹیبل ٹرسٹ کے جنرل سکریٹری حافظ شمس الہدی قاسمی نے اپنے گہرے رنج و غم کا اظہار کرتے ہوئے کہا کہ مولانا اب ہمارے درمیان نہیں رہے اور ان کی رحلت ایک ناقابل تلافی خسارہ ہے جس کی بھرپائی مستقبل قریب میں نظر نہیں آتی۔ مولانا موصوف مدرسہ کاشف الہدی چنئ کے شیخ الحدیث وصدر المدرسین اور تامل ناڈو کے امیر شریعت بھی تھے، اور آپ کی پوری زندگی ملت اسلامیہ کی دینی، روحانی، سماجی و معاشرتی اور خدمت خلق سے عبارت تھی، اس کے علاوہ آپ جنوب ہند میں متعدد مدارس اسلامیہ کے سرپرست، محافظ اور فکر دیوبند کے ترجمان تھے۔
حافظ شجاعت فیض عام چیریٹیبل ٹرسٹ کے جنرل سپروائز حافظ عبیدالرحمن الحسینی نے بھی مولانا یعقوب کے انتقال کو علمی خسارہ بتاتے ہوئے کہا کہ مولانا مرحوم کی خدمات کو ہمیشہ یاد رکھا جائے گا، انھوں نے کہا کہ مولانا کے انتقال سے تامل ناڈو میں جو خلا پیدا ہوا ہے اس کو پر کرنا آسان نہیں ہے، اللہ پاک مرحوم کی مغفرت فرمائے اور لواحقین کو صبر جمیل عطا فرمائے اور امت کو مرحوم کا نعم البدل عطاء فرمائے۔ آمیـن
حافظ شجاعت فیض عام چیریٹیبل ٹرسٹ کے جنرل سپروائز حافظ عبیدالرحمن الحسینی نے بھی مولانا یعقوب کے انتقال کو علمی خسارہ بتاتے ہوئے کہا کہ مولانا مرحوم کی خدمات کو ہمیشہ یاد رکھا جائے گا، انھوں نے کہا کہ مولانا کے انتقال سے تامل ناڈو میں جو خلا پیدا ہوا ہے اس کو پر کرنا آسان نہیں ہے، اللہ پاک مرحوم کی مغفرت فرمائے اور لواحقین کو صبر جمیل عطا فرمائے اور امت کو مرحوم کا نعم البدل عطاء فرمائے۔ آمیـن
