رپورٹ :محمد دلشاد قاسمی
ـــــــــــــــــــــــــــــــــــــــ
پلڑہ بڑوت/باغپت (آئی این اے نیوز 10 / ستمبر 2019) ضلع باغپت کے موضع پلڑہ کے مدرسہ مدینت العلوم میں گزشتہ تین روز سے جاری بھارت اسکاؤٹ اینڈ گائڈ جمعیۃ یوتھ کلب کا کیمپ آج اختتام کو پہونچا، جس کی صدارت حضرت مولانا مفتی محمد عباس صاحب صدر جمعیۃ علماء ھند ضلع باغپت نے فرمائی، مہمان خصوصی کی حیثیت سے حافظ محمد قاسم صاحب جنرل سکریٹری جمعیۃ علماء ھند ضلع باغپت نے شرکت فرمائی.
پروگرام کا آغاز تلاوت کلام اللہ اور نعت نبی سے ہوا ،کیمپ میں شریک "اسکاؤٹ" اور روورس سے طرح طرح کے پروگرام پیش کیے ،ٹریفک نیم ،اور ووٹنگ کی اہمیت ،اور ماں باپ کی فرماں برداری ،سے متعلق ڈرامائی شکل میں بڑے ہی خوبصورت انداز میں پروگرام پیش کیے ،
اس کے بعد مہمان خصوصی کی حیثیت سے تشریف لائے حافظ محمد قاسم صاحب نے اسکاؤٹ پر روشنی ڈالتے ہوئے کہا کہ یہ دراصل اخلاق نبوی صلی اللہ علیہ وسلم کو عام کرنے کے لیے ،اور نوجوان جوکہ ہر قوم کی ریڑھ کی ہڈی کے مانند ہوتے ہیں ان کو چاک چوبند رکھنے کے لیے اور ان کی تندرستی کو برقرار رکھتے ہوئے ،ملک و ملت کی خدمت کے جذبہ کو اجاگر کرنے کے لیے اہم کوشش ہے ،اس لیے ہم سب اپنے نوجوانوں کو اس منسلک کرائیں اور اپنی نوجوان نسل کو برباد ہونے سے بچالیں.
حضرت مولانا محمد یامین نائب صدر جمعیت علماء ضلع باغپت نے کہا کہ ہم جمعیت یوتھ کلب کو ایک ذمہ داری سمجھ کر اس سے جڑیں اور جمعیت علماء ھند کے منصوبے کو اٰگے بڑھائیں،
مفتی محمد دلشاد قاسمی ناظم مدرسہ اسلامیہ انوارالاسلام روشن گڑھ باغپت نے اپنے خطاب میں کہا کہ جمعیت یوتھ کلب دراصل نسل نو کو برباد وتباہ ہونے سے بچانے کا واحد ذریعہ ھے اس لیے اس میں بالکل بلا خوف و خطر اپنے جوانوں کو جوڑیں
پروگرام کی صدارت فرمارہے حضرت مولانا مفتی محمد عباس صاحب نے کہا کہ جمعیۃ علماء ھند ملک کی وہ واحد تنظیم ہے جو ملک کے لیے اور ملت اسلامیہ کے لیے ہر مشکل میں شانہ بہ شانہ کھڑی رہتی ہے، مسلمانوں پر ہونے والے ظلم و ستم کے لیے ہر میدان میں ہر ممکنہ راحت رسانی کی کوشش کرتی ھے اس لیے ہم جمعیۃ علماء ھند سے مل جل کر آگے بڑھے ،اور ملک میں بھائی چارگی کو رواج دیں اخلاق حسنہ کو اپنائے تاکہ اسلام کو پھلنے پھولنے کا موقع ملے.
کیمپ بھائی محمد واصف صاحب ٹرینر اسکاؤٹ اینڈ گائڈ ،اوردانش احمد کی نگرانی میں جاری رہا ،نظامت کے فرائض بھی قاری محمد صابرصاحب نے انجام دیئے.
اس موقع پر ،مولانا محمد خالد کنوینر جمعیت یوتھ کلب صاحب ،قاری محمد صابر صاحب صدر تحصیل بڑوت جمعیۃ علماء ھند ،حافظ محمد لیاقت صاحب ،ماسٹر عبد القیوم صاحب ،مولانا محمد الیاس صاحب ،حافظ سلیم صاحب مہتمم مدرسہ مدینت العلوم پلڑہ ،قاری ساجد محمد طارق فلاحی نمائندہ اخبار مشرق،اور گاؤں کے معزز افراد بڑی تعداد میں موجود ریے ،جنہوں نے بچوں کی خوب حوصلہ افزائی کی.
آخر میں صدر محترم کی دعا پر پروگرام کا اختتام ہوا،اس موقع پر گاوں پلڑہ کے پردھان جی اور دیگر احباب نے ٹرینر حضرات کو نقد انعامات سے بھی نوازا،جب کہ تمام اسکاوٹ اور رورس وٹرینرس کو ٹرافی بھی دیکر حوصلہ افزائی کی گئی
