*شیخ الاسلام قطب زماں شیخ العرب والعجم مجاہد اعظم حضرت مولانا حسین احمد مدنی رحمت اللہ علیہ:* از *(محمد دیوبند)*
ﺩﯾﻦ ﮐﯽ ﺧﺪﻣﺖ ﮐﺎ ﯾﮩﯽ ﻣﻄﻠﺐ ﻧﮩﯿﮟ ﮨﮯ ﮐﮧ ﺁﭖ ﻟﻮﮒ ﻣﺪﺭﺳﮧ ﻭﺧﺎﻧﻘﺎﮦ ﻣﯿﮟ ﮔﻮﺷﮧ ﮔﯿﺮ ﮨﻮﮐﺮ ﮐﺘﺎﺏ ﮨﯽ ﺗﮏ ﻣﻨﺤﺼﺮ ﺭﮨﯿﮟ، ﻣﺴﻠﻤﺎﻧﻮﮞ ﮐﯽ ﺍﻭﺭ ﻣﻠﮏ ﮐﯽ ﺍﻗﺘﺼﺎﺩﯼ، ﻣﻌﺎﺷﯽ ﻧﯿﺰ ﺳﯿﺎﺳﯽ ﺗﺮﻗﯽ ﺑﮭﯽ ﺩﯾﻨﯽ ﻓﺮﺍﺋﺾ ﻣﯿﮟ ﺷﺎﻣﻞ ﮨﮯ “ ۔ ( ﻣﻮﻻﻧﺎ ﺣﺴﯿﻦ ﺍﺣﻤﺪ ﻣﺪﻧﯽ ﻣﮑﺘﻮﺑﺎﺕ ﺟﻠﺪ ﺍﻭﻝ،ﺹ۲۱)
ﮨﻨﺪﻭﺳﺘﺎﻥ ﻣﯿﮟ ﺍﻧﯿﺴﻮﯾﮟ ﺑﯿﺴﻮﯾﮟ ﺻﺪﯼ ﮐﮯ ﺩﻭﺭﺍﻥ ﺷﺎﮦ ﻭﻟﯽ ﺍﻟﻠﮧ محدث دہلوی رحمۃ اللہ علیہ ﺳﮯ ﺷﺮﻭﻉ ﮨﻮﮐﺮ ﺷﺎﮦ ﺍﺳﻤﺎﻋﯿﻞ ﺷﮩﯿﺪ و ﺣﻀﺮﺕ ﺳﯿّﺪ ﺍﺣﻤﺪ ﺷﮩﯿﺪ ﮐﮯ ﻧﻔﺲِ ﮔﺮﻡ ﺳﮯ ﮨﻮﺗﯽ ﮨﻮﺋﯽ ﯾﮩﯽ ﻣﺠﺎﮨﺪﺍﻧﮧ ﺍﺳﭙﺮﭦ ﺍﻭﺭ ﯾﮩﯽ ﺭﻭﺵ ﺍﮐﺎﺑﺮِ ﺩﯾﻮﺑﻨﺪ ﮐﮯ ﻗﺎﺋﺪ ﺳﺎﻻﺭﻭﮞ ﮐﯽ ﺟﻤﺎﻋﺖ ﻣﮩﺎﺟﺮ ﻣﮑﯽ ﺣﻀﺮﺕ ﺣﺎﺟﯽ ﺍﻣﺪﺍﺩ ﺍﻟﻠﮧ رحمہ اللہ ﻣﻮﻻﻧﺎ ﻣﺤﻤﺪ ﻗﺎﺳﻢ نانوتوی رحمہ اللہ ﻣﻮﻻﻧﺎ ﺭﺷﯿﺪ ﺍﺣﻤﺪ ﮔﻨﮕﻮﮨﯽ رح ﭘﯿﺮﺟﯽ ﺿﺎﻣﻦ ﺷﮩﯿﺪ ﮐﮯ ﺳﯿﻨﻮﮞ ﻣﯿﮟ ﭘﯿﻮﺳﺖ ﮨﻮﮔﺌﯽ ﺗﮭﯽ ﺍﻭﺭ ﭘﮭﺮ ﺭﮨﺒﺮﺍﻥِ ﺍُﻣﺖ ﮐﮯ ﺍِﻥ ﺳﭙﮧ ﺳﺎﻻﺭﻭﮞ ﻧﮯ ﻋﻠَﻢ ﺟﮩﺎﺩ ﮐﯽ ﯾﮧ ﺍﻣﺎﻧﺖ ﺍﭘﻨﮯ ﻋﻠﻤﯽ، ﺭﻭﺣﺎﻧﯽ ﺍﻭﺭ ﺳﯿﺎﺳﯽ ﻭﺍﺭﺙ ﻣﻮﻻﻧﺎ ( ﺷﯿﺦ ﺍﻟﮩﻨﺪ ) ﻣﺤﻤﻮﺩﺣﺴﻦ رحمت اللہ علیہ ﮐﻮ ﺳﻮﻧﭗ ﺩﯼ ﺍﻭﺭ ﭘﮭﺮ ﺷﯿﺦ ﺍﻟﮩﻨﺪ ﻧﮯ ﺍﺱ ﻧﺼﯿﺤﺖ ﺍﻭﺭ ﻭﺻﯿﺖ ﮐﮯ ﺳﺎﺗﮫ ﮐﮧ :
” ﺟﺐ ﺗﮏ ﻓﺘﺢ ﮐﺎﻣﻞ ﻧﺼﯿﺐ ﻧﮧ ﮨﻮﺟﺎﺋﮯ ﺍﻭﺭ ﮨﻨﺪﻭﺳﺘﺎﻥ ﺁﺯﺍﺩ ﻧﮧ ﮨﻮﺟﺎﺋﮯ ۱۸۵۷ / ﮐﺎ ﻋﻠﻢ ﺟﮩﺎﺩ ﺳﺮﻧﮕﻮﮞ ﻧﮧ ﮨﻮﻧﮯ ﭘﺎﺋﮯ ﺍﻭﺭﺟﻨﮓ ﺁﺯﺍﺩﯼ ﭘﻮﺭﮮ ﺣﻮﺻﻠﮯ، ﮨﻮﺷﻤﻨﺪﯼ ﺍﻭﺭ ﺟﺎﮞ ﻧﺜﺎﺭﯼ ﮐﮯ ﺳﺎﺗﮫ ﺟﺎﺭﯼ ﺭﮨﮯ۔ “
ﺍﭘﻨﮯ ﻋﺰﯾﺰ ﺷﺎﮔﺮﺩ ﻣﻮﻻﻧﺎ ﺣﺴﯿﻦ احمد مدنی رحمت اللہ علیہ ﮐﻮ ﯾﮧ ﺍﻣﺎﻧﺖ ﺳﻮﻧﭗ ﺩﯼ، ﻣﻮﻻﻧﺎ ﺣﺴﯿﻦ ﺍﺣﻤﺪ ﻣﺪﻧﯽ رحمت اللہ علیہ ﻧﮯ ﺍﺱ ﺍِﺭﺍﺩﮮ، ﻋﺰﻡ ﺍﻭﺭ ﻧﯿﺖ ﮐﮯ ﺳﺎﺗﮫ ﺍﭘﻨﮯ ﻣﺤﺒﻮﺏ ﺍﺳﺘﺎﺫ، ﻋﻠﻢ ﻭﺟﮩﺎﺩ ﮐﮯ ﻣُﺮﺑّﯽ ﮐﯽ ﺍﻣﺎﻧﺖ ﮐﻮ ﺳﻨﺒﮭﺎﻻ ﮐﮧ ” ﯾﺎ ﺗﻦ ﺭﺳﺪ ﺑﺠﺎﻧﺎﮞ ﯾﺎ ﺟﺎﮞ ﺯﺗﻦ ﺑﺮﺁﯾﺪ “ ﺑﮩﺮ ﺣﺎﻝ ﺍﮐﺎﺑﺮ ﮐﯽ ﺍِﺱ ﻣُﮩﻢ ﮐﻮ ﮐﺎﻣﯿﺎﺑﯽ ﺗﮏ ﭘﮩﻨﭽﺎﻧﺎ ﮨﮯ، ﺍﻭﺭ ﭘﮭﺮ ﺩﻧﯿﺎ ﻧﮯ ﺩﯾﮑﮭﺎ ﺍﻭﺭ ﺑﮭﺎﺭﺕ ﮐﯽ ﺟﻨﮓ ﺁﺯﺍﺩﯼ ﮐﯽ ﺗﺎﺭﯾﺦ ﻧﮯ ﺍِﺱ ﮐﻮ ﺍﭘﻨﮯ ﺻﻔﺤﺎﺕ ﻣﯿﮟ ﻣﺤﻔﻮﻅ ﮐﺮﻟﯿﺎ ﮐﮧ ﺣﻀﺮﺕ ﻣﺪﻧﯽ رحمت اللہ علیہﻧﮯ ﺷﯿﺦ ﺳﻌﺪﯼ ﺳﮯ ﻣﺴﺘﻌﺎﺭ ﻟﮯ ﮐﺮ ﺍﯾﮏ ﺳﺮﻣﺪﯼ ﺍﻋﻼﻥ ﻓﺮﻣﺎﯾﺎ۔
ﺁﮞ ﻧﮧ ﻣﻦ ﺑﺎﺷﻢ ﮐﮧ ﺭﻭﺯ ﺟﻨﮓ ﺑﯿﻨﯽ ﭘُﺸﺖِ ﻣﻦ
ﺁﮞ ﻣﻨﻢ ﮐﮧ ﺩﺭﻣﯿﺎﻥِ ﺧﺎﮎ ﻭﺧﻮﮞ ﺑﯿﻨﯽ ﺳَﺮﮮ.
ﺟﺪﻭﺟﮩﺪ ﺁﺯﺍﺩﯼ ﻣﯿﮟ ﺷﺮﮐﺖ ﮐﮯ ﺍﺳﺒﺎﺏ :
ﻭﮦ ﮐﻮﻥ ﺳﺎ ﺟﺬﺑﮧ ﺗﮭﺎ ﮐﯿﺎ ﺍﺳﺒﺎﺏ ﺗﮭﮯ ﺟﺲ ﻧﮯ ﭘُﺮﺳﮑﻮﻥ ﮔﻮﺷﮧٴ ﻋﺎﻓﯿﺖ ﮐﻮ ﺗﺮﮎ ﮐﺮﮐﮯ ﺳﻤﻨﺪﺭ ﮐﮯ ﺑﭙﮭﺮﮮ ﮨﻮﺋﮯ ﻃﻮﻓﺎﻥ ﻣﯿﮟ ﮐﻮﺩ ﭘﮍﻧﮯ ﭘﺮ ﻣﻮﻻﻧﺎ ﮐﻮ ﻣﺠﺒﻮﺭ ﮐﯿﺎ، ﺍﺱ ﮐﯽ ﻭﺿﺎﺣﺖ ﮐﮯ ﺳﻠﺴﻠﮯ ﻣﯿﮟ( ﻣﻮﻻﻧﺎ ﻓﺮﯾﺪﺍﻟﻮﺣﯿﺪﯼ ﺻﺎﺣﺐ ﻟﮑﮭﺘﮯ ﮨﯿﮟ)
” ﻣﺎﻟﭩﺎ ﺳﮯ ﺁﻧﮯ ﮐﮯ ﺑﻌﺪ ﻣﺪﯾﻨﮧ ﻃﯿﺒﮧ ﮐﺎ ﻓﻮﺭﯼ ﺍﺭﺍﺩﮦ ﺗﮭﺎ ﺍﻭﺭ ﻭﮨﺎﮞ ﺳﮯ ﺍﻋﺰﺍﺀ ، ﺑﮭﺎﺋﯿﻮﮞ، ﺗﻼﻣﺬﮦ ﺍﻭﺭ ﺷﺎﮔﺮﺩﻭﮞ ﮐﺎ ﺑﺮﺍﺑﺮ ﺍﺻﺮﺍﺭ ﺑﮭﯽ ﺗﮭﺎ ﮐﮧ ﺁﭖ ﻭﺍﭘﺲ ﺁﺟﺎﺋﯿﮟ؛ ﻣﮕﺮ ﺣﻀﺮﺕ ﮐﮯ ﻧﺰﺩﯾﮏ ﺍﺱ ﻭﻗﺖ ﺩﯾﻦ ﻭﻣﻠّﺖ ﻗﻮﻡ ﻭﻣﻠﮏ ﮐﯽ ﺧﺪﻣﺖ ﮨﻨﺪﻭﺳﺘﺎﻥ ﻣﯿﮟ ﺯﯾﺎﺩﮦ ﺿﺮﻭﺭﯼ ﺗﮭﯽ۔
ﺧﻮﺩ ﺣﻀﺮﺕ ﻣﺪﻧﯽ ﮐﺎ ﺍﺱ ﺑﺎﺭﮮ ﻣﯿﮟ ﮐﯿﺎ ﺗﺎﺛﺮ ﺗﮭﺎ۔ ﻓﺮﻣﺎﺗﮯ ﮨﯿﮟ : ” ﺟﺲ ﭼﯿﺰ ﺳﮯ ﻣﺴﻠﻤﺎﻧﻮﮞ ﮐﻮ ﻓﺎﺋﺪﮦ ﭘﮩﻨﭽﮯ ﻭﮦ ﻣﯿﺮﮮ ﻧﺰﺩﯾﮏ ﺯﯾﺎﺩﮦ ﻣﺤﺒﻮﺏ ﮨﮯ، ﺍﺳﯽ ﻟﯿﮯ ﻣﯿﮟ ﻧﮯ ﺩﻭﺭ ﺩﺭﺍﺯ ﻣﻠﮏ ( ﮨﻨﺪﻭﺳﺘﺎﻥ ) ﻣﯿﮟ ﻗﯿﺎﻡ ﮐﺮﻧﺎ ﭘﺴﻨﺪ ﮐﯿﺎ ﮨﮯ؛ ﺣﺎﻻﻧﮑﮧ ﻣﯿﺮﺍ ﺩﻝ ﻣﺪﯾﻨﮧ ﻣﻨﻮﺭﮦ، ﺁﮞ ﺣﻀﺮﺕ … ، ﺷﺎﻥِ ﻣﺪﯾﻨﮧ ﺍﻭﺭ ﺑﺮﺍﺩﺭﺍﻥِ ﻋﺰﯾﺰ ﮐﯽ ﯾﺎﺩ ﻣﯿﮟ ﺑﮯ ﭼﯿﻦ ﺭﮨﺎ ﮐﺮﺗﺎ ﮨﮯ۔ “
ﺣﻀﺮﺕ ﻣﻮﻻﻧﺎ ﮐﯽ ﺟﻨﮓ ﺁﺯﺍﺩﯼ ﻣﯿﮟ ﺷﻤﻮﻟﯿﺖ ﮐﮯ ﺳﻠﺴﻠﮯ ﻣﯿﮟ ﺩﻭ ﮔﻮﺷﮯ ﺑﻄﻮﺭ ﺍﺳﺒﺎﺏ ﮨﻤﺎﺭﮮ ﺳﺎﻣﻨﮯ ﺁﺗﮯ ﮨﯿﮟ، ﺧﺎﺭﺟﯽ ﺍﻭﺭ ﺩﺍﺧﻠﯽ ﺍﺳﺒﺎﺏ :
ﺧﺎﺭﺟﯽ : ﻋﺎﻟﻢِ ﺍﺳﻼﻡ ﭘﺮ ﺍﻧﮕﺮﯾﺰﻭﮞ ﮐﮯ ﺑﮯ ﭘﻨﺎﮦ ﻣﻈﺎﻟﻢ۔
ﺩﺍﺧﻠﯽ : ﺍﭘﻨﮯ ﻭﻃﻦ ﮨﻨﺪﻭﺳﺘﺎﻥ ﮐﮯ ﺳﺎﺗﮫ ﻧﺎﺯﯾﺒﺎ ﺳﻠﻮﮎ۔
ﺧﺎﺭﺟﯽ ﮐﯽ ﺗﻔﺼﯿﻞ :
ﺍﺳﻼﻣﯽ ﻣﻤﺎﻟﮏ ﮐﯽ ﺷﺎﻥ ﻭﺷﻮﮐﺖ ﺳﮯ ﺩﻧﯿﺎ ﮐﯽ ﻧﻈﺮﯾﮟ ﺧﯿﺮﮦ ﮨﻮﺭﮨﯽ ﺗﮭﯿﮟ، ﺍﺳﻼﻣﯽ ﺷﻌﺎﺋﺮ ﻭﺍﺣﮑﺎﻡ ﮨﺮ ﻃﺮﻑ ﺳﺮﺑﻠﻨﺪ ﺗﮭﮯ، ﯾﮧ ﺗﺮﻗﯽ ﯾﮧ ﻋﺮﻭﺝ ﺧﺎﺭﮐﯽ ﻃﺮﺡ ﯾﻮﺭﭖ ﮐﯽ ﺁﻧﮑﮫ ﻣﯿﮟ ﮐﮭﭩﮏ ﺭﮨﺎ ﺗﮭﺎ، ﻋﯿﺴﺎﺋﯽ ﺩﻧﯿﺎ ﻧﮯ ﺍﭘﻨﮯ ﺭﻭﺍﯾﺘﯽ ﻣﮑﺮﻭﻓﺮﯾﺐ، ﻋﮩﺪ ﺷﮑﻨﯽ ﺍﻭﺭ ﺩﮬﻮﮐﮯ ﺳﮯ ﻋﺎﻟﻢ ﺍﺳﻼﻡ ﮐﮯ ﻗﻠﺐ ﻣﯿﮟ ﺍﭘﻨﮯ ﭘﻨﺠﮯ ﻣﻀﺒﻮﻁ ﮐﺮﻧﮯ ﺷﺮﻭﻉ ﮐﺮﺩﯾﮯ، ﺑﮩﺖ ﺟﻠﺪ ﺍﺳﻼﻣﯽ ﺳﻠﻄﻨﺘﻮﮞ ﺧﺼﻮﺻﺎً ﺗﺮﮐﯽ ﭘﺮ ﺍﭘﻨﯽ ﺩﺷﻤﻨﯽ، ﺑﺪﻋﮩﺪﯼ، ﻣﮑﺮﻭﻓﺮﯾﺐ ﺍﻭﺭ ﺑﮩﺎﻧﮯ ﺑﺎﺯﯼ ﮐﮯ ﺫﺭﯾﻌﮯ ﻗﯿﺎﻣﺖ ﮐﺎ ﻣﻨﻈﺮ ﭘﯿﺶ ﮐﺮﺩﯾﺎ، ﺍﻧﺴﺎﻧﯽ ﺫﮨﻦ ﺍُﻥ ﻣﻈﺎﻟﻢ ﮐﺎ ﺗﺼﻮﺭ ﻧﮩﯿﮟ ﮐﺮﺳﮑﺘﺎ، ﺟﻮ ﻣﻐﺮﺏ ﮐﮯ ﺑﮭﯿﮍﯾﻮﮞ ﻧﮯ ﻣﺸﺮﻕ ﮐﮯ ﻣﻈﻠﻮﻣﻮﮞ ﮐﮯ ﺳﺎﺗﮫ ﺭﻭﺍ ﺭﮐﮭﮯ ﺍﻭﺭ ﺍُﻥ ﮐﮯ ﺟﺴﻢ ﻭﺟﺎﻥ، ﻣﺎﻝ ﻣﻨﺎﻝ ﻋﺰﺕ ﻭ ﺁﺑﺮﻭ ﮐﻮ ﻟﻮﭨﺎ، ﺑﺮﺑﺎﺩ ﮐﯿﺎ، ﻏﺮﺽ ﮐﮧ ﺍﺳﻼﻡ ﺩﺷﻤﻨﯽ ﺍﻭﺭ ﻣﺴﻠﻤﺎﻭﮞ ﮐﮯ ﺳﺎﺗﮫ ﻧﻔﺮﺕ ﻣﯿﮟ ﺍﯾﺴﮯ ﻣﻈﺎﻟﻢ ﮐﯿﮯ ﮐﮧ ﺧﻮﺩ ﻋﯿﺴﺎﺋﯽ ﺩﻧﯿﺎ ﭼﻼ ﺍﭨﮭﯽ۔
ﺍﻧﮕﺮﯾﺰﻭﮞ ﮐﮯ ﻣﻈﺎﻟﻢ ﮐﺎ ﯾﮧ ﺍﯾﮏ ﺍﯾﺴﺎ ﻃﻮﻓﺎﻥ ﺗﮭﺎ، ﺟﺲ ﻧﮯ ﭘﮩﻠﮯ ﺷﯿﺦ ﺍﻟﮩﻨﺪ ﮐﮯ ﻗﻠﺐ ﮐﻮ ﭘﮭﺮ ﻣﻮﻻﻧﺎ ﻣﺪﻧﯽ ﮐﮯ ﺩﻝ ﻭﺩﻣﺎﻍ ﮐﻮ ﺍﻧﮕﺮﯾﺰ ﻧﻔﺮﺕ ﺳﮯ ﺑﮭﺮﺩﯾﺎ ﺍﻭﺭ ﺍﯾﺴﯽ ﻧﻔﺮﺕ ﭘﯿﺪﺍ ﮐﯽ ﮐﮧ ﺩﻧﯿﺎ ﮐﯽ ﺗﻤﺎﻡ ﭼﯿﺰﻭﮞ ﺳﮯ ﺯﯾﺎﺩﮦ ﺩﺷﻤﻨﯽ ﺍﺱ ﻗﻮﻡ ﺳﮯ ﮨﻮﮔﺌﯽ۔ ﺍﭘﻨﮯ ﻣﻠﮏ ﻣﯿﮟ ﺍُﻥ ﮐﺎ ﻧﺎﭘﺎﮎ ﻭﺟﻮﺩ ﮐﺴﯽ ﻃﺮﺡ ﮔﻮﺍﺭﺍ ﻧﮧ ﺗﮭﺎ۔
ﺩﺍﺧﻠﯽ ﮐﯽ ﺗﻔﺼﯿﻞ :
ﺩﻭﺳﺮﺍ ﺳﺒﺐ ﺩﺍﺧﻠﯽ ﺗﮭﺎ، ﯾﻌﻨﯽ ﺍﺱ ﮐﺎ ﺗﻌﻠﻖ ﺍﭘﻨﮯ ﻭﻃﻦ ﺳﮯ ﺗﮭﺎ ﺍﻭﺭ ﺍﺱ ﻧﮯ ﺑﮭﯽ ﺁﭖ ﮐﮯ ﺩﻥ ﮐﺎ ﭼﯿﻦ ﺍﻭﺭ ﺭﺍﺕ ﮐﯽ ﻧﯿﻨﺪ ﺣﺮﺍﻡ ﮐﺮﺭﮐﮭﯽ ﺗﮭﯽ، ﺍﺱ ﮐﺎ ﭘﺲ ﻣﻨﻈﺮ ﯾﮧ ﮨﮯ ﮐﮧ ۱۶۰۰ / ﺳﮯ ۱۸۵۷ / ﺗﮏ ﭘﮭﺮ ۱۹۴۷ /
ﺗﮏ ﻣﺎﺩﺭِ ﻭﻃﻦ ﭘﺮ ﺳﺎﻣﺮﺍﺝ ﮐﺎ ﺑﮭﯿﺎﻧﮏ ﻇﻠﻢ ﻭﺳﺘﻢ، ﻟﻮﭦ ﮐﮭﺴﻮﭦ،ﺍﻭﺭ ﺍﺳﺘﺤﺼﺎﻝ ﮐﺎ ﺧﻄﺮﻧﺎﮎ ﺳﻠﺴﻠﮧ ﺟﺎﺭﯼ ﺗﮭﺎ۔ ﻣﻮﻻﻧﺎ ﮐﺎ ﺫﮨﻦ ﺍﺱ ﺑﺎﺭﮮ ﻣﯿﮟ ﺑﮩﺖ ﺣﺴﺎﺱ ﺗﮭﺎ ﺍﻭﺭ ﺍﺣﺴﺎﺱ ﮐﯽ ﯾﮧ ﺷﺪﺕ ﺍُﺱ ﻣﺎﺣﻮﻝ ﮐﯽ ﺩﯾﻦ ﺗﮭﯽ ﺟﻮ ﺑﭽﭙﻦ ﻣﯿﮟ ﺍﺳﮑﻮﻝ ﮐﮯ ﻧﺼﺎﺏ ﺳﮯ ﺍﻥ ﮐﮯ ﺫﮨﻦ ﻧﮯ ﻗﺒﻮﻝ ﮐﯿﺎ ﺧﻮﺩ ﺍﻧﮭﯿﮟ ﺳﮯ ﺳﻨﺌﮯ۔ ﻓﺮﻣﺎﺗﮯ ﮨﯿﮟ :
” ﺟﺐ ﮐﮧ ﻣﯿﮟ ﺍﺳﮑﻮﻝ ﻣﯿﮟ ﭘﮍﮬﺘﺎ ﺗﮭﺎ ﺗﻮ ﻣﺠﮫ ﮐﻮ ﺗﺎﺭﯾﺦ ﺍﻭﺭ ﺟﻐﺮﺍﻓﯿﮧ ﺳﮯ ﺧﺼﻮﺻﯽ ﺩﻟﭽﺴﭙﯽ ﭘﯿﺪﺍﮨﻮﺋﯽ، ﮨﻨﺪﻭﺳﺘﺎﻥ ﮐﯽ ﭘﺮﺍﻧﯽ ﻋﻈﻤﺘﻮﮞ ﺍﻭﺭ ﺟﻐﺮﺍﻓﯿﺎﺋﯽ ﻗﺪﺭﺗﯽ ﮨﻤﮧ ﮔﯿﺮ ﺑﺮﮐﺘﻮﮞ ﻧﮯ ﻧﮩﺎﯾﺖ ﮔﮩﺮﺍ ﺍﺛﺮ ﮐﯿﺎ ﺍﻭﺭ ﭘﮭﺮ ﺍﮨﻞ ﮨﻨﺪ ﮐﯽ ﻣﻮﺟﻮﺩﮦ ﺑﮯ ﮐﺴﯽ ﮐﺎ ﺍﺛﺮ ﺭﻭﺯ ﺍﻓﺰﻭﮞ ﮨﻮﺗﺎ ﺭﮨﺎ، ﺍﺱ ﺯﻣﺎﻧﮯ ﮐﮯ ﺧﺘﻢ ﮨﻮﻧﮯ ﭘﺮ ﻣﺠﮫ ﮐﻮ ﺁﺯﺍﺩ ﻣﻤﺎﻟﮏ ﻋﺮﺏ، ﻣﺼﺮ، ﺷﺎﻡ ﻭﻏﯿﺮﮦ ﮐﯽ ﺳﯿﺎﺣﺖ ﺍﻭﺭ ﻗﯿﺎﻡ ﮐﯽ ﻧﻮﺑﺖ ﺁﺋﯽ، ﺍﺱ ﻧﮯ ﻣﺠﮫ ﮐﻮ ﻭﻃﻦ ﮐﯽ ﻣﺤﺒﺖ ﻣﯿﮟ ﺍﻭﺭ ﺯﯾﺎﺩﺗﯽ ﭘﯿﺪﺍﮐﺮﺩﯼ ﺍﻭﺭ ﺍﺱ ﺍﺣﺴﺎﺱ ﮐﻮ ﻧﮩﺎﯾﺖ ﻗﻮﯼ ﮐﺮﺩﯾﺎ ﮐﮧ ﺁﺯﺍﺩﯼ ﮐﺲ ﻗﺪﺭ ﺿﺮﻭﺭﯼ ﮨﮯ ﺍﻭﺭ ﺑﻐﯿﺮ ﺁﺯﺍﺩﯼ ﮐﮯ ﮐﺴﯽ ﻣﻠﮏ ﮐﮯ ﺑﺎﺷﻨﺪﮮ ﮐﺲ ﻗﺪﺭ ﺑﮯ ﺑﺲ ﺍﻭﺭ ﺍﭘﻨﮯ ﻣﻠﮏ ﮐﯽ ﻗﺪﺭﺗﯽ ﻓﯿﺎﺿﯿﻮﮞ ﺳﮯ ﻣﺤﺮﻭﻡ ﮨﻮﺗﮯ ﮨﯿﮟ۔ “ ( ﺷﯿﺦ ﺍﻻﺳﻼﻡ ﻣﻮﻻﻧﺎ ﺣﺴﯿﻦ ﺍﺣﻤﺪ، ﻓﺮﯾﺪﺍﻟﻮﺣﯿﺪﯼ،ﺹ۱۶۷ )
ﮨﻨﺪﻭﺳﺘﺎﻥ ﻣﯿﮟ ﺍﻧﮕﺮﯾﺰﻭﮞ ﮐﮯ ﻣﻨﺤﻮﺱ ﻗﺪﻡ ﺁﻧﮯ ﺳﮯ ﭘﮩﻠﮯ ﮐﯽ ﺑﺮﮐﺘﻮﮞ ﺍﻭﺭ ﺍُﻥ ﮐﮯ ﺁﻧﮯ، ﻗﺒﻀﮧ ﺍﻭﺭ ﻟﻮﭦ ﮔﮭﺴﻮﭦ ﮐﮯ ﺑﻌﺪ ﮐﻨﮕﺎﻝ ﮨﻨﺪﻭﺳﺘﺎﻥ ﮐﺎ ﻣﻮﺍﺯﻧﮧ ﮐﺮﺗﮯ ﮨﻮﺋﮯ ﺣﻀﺮﺕ ﻣﻮﻻﻧﺎ ﺑﮍﮮ ﺑﮍﮮ ﺟﻠﺴﻮﮞ ﻣﯿﮟ ﺍﻋﺪﺍﺩ ﻭﺷﻤﺎﺭ ﮐﮯ ﺳﺎﺗﮫ ﮔﮭﻨﭩﻮﮞ ﮨﻨﺪﻭﺳﺘﺎﻥ ﮐﮯ ﺍﻗﺘﺼﺎﺩﯼ، ﻣﻌﺎﺷﯽ، ﺗﺠﺎﺭﺗﯽ ﺍﻭﺭ ﺻﻨﻌﺘﯽ ﺗﺮﻗﯽ، ﺍﺷﯿﺎﺀ ﮐﯽ ﻗﯿﻤﺘﻮﮞ، ﺑﺎﺯﺍﺭ ﮐﮯ ﻧﺮﺥ ﻭﻏﯿﺮﮦ ﮐﺎ ﺗﻔﺼﯿﻠﯽ ﺑﯿﺎﻥ ﻓﺮﻣﺎﺗﮯ، ﺍﺱ ﺿﻤﻦ ﻣﯿﮟ ﺍﻧﮕﺮﯾﺰﻭﮞ ﮐﮯ ﻟﻮﭦ ﮔﮭﺴﻮﭦ ﮐﯽ ﺍﻭﺭ ﻏﺮﯾﺐ ﮨﻨﺪﻭﺳﺘﺎﻥ ﭘﺮ ﺍﻥ ﮐﮯ ﻣﺎﻟﯽ ﺑﻮﺟﮫ ﺭﮐﮭﻨﮯ ﮐﯽ ﺩﺍﺳﺘﺎﻥ ﺑﮭﯽ ﺑﯿﺎﻥ ﮐﺮﺗﮯ ﺗﮭﮯ۔ ﺗﻔﺼﯿﻞ ﻣﯿﮟ ﺟﺎﻧﮯ ﺳﮯ ﺑﺎﺕ ﺑﮍﮪ ﺟﺎﺋﮯ ﮔﯽ، ﺍﺗﻨﺎ ﺿﺮﻭﺭ ﮐﮩﻨﺎ ﮨﮯ ﮐﮧ ﺣﻀﺮﺕ ﮐﯽ ﺍِﻥ ﺗﻘﺎﺭﯾﺮ ﮐﮯ ﺑﻌﺪ ﻋﺎﻡ ﮨﻨﺪﻭﺳﺘﺎﻧﯿﻮﮞ ﮐﮯ ﺩﻝ ﻣﯿﮟ ﺍﻧﮕﺮﯾﺰﯼ ﺣﮑﻮﻣﺖ ﮐﮯ ﺧﻼﻑ ﺷﺪﯾﺪ ﻏﺼّﮧ، ﻧﻔﺮﺕ ﺍﻭﺭ ﻏﯿﺾ ﻭﻏﻀﺐ ﺑﮭﺮﺟﺎﺗﺎ ﺗﮭﺎ۔ ﺣﻀﺮﺕ ﺍﺱ ﭘﺮ ﺑﮩﺖ ﺯﻭﺭ ﺩﯾﺘﮯ ﺗﮭﮯ ﺍﻭﺭ ﮨﻨﺪﻭﺳﺘﺎﻥ ﭘﺮ ﺍﻧﮕﺮﯾﺰﻭﮞ ﮐﮯ ﻗﺒﻀﮯ ﻣﯿﮟ ﺩﻟﭽﺴﭙﯽ ﮐﮯ ﺣﻮﺍﻟﮯ ﺳﮯ ﯾﮧ ﺍﯾﮏ ﺗﺎﺭﯾﺨﯽ ﺻﺪﺍﻗﺖ ﺑﮭﯽ ﺗﮭﯽ ﮐﮧ ” ﺑﺮﭨﺶ ﺣﮑﻮﻣﺖ ﻧﮯ ﺻﺮﻑ ﮨﻨﺪﻭﺳﺘﺎﻥ ﭘﺮ ﺣﮑﻮﻣﺖ ﺍﻭﺭ ﻃﺎﻗﺖ ﮐﮯ ﺑﻞ ﭘﺮ ﺳﺎﺭﯼ ﺩﻧﯿﺎ ﭘﺮ ﺍﭘﻨﯽ ﺩﮬﺎﮎ ﺑﭩﮭﺎﺭﮐﮭﯽ ﮨﮯ ﺍﻭﺭ ﻗﺒﻀﮧ ﮐﺮﺭﮐﮭﺎ ﮨﮯ، ﺟﺲ ﺩﻥ ﮨﻨﺪﻭﺳﺘﺎﻥ ﺳﮯ ﺍﺱ ﮐﯽ ﺣﮑﻮﻣﺖ ﺧﺘﻢ ﮨﻮﮔﯽ ﺳﺎﺭﯼ ﺩﻧﯿﺎ ﺍﯾﺸﯿﺎ،ﺍﻓﺮﯾﻘﮧ ﻋﺮﺏ ﻣﻤﺎﻟﮏ ﺳﮯ ﺍﺱ ﮐﺎ ﺑﻮﺭﯾﺎ ﺑﺴﺘﺮ ﮔﻮﻝ ﮨﻮﺟﺎﺋﮯ ﮔﺎ “ ﯾﮧ ﻓﯿﺼﻠﮧ ﺗﺎﺭﯾﺦ ﻧﮯ ﺛﺎﺑﺖ ﮐﺮﺩﯾﺎ، ﺩﻧﯿﺎ ﺩﯾﮑﮫ ﺭﮨﯽ ﮨﮯ ﺁﺝ ﺑﺮﻃﺎﻧﯿﮧ ﮐﺘﻨﺎ ﺳﻤﭧ ﮐﺮ ﺭﮦ ﮔﯿﺎ ﮨﮯ ( ﺍﺱ ﻣﻮﻗﻌﮯ ﭘﺮ ﺍﯾﮏ ﻟﻄﯿﻔﮧ ﻟﮑﮭﻨﮯ ﮐﻮ ﺑﺎﺭ ﺑﺎﺭ ﺟﯽ ﭼﺎﮦ ﺭﮨﺎ ﮨﮯ،ﻣﻮﺿﻮﻉ ﺳﮯ ﻏﯿﺮﻣﺘﻌﻠﻖ ﮨﯽ ﺳﮩﯽ )
ﻣﯿﺮﮮ ﭼﮭﻮﭨﮯ ﺑﮭﺎﺋﯽ ﮈﺍﮐﭩﺮ ﺳﻌﯿﺪ ﺍﻟﻮﺣﯿﺪﯼ ﺍﭘﻨﮯ ﺑﯿﭩﮯ ﻓﯿﺼﻞ ﻭﺣﯿﺪﯼ ﺳﮯ ﻣﻠﻨﮯ ﻟﻨﺪﻥ ﮔﺌﮯ، ﻟﻨﺪﻥ ﻣﯿﮟ ﺍﯾﺌﺮﭘﻮﺭﭦ ﭘﺮ ﺍﯾﮏ ﮐﺎﺅﻧﭩﺮ ﭘﺮ ﺍﻧﮕﺮﯾﺰ ﺍﻓﺴﺮ ﻧﮯ ﺍُﻥ ﮐﮯ ( ﮐﺴﯽ ﺿﺎﺑﻄﮯ ﮐﮯ ﻣﻄﺎﺑﻖ ) ﺩﺭﯾﺎﻓﺖ ﮐﯿﺎ : ” ﺗﻢ ﯾﮩﺎﮞ ﮐﺘﻨﮯ ﺩﻥ ﭨﮭﮩﺮﻭﮔﮯ؟ “ ﺳﻌﯿﺪ ﻧﮯ ﺑﺮﺟﺴﺘﮧ ﺟﻮﺍﺏ ﺩﯾﺎ، ﺟﺐ ﺁﭖ ﮨﻤﺎﺭﮮ ﻣﻠﮏ ﻣﯿﮟ ﺁﺋﮯ ﺗﮭﮯ ﺗﻮ ﮨﻢ ﻧﮯ ﺗﻮ ﻧﮩﯿﮟ ﭘﻮﭼﮭﺎ ﺗﮭﺎ ﮐﮧ ﺁﭖ ﮐﺘﻨﮯ ﺩﻥ ﭨﮭﮩﺮﯾﮟ ﮔﮯ ﺍﻭﺭﺁﭖ
۲۰۰ ﺳﺎﻝ ﭨﮭﮩﺮﮔﺌﮯ ) ۔
ﺑﮩﺮﺣﺎﻝ ﯾﮧ ﺧﺎﺭﺟﯽ ﻭﺩﺍﺧﻠﯽ ﻣﺤﺎﺫ ﭘﺮ ﺩﻭ ﺍﯾﺴﮯ ﺍﻟﻤﻨﺎﮎ ﺣﺎﺩﺛﮯ ﺗﮭﮯ ﺟﺲ ﻧﮯ ﻋﺒﺎﺩﺕ، ﺭﯾﺎﺿﺖ، ﺗﻌﻠﯿﻢ ﻭﺗﺪﺭﯾﺲ ﺣﺘﯽ ﮐﮧ ﺣﺮﻡ ﻣﺤﺘﺮﻡ ﺍﻭﺭﺍﭘﻨﮯ ﻣﺤﺒﻮﺏ … ﮐﮯ ﺭﻭﺿﮧٴ ﭘﺎﮎ ﺳﮯ ﺩﻭﺭ ﺭﮦ ﮐﺮ ﮨﻨﺪﻭﺳﺘﺎﻥ ﺍﻭﺭ ﺍﭘﻨﮯ ﺑﮭﺎﺋﯿﻮﮞ ﮐﯽ ﺧﺪﻣﺖ ﭘﺮ ﺁﻣﺎﺩﮦ ﮐﯿﺎ، ﺧﺪﺍ ﮨﯽ ﺟﺎﻧﺘﺎ ﮨﮯ ﺩﯾﺎﺭِ ﻣﺤﺒﻮﺏ ﺳﮯ ﺩﻭﺭ ﺭﮦ ﮐﺮ ﺩﻝِ ﺳﻮﺯﺍﮞ ﺍﻭﺭ ﻗﻠﺐ ﺳﻮﺧﺘﮧ ﺟﺎﻥ ﮐﯽ ﺣﺮﺍﺭﺕ ﮐﺎ ﮐﯿﺎ ﺣﺎﻝ ﺭﮨﺘﺎ ﺗﮭﺎ؛ ﻣﮕﺮ ﺟﯿﺴﺎﮐﮧ ﭘﯿﭽﮭﮯ ﮔﺬﺭﺍ ” ﺁﭖ ﮐﻮ ﮨﻨﺪﻭﺳﺘﺎﻧﯽ ﻣﺴﻠﻤﺎﻧﻮﮞ ﮐﯽ ﺧﺪﻣﺖ ﺑﮩﺖ ﻣﺤﺒﻮﺏ ﺗﮭﯽ “ ﺍﻭﺭ ﮐﯿﺎ ﺧﺒﺮ ﯾﮧ ” ﻣﺪﯾﻨﮧ ﻭﺍﻟﮯ ﭘﯿﺎ “ ﮐﮯ ﺍﺷﺎﺭﮮ ﭘﺮ ﻓﯿﺼﻠﮧ ﮐﯿﺎﮔﯿﺎ ﮨﻮ۔
ﻣﯿﺎﻥِ ﻋﺎﺷﻖ ﻣﻌﺸﻮﻕ ﺭﻣﺰﯾﺴﺖ
ﮐﺮﺍﻣﺎً ﮐﺎﺗﺒﯿﻦ ﺭﺍﮦ ﮨﻢ ﺧﺒﺮ ﻧﯿﺴﺖ
( ﮐﺒﮭﯽ ﺣﻀﺮﺕ ﮐﯽ ﺯﺑﺎﻥِ ﻣﺒﺎﺭﮎ ﺳﮯ ﺍﺳﯽ ﺧﺎﺩﻡ ﺭﺍﻗﻢ ﺗﺤﺮﯾﺮ ﻧﮯ ﻧﮩﺎﯾﺖ ﺑﮯ ﭼﯿﻨﯽ ﺳﮯ ﺍﯾﮏ ﻣﺼﺮﻋﮧ ﭘﮍﮬﺘﮯ ﺳﻨﺎ، ﻣﻤﮑﻦ ﮨﮯ ﺿﺒﻂ ﭨﻮﭦ ﮐﺮ ﺍُﺳﯽ ﺩﺭﺩ ﮐﺎ ﺍﻇﮩﺎﺭ ﮨﻮﺟﺎﺗﺎ ﮨﻮ۔
ﭘﯿﺎ ﺑﻨﺎ ﺗﻠﭙﮯ ﻣﻮﺭﯼ ﻧﺎﺭﯼ ﻧﺎﺭﯼ
ﺧﯿﺮ ! ﯾﮧ ﺗﻮ ﺳﺨﻦ ﮔﺴﺘﺮﺍﻧﮧ ﺑﺎﺕ ﻣﻘﻄﻊ ﻣﯿﮟ ﺁﭘﮍﯼ۔
ﺑﻘﻮﻝ ﺧﻮﺩ ﺣﻀﺮﺕ ﻣﺪﻧﯽ رح ﮐﮯ ” ﻗﻮﻣﯽ ﺧﺪﻣﺖ ﺧﺎﺭﺟﯽ ﮐﺎ ﮔﮭﺮ ﻧﮩﯿﮟ ﮨﮯ ﺍﺱ ﻣﯿﮟ ﭘﺎﭘﮍ ﺑﯿﻠﻨﮯ ﺍﻭﺭ ﺍﯾﻠﻮﮮ ﮐﮯ ﮔﮭﻮﻧﭧ ﭘﯿﻨﮯ ﭘﮍﺗﮯ ﮨﯿﮟ ( ﺍﯾﮏ ﻣﮑﺘﻮﺏ ﺳﮯ ) ﺍﯾﮏ ﺟﻮﺵ ﺗﮭﺎ، ﺍﯾﮏ ﺟﻨﻮﻥ ﺗﮭﺎ، ﺳُﻮﺩ ﻭﺯﯾﺎﮞ ﺳﮯ ﺑﮯ ﻧﯿﺎﺯ ﻧﮑﻠﮯ ﺗﮭﮯ ﺍﻭﺭ ﮨﻮﺍ ﺑﮭﯽ ﯾﮩﯽ ۔
ﺟﻨﻮﮞ ﮐﮯ ﺟﻮﺵ ﻣﯿﮟ ﻧﮑﻠﮯ ﺟﻮ ﮔﮭﺮ ﺳﮯ
ﺍِﺩﮬﺮ ﺳﮯ ﮨﻢ ﭼﻠﮯ ﭘﺘﮭﺮ ﺍُﺩﮬﺮ ﺳﮯ
ﺭﺍﮦ ﻣﯿﮟ ﮐﺘﻨﮯ ﻃﻮﻓﺎﻥ ﺁﺋﮯ ﺣﺎﺳﺪﯾﻦ ﻭﻣﺨﺎﻟﻔﯿﻦ ﻧﮯ ﮐﯿﺴﮯ ﮐﯿﺴﮯ ﮐﺎﻧﭩﮯ ﺑﭽﮭﺎﺋﮯ، ﻗﺪﻡ ﻗﺪﻡ ﭘﺮ ﺁﭖ ﮐﻮ ﻣﮩﻠﮏ ﺗﺮﯾﻦ ﺧﻄﺮﺍﺕ ﺳﮯ ﻧﺒﺮﺩ ﺁﺯﻣﺎ ﮨﻮﻧﺎ ﭘﮍﺍ۔
ﻣﻌﺎﻧﺪﯾﻦ ﻭﻣﺨﺎﻟﻔﯿﻦ ﮐﯽ ﺣﺮﮐﺘﯿﮟ :
ﻻﺭﮈ ﻣﻨﭩﻮ ﮐﯽ ﮔﻮﺭﻧﺮﯼ ﮐﺎ ﺩﻭﺭ ﺗﮭﺎ، ﮨﻨﺪﻭﺅﮞ، ﻣﺴﻠﻤﺎﻧﻮﮞ ﻣﯿﮟ ﺍﻧﮕﺮﯾﺰﻭﮞ ﮨﯽ ﮐﯽ ﭼﺎﻟﺒﺎﺯﯼ ﺳﮯ ﮐﭽﮫ ﺧﻔﮕﯽ ﺍﻭﺭ ﻧﺎﭼﺎﻗﯽ ﭘﯿﺪﺍﮨﻮﮔﺌﯽ ﺗﮭﯽ ” ﻟﮍﺍﺅ ﺍﻭﺭ ﺣﮑﻮﻣﺖ ﮐﺮﻭ “ ﭘﺎﻟﯿﺴﯽ ﮐﮯ ﻣﻄﺎﺑﻖ ﻣﻨﭩﻮ ﻧﮯ ﺍﺧﺘﻼﻑ ﮐﯽ ﺍﺱ ﺧﻠﯿﺞ ﮐﻮ ﺍﻭﺭ ﺑﮭﯽ ﻭﺳﯿﻊ ﮐﺮﺩﯾﺎ، ﺍﻧﮕﺮﯾﺰ ﻧﻮﺍﺯ ﮐﺎﻧﮕﺮﯾﺲ ﺍﻭﺭ ﻧﯿﺸﻨﻠﺴﭧ ﮨﻨﺪﻭ ﻣﺴﻠﻤﺎﻧﻮﮞ ﺳﮯ ﻧﺎﺭﺍﺽ ﮐﭽﮫ ﻧﺎﺩﺍﻥ ﻣﺴﻠﻤﺎﻧﻮﮞ ﮐﻮ ﻣﻼﮐﺮ ۱۸۰۶ / ﻣﯿﮟ ﻣﺴﻠﻤﺎﻧﻮﮞ ﮐﯽ ﺍﯾﮏ ﺗﻨﻈﯿﻢ ﻣﺴﻠﻢ ﻟﯿﮓ ﮐﮯ ﻧﺎﻡ ﺳﮯ ﻗﺎﺋﻢ ﮐﺮﺩﯼ ﮔﺌﯽ، ﻣﺴﻠﻢ ﻟﯿﮓ ﮐﯽ ﭘﺎﻟﯿﺴﯽ ( ﺍﻧﮕﺮﯾﺰ ﻣﻮﺍﻓﻘﺖ ﻣﺨﺎﻟﻒ ﮐﮯ ﺣﻮﺍﻟﮯ ﺳﮯ ) ﮐﺎﻧﮕﺮﯾﺲ ﺳﮯ ﺍﻟﮓ ﺗﮭﯽ، ﮨﻤﺎﺭﮮ ﺣﻀﺮﺕ ﻣﺪﻧﯽ ﺟﻮ ﮐﺎﻧﮕﺮﯾﺲ ﭘﺎﻟﯿﺴﯽ ﮐﮯ ﺗﺤﺖ ﺍﻧﮕﺮﯾﺰ ﻣﺨﺎﻟﻔﺖ ﻣﯿﮟ ﭘﯿﺶ ﭘﯿﺶ ﺗﮭﮯ، ﻻﻣﺤﺎﻟﮧ ﻣﺴﻠﻢ ﻟﯿﮕﯽ ﺟﻮﺍﻥ ﻃﺒﻘﮧ ﺍُﻥ ﮐﮯ ﺧﻼﻑ ﺗﮭﺎ ﺍﻭﺭ ﺍﺱ ﺍﺧﺘﻼﻑ ﮐﻮ ﺟﺲ ﺑﮭﻮﻧﮉﮮ، ﺟﺎﺭﺣﺎﻧﮧ ﺍﻧﺪﺍﺯ ﭘﺮ ﺍﺧﺘﯿﺎﺭ ﮐﯿﺎﮔﯿﺎ، ﺣﻀﺮﺕ ﮐﯽ ﺟﺎﻥ، ﻋﺰﺕ ﺁﺑﺮﻭ ﺳﮯ ﮐﮭﻠﻮﺍﮌ ﮐﯿﺎﮔﯿﺎ ﻧﻘﺼﺎﻥ ﭘﮩﻨﭽﺎﻧﮯ ﮐﯽ ﮐﻮﺷﺶ ﮐﯽ ﮔﺌﯽ، ﺍﺱ ﺳﮯ ﺍﻧﺴﺎﻧﯿﺖ ﺳﻮ ﺳﻮ ﺑﺎﺭ ﺷﺮﻣﺴﺎﺭ ﮨﻮﺋﯽ۔ ﺍﭘﻨﻮﮞ، ﭘﺮﺍﯾﻮﮞ ﮐﯽ ﮔﺎﻟﯽ، ﻃﻨﺰ ﻭﺗﺸﻨﯿﻊ، ﺳﺐ ﻭﺷﺘﻢ، ﻻﭨﮭﯽ ﮈﻧﮉﮮ ﺟﻮﺗﮯ ﭼﭙﻞ ﺣﺘﯽ ﮐﮧ ﺗﮭﻮﮎ ﻭﮔﻨﺪﮔﯽ ﺣﻀﺮﺕ ﭘﺮ ﭘﮭﯿﻨﮑﯽ ﮔﺌﯽ، ﺩﺍﮌﮬﯽ ﭘﮑﮍ ﮐﺮ ﮨﻼﺋﯽ ﮔﺌﯽ، ﯾﮧ ﺗﻮ ﺣﻀﺮﺕ ﮐﮯ ﻟﯿﮯ ﺍﭘﻨﮯ ﻭﻃﻦ ﺍﻭﺭ ﺍﭘﻨﮯ ﮨﻢ ﻗﻮﻡ ﻧﺎﺩﺍﻧﻮﮞ ﮐﯽ ﺳﻮﻏﺎﺕ ﺗﮭﯽ، ﺍﯾﮏ ﺩﻭﺳﺮﯼ ﻗﻮﻡ ﺟﻮ ﻧﺸﮧٴ ﻏﺮﻭﺭ، ﻃﺎﻗﺖ ﺍﻭﺭ ﺣﮑﻮﻣﺖ ﻣﯿﮟ ﻏﺮﻕ ﺗﮭﯽ ﺟﺲ ﺳﮯ ﻧﮧ ﻭﻃﻨﯽ ﺭﺷﺘﮧ ﻧﮧ ﻣﺬﮨﺒﯽ ﻭﺳﻤﺎﺟﯽ ﺟﻮﮌ ﺟﻮ ﺑﺎﻟﮑﻞ ﺍﺟﻨﺒﯽ ﺍﻭﺭ ﮨﺮ ﻃﺮﺡ ﻇﻠﻢ ﻭﺳﺘﻢ ﭘﺮ ﺁﻣﺎﺩﮦ ﺗﮭﮯ ﯾﻌﻨﯽ ﺣﮑﻮﻣﺖ ﮐﮯ ﻃﺒﻘﮯ ﮐﮯ ﻟﻮﮒ ﺍُﻥ ﮐﯽ ﻃﺮﻑ ﺳﮯ، ﺟﯿﻞ ﻗﯿﺪ ﺧﺎﻧﮧ، ﮨﺘﮭﮑﮍﯼ، ﺑﯿﮍﯼ، ﭘﮭﺎﻧﺴﯽ ﮐﺎ ﺗﺨﺘﮧ ﮐﺎﻟﯽ ﮐﻮﭨﮭﺮﯼ ﻣﻠﮏ ﺑﺪﺭﯼ ﻃﺮﺡ ﻃﺮﺡ ﮐﯽ ﺳﺰﺍﺋﯿﮟ ﻣﻨﮫ ﮐﮭﻮﻟﮯ ﮐﮭﮍﯼ ﺗﮭﯿﮟ ﺍﻭﺭ ﺑﮩﺎﻧﮯ ﺗﻼﺵ ﮐﺮﺭﮨﯽ ﺗﮭﯿﮟ، ﺣﻀﺮﺕ ﺍِﻥ ﺑﻨﺪﺭﺑﮭﺒﮑﯿﻮﮞ ﺳﮯ ﮈﺭﻧﮯ ﻭﺍﻟﮯ ﮐﺐ ﺗﮭﮯ، ﺍﯾﻤﺎﻥ ﻭﯾﻘﯿﻦ، ﻋﺰﻡ ﻭﺣﻮﺻﻠﮯ ﮐﮯ ﭘﮩﺎﮌ ﺗﮭﮯ، ﮨﻨﺴﺘﮯ ﮐﮭﯿﻠﺘﮯ ﻣﻮﺝ ﺣﻮﺍﺩﺙ ﮐﻮ ﺷﮑﺴﺖ ﺩﯾﺘﮯ ﺁﮔﮯ ﺑﮍﮬﺘﮯ ﭼﻠﮯ ﺟﺎﺭﮨﮯ ﺗﮭﮯ، ﺑﻘﻮﻝ ﺷﺎﻋﺮ۔
ﺭﺍﺳﺘﮧ ﺭﻭﮐﻮ ﻧﮧ ﻣﯿﺮﺍ ، ﺩُﻭﺭ ﺟﺎﻧﺎ ﮨﮯ ﻣﺠﮭﮯ
ﺳﺎﺗﮫ ﺳﺎﺗﮫ ﺁﺗﮯ ﺭﮨﻮ ﺍﻭﺭ ﮔﺎﻟﯿﺎﮞ ﺩﯾﺘﮯ ﺭﮨﻮ
ﺍُﻧﮭﯿﮟ ﺍﭘﻨﮯ ﺍﮐﺎﺑﺮ ﺳﮯ ﻋﮩﺪ ﮐﯽ ﻻﺝ ﺭﮐﮭﻨﯽ ﺗﮭﯽ، ﻣﻈﻠﻮﻡ ﮨﻨﺪﻭﺳﺘﺎﻥ ﮐﻮ ﻇﺎﻟﻢ ﮐﮯ ﺷﮑﻨﺠﮯ ﺳﮯ ﺁﺯﺍﺩ ﮐﺮﻧﺎ ﺗﮭﺎ۔
ﺁﺯﺍﺩﯼ ﮐﮯ ﻣﻌﺮﮐﮯ ﻣﯿﮟ ﺳﯿﺎﺳﯽ ﻃﺮﯾﻘﮧٴ ﮐﺎﺭ
ﺍﻧﮕﺮﯾﺰﻭﮞ ﺳﮯ ﻣﻘﺎﺑﻠﮯ ﻣﯿﮟ ﺗﺸﺪﺩ ﺍﻭﺭ ﻣﻘﺎﺑﻠﮧ ﺑﺎﻟﺴﯿﻒ ( ﺳﻠﻄﺎﻥ ﭨﯿﭙﻮ، ﺳﺮﺍﺝ ﺍﻟﺪﻭﻟﮧ ﺍﻭﺭ ۱۷۵۷ / ﺳﮯ
۱۸۵۷ / ﭘﮭﺮ ﺍُﺱ ﮐﮯ ﺑﻌﺪ ﻗﺮﯾﺒﯽ ﺯﻣﺎﻧﮯ ﻣﯿﮟ ﻣﻌﺮﮐﮧٴ ﺷﺎﻣﻠﯽ، ﻧﯿﺰ ﺣﻀﺮﺕ ﺷﯿﺦ ﺍﻟﮩﻨﺪ ﺍﻭﺭﺁﭖ ﮐﮯ ﺑﺮﺳﻮﮞ ﺑﻌﺪ ﺳﺒﮭﺎﺵ ﭼﻨﺪ ﺑﻮﺱ ) ﺳﺐ ﮐﺎ ﺗﺠﺮﺑﮧ ﻧﺎﮐﺎﻡ ﺛﺎﺑﺖ ﮨﻮﭼﮑﺎ ﺗﮭﺎ۔ ۱۹۲۰ / ﻣﯿﮟ ﻣﺎﻟﭩﺎ ﺳﮯ ﻭﺍﭘﺴﯽ ﮐﮯ ﺑﻌﺪ ﺣﻀﺮﺕ ﺷﯿﺦ ﺍﻟﮩﻨﺪ ﻧﮯ ﺍﯾﮏ ﮨﻮﺷﯿﺎﺭ ﺗﺠﺮﺑﮯ ﮐﺎﺭ ﺟﺮﻧﯿﻞ ﮐﯽ ﻃﺮﺡ ﻣﯿﺪﺍﻥ ﺟﻨﮓ ﮐﺎ ﻧﻘﺸﮧ ﺍﻭﺭ ﺟﻨﮓ ﮐﯽ ﭨﯿﮑﻨﮏ ﺑﺪﻝ ﺩﯼ، ﺍﺏ ﺁﭖ ﻧﮯ ﻣﻠﮏ ﻣﯿﮟ ﺳﺮﮔﺮﻡ ﺳﯿﺎﺳﯽ ﭘﺮﻭﮔﺮﺍﻡ ﻋﺪﻡ ﺗﺸﺪﺩ، ﺧﻼﻓﺖ ﺍﻭﺭ ﮐﺎﻧﮕﺮﯾﺲ ﮐﯽ ﭘﺎﻟﯿﺴﯽ ﮐﻮ ﺍﭘﻨﺎﻟﯿﺎ، ﭼﻨﺎﻧﭽﮧ ﮨﻨﺪﻭﻣﺴﻠﻢ ﺍﺗﺤﺎﺩ، ﺗﺮﮎِ ﻣﻮﺍﻻﺕ، ﺑﺎﺋﯿﮑﺎﭦ، ﻋﺪﻡ ﺗﻌﺎﻭﻥ ﻓﻮﺝ ﻣﯿﮟ ﺷﺮﮐﺖ ﺳﮯ ﮨﻨﺪﻭﺳﺘﺎﻧﯿﻮﮞ ﮐﻮ ﺭﻭﮐﻨﺎ، ﻣﻐﺮﺑﯽ ﻣﺼﻨﻮﻋﺎﺕ ﮐﯽ ﺟﮕﮧ ﺩﯾﺴﯽ ﻣﺼﻨﻮﻋﺎﺕ ﮐﺎ ﺍﺳﺘﻌﻤﺎﻝ ﯾﮧ ﻣﻮﭨﮯ ﻣﻮﭨﮯ ﻋﻨﻮﺍﻧﺎﺕ ﺍﻭﺭ ﺍﻓﻌﺎﻝ ﺗﮭﮯ ﺟﻮ ﮨﻨﺪﻭﺳﺘﺎﻥ ﮐﮯ ﺳﯿﺎﺳﯽ ﻣﺎﺣﻮﻝ ﻣﯿﮟ ﺷﺪّﺕ ﺳﮯ ﺭﺍﺋﺞ ﺗﮭﮯ ﺍﻭﺭ ﺣﻀﺮﺕ ﻣﺪﻧﯽ رح ﻧﮯ ﺍﺳﮯ ﺍﭘﻨﺎﻟﯿﺎ ﺍﻭﺭ ﭘﮭﺮ ﭘﻮﺭﮮ ﺍﺫﻋﺎﻥ ﻭﯾﻘﯿﻦ ﮐﮯ ﺳﺎﺗﮫ ﺍﺳﺘﺤﮑﺎﻡ ﻭﻣﻀﺒﻮﻃﯽ ﺳﮯ ﺍﺱ ﭘﺮ ﻗﺎﺋﻢ ﺭﮨﮯ۔ ﯾﻮﮞ ﺗﻮ ﺣﻀﺮﺕ ﻣﺪﻧﯽ ﮐﯽ ﺧﺪﻣﺎﺕ ﺁﭖ ﮐﯽ ﺷﺨﺼﯿﺖ ﺁﭖ ﮐﯽ ﺧﺼﻮﺻﯿﺖ ﮐﮯ ﻣﺨﺘﻠﻒ ﭘﮩﻠﻮ ﮨﯿﮟ، ﮨﺮ ﭘﮩﻠﻮ ﭘﺮ ﺗﺼﻨﯿﻒ ﮐﯽ ﮐﺌﯽ ﮐﺌﯽ ﺟﻠﺪﻭﮞ ﻣﯿﮟ ﮔﻔﺘﮕﻮ ﮨﻮﺳﮑﺘﯽ ﮨﮯ، ﺣﺪﯾﺚ ﻭﻗﺮﺁﻥ ﮐﮯ ﻋﺎﻟﻢ ﺍﺱ ﮐﮯ ﻣﻌﺎﻧﯽ ﻭﻣﻄﺎﻟﺐ ﮐﮯ ﺭﻣﺰ ﺁﺷﻨﺎ، ﺍﺯﮨﺮﮨﻨﺪ ﺩﺍﺭﺍﻟﻌﻠﻮﻡ ﮐﮯ ﺷﯿﺦ ﺍﻟﺤﺪﯾﺚ، ﺭﻭﺣﺎﻧﯿﺖ ﻣﯿﮟ ﭘﯿﺮ ﻃﺮﯾﻘﺖ ﺍﻭﺭ ﺭﺋﯿﺲ ﺍﻻﻭﻟﯿﺎ، ﺭﯾﺸﻤﯽ ﺭﻭﻣﺎﻝ ﺗﺤﺮﯾﮏ ﮐﮯ ﺍﮨﻢ ﺳﭙﺎﮨﯽ، ﻣﮩﻤﺎﻥ ﻧﻮﺍﺯﯼ، ﺍﺧﻼﻕ، ﺍﺧﻼﺹ ﺗﺤﺮﯾﮏ ﺧﻼﻓﺖ ﮐﮯ ﺩﺍﻋﯽ ﺍﻋﻈﻢ، ﮨﻨﺪﻭﻣﺴﻠﻢ ﺍﺗﺤﺎﺩ ﮐﮯ ﻣﻀﺒﻮﻁ ﺣﺎﻣﯽ ﻭﺩﺍﻋﯽ ﻭﻏﯿﺮﮦ ﻭﻏﯿﺮﮦ ﺳﯿﮑﮍﻭﮞ ﺍﺑﻮﺍﺏ ﮨﯿﮟ، ﮨﻢ ﺍﻥ ﻣﯿﮟ ﺳﮯ ﭼﻨﺪ ﺍﮨﻢ ﮐﯽ ﻃﺮﻑ ﺍﺷﺎﺭﮦ ﮐﺮﮐﮯ ﺧﺪﻣﺎﺕ ﻋﺎﻟﯽ ﻣﯿﮟ ﻧﺬﺭِ ﻋﻘﯿﺪﺕ ﭘﯿﺶ ﮐﺮﺳﮑﺘﮯ ﮨﯿﮟ۔
ﻓﻮﺝ ﮐﯽ ﻣﺨﺎﻟﻔﺖ ﺍﻭﺭ ﻣﻘﺪﻣﮧٴ ﮐﺮﺍﭼﯽ :
۱۹۲۰ / ﻣﯿﮟ ﻣﺎﻟﭩﺎ ﺳﮯ ﻭﺍﭘﺴﯽ ﮐﮯ ﺑﻌﺪ ﺣﻀﺮﺕ ﺷﯿﺦ ﺍﻟﮩﻨﺪ ﮐﮯ ﺍﻧﻘﻼﺑﯽ ﻓﯿﺼﻠﮯ ( ﻋﺪﻡ ﺗﺸﺪﺩ ) ﮐﮯ ﺑﻌﺪ ﺣﻀﺮﺕ ﻣﺪﻧﯽ رح ﮐﺎ ﭘﻮﺭﮮ ﻣﻠﮏ ﻣﯿﮟ، ﺍﺳﯽ ﻓﯿﺼﻠﮧ ﺷﺪﮦ ﺍﺳﮑﯿﻢ ﮐﮯ ﺗﺤﺖ، ﺩﻭﺭﮦ ﺷﺮﻭﻉ ﮨﻮﮔﯿﺎ، ﺍﯾﺴﮯ ﮨﯽ ﺍﯾﮏ ﮐﺎﻧﻔﺮﻧﺲ ﻣﯿﮟ ﺗﻘﺮﯾﺮ ﮨﻮﺋﯽ ، ﺁﭖ ﺣﮑﻮﻣﺖ ﺑﺮﻃﺎﻧﯿﮧ ﭘﺮ ﮐﮭﻞ ﮐﺮ ﺑﺮﺳﮯ ﺍﻭﺭ ﺩﺷﻤﻦ ﮐﻮ ﻟﻠﮑﺎﺭﺍ، ﺁﭖ ﻧﮯ ﺍﻋﻼﻥ ﮐﯿﺎ ” ﺣﮑﻮﻣﺖ ﺑﺮﻃﺎﻧﯿﮧ ﮐﯽ ﻓﻮﺝ ﻣﯿﮟ ﺷﺎﻣﻞ ﮨﻮﻧﺎ ﺣﺮﺍﻡ ﮨﮯ “ ﻟﻮﮔﻮﮞ ﮐﻮ ﺳﻤﺠﮭﺎﯾﺎ ﺑﺮﻃﺎﻧﯿﮧ ﮐﯽ ﻧﺎﭘﺎﮎ ﭘﺎﻟﯿﺴﯽ ﮨﻨﺪﻭﺳﺘﺎﻧﯽ ﻓﻮﺟﻮﮞ ﺳﮯ ﻣﺴﻠﻤﺎﻧﻮﮞ ﮐﻮ ﻗﺘﻞ ﮐﺮﻭﺍﻧﮯ ﻭﺍﻟﯽ ﮨﮯ، ﺍﻥ ﮐﺎ ﮔﮭﺮ ﻣﺎﻝ ﻭﺩﻭﻟﺖ ﻟﻮﭨﺎﺗﯽ ﮨﮯ، ﺍﻥ ﮐﻮ ﺑﮯ ﻋﺰﺕ ﻭ ﺑﮯ ﺁﺑﺮﻭ ﮐﺮﻭﺍﺗﯽ ﮨﮯ، ﺍﮔﺮ ﮐﻮﺋﯽ ﻓﻮﺟﯽ ﺍﺱ ﭼﯿﺰﮐﻮ ﺣﻼﻝ ﺳﻤﺠﮭﮯ ﮔﺎ ﺗﻮ ﻭﮦ ﮐﺎﻓﺮ ﮨﻮﺟﺎﺋﮯ ﮔﺎ، ﺷﺮﻋﯽ ﺣﯿﺜﯿﺖ ﺳﮯ ﮐﺴﯽ ﻗﺴﻢ ﮐﯽ ﻣﺪﺩ ﺣﮑﻮﻣﺖ ﺑﺮﻃﺎﻧﯿﮧ ﮐﯽ ﮐﺮﻧﺎ ﺣﺮﺍﻡ ﮨﮯ، ﮨﺮ ﻗﺴﻢ ﮐﺎ ﻣﻮﺍﻻﺕ ﺍﻭﺭ ﺗﻌﺎﻭﻥ ﺣﺮﺍﻡ ﮨﮯ، ﻣﺴﻠﻤﺎﻧﻮﮞ ﭘﺮ ﺗﺮﮎِ ﻣﻮﺍﻻﺕ ﻓﺮﺽ ﮨﮯ۔ ﯾﮧ ﺗﻘﺮﯾﺮ ﮐﯿﺎ ﺗﮭﯽ ﺣﮑﻮﻣﺖ ﮐﻮ ﺍﯾﮏ ﭼﯿﻠﻨﺞ ﺗﮭﺎ، ﺍﯾﮏ ﺩﮬﻤﮑﯽ ﺑﻠﮑﮧ ﺣﮑﻮﻣﺖ ﮐﮯ ﺧﻼﻑ ﺍﯾﮏ ﺩﮬﻤﺎﮐﮧ ﺗﮭﺎ؛ ﭼﻨﺎﻧﭽﮧ ﺁﭖ ﮐﮯ ﻧﺎﻡ ﻭﺍﺭﻧﭧ ﺟﺎﺭﯼ ﮨﻮﮔﯿﺎ، ﻗﯿﺪ ﮨﻮﺋﮯ ﺍﻭﺭ ﮐﺮﺍﭼﯽ ﻣﯿﮟ ﻣﻘﺪﻣﮧ ﭼﻼ، ﺧﺎﻟﻖ ﺩﻧﯿﺎ ﮨﺎﻝ ﮐﺮﺍﭼﯽ ﮐﯽ ﺧﺼﻮﺻﯽ ﻋﺪﺍﻟﺖ ﻣﯿﮟ ﺳﻤﺎﻋﺖ ﮨﻮﺋﯽ، ﻋﺪﺍﻟﺖ ﮐﯿﺎ ﺗﮭﯽ ﻭﮦ ﺑﮭﯽ ﺳُﻦ ﻟﯿﺠﯿﮯ : ﺍﻧﮕﺮﯾﺰ ﺟﺞ ﺟﻦ ﮐﯽ ﺣﮑﻮﻣﺖ ﮐﻮ ﺣﻀﺮﺕ ﻧﮯ ﻟﻠﮑﺎﺭﺍ ﺗﮭﺎ، ﮨﺮ ﻗﺴﻢ ﮐﯽ ﺳﻨﮕﯿﻦ ﺳﮯ ﺳﻨﮕﯿﻦ ﺳﺰﺍ ﺩﯾﻨﮯ ﮐﮯ ﻣﻮﮈ ﻣﯿﮟ۔ ﭘﻮﺭﮮ ﮨﺎﻝ ﻣﯿﮟ ﮐﮭﻠﯽ ﮨﻮﺋﯽ ﺳﻨﮕﯿﻨﯿﮟ ﺗﺎﻧﮯ ﮨﻮﺋﮯ ﺍﻧﮕﺮﯾﺰ ﻓﻮﺟﯽ ﺍﻭﺭ ﺳﭙﺎﮨﯽ، ﮨﺮ ﺁﻧﮑﮫ ﺍﻧﺘﻘﺎﻡ، ﻏﺼّﮯ ﺍﻭﺭ ﺣﻘﺎﺭﺕ ﺳﮯ ﺳﺮﺥ۔ ﺍﻭﺭ ﮐﭩﮩﺮﮮ ﻣﯿﮟ ﺍﯾﮏ ﺍﯾﺴﺎ ﻣﻠﺰﻡ ﺟﺲ ﮐﯽ، ﺍُﻥ ﮐﯽ ﻧﮕﺎﮦ ﻣﯿﮟ ﮐﻮﺋﯽ ﻭﻗﻌﺖ ﻧﮧ ﺗﮭﯽ، ﺟﻮ ﺍﻥ ﮐﯽ ﺣﮑﻮﻣﺖ ﮐﮯ ﻟﯿﮯ ﺳﺨﺖ ﺧﻄﺮﮦ ﺗﮭﺎ، ﺍﯾﺴﮯ ﺧﻮﻓﻨﺎﮎ ﭘُﺮﮨﻮﻝ ﻣﺎﺣﻮﻝ ﻣﯿﮟ ﺑﺪﻥ ﮨﯽ ﻧﮩﯿﮟ ﺭﻭﺡ ﻣﯿﮟ ﻟﺮﺯﮦ ﻃﺎﺭﯼ ﮨﻮﺟﺎﺋﮯ، ﺍﯾﮏ ﺷﯿﺮﺩﮨﺎﮌ ﺭﮨﺎ ﺗﮭﺎ۔
ﭘﮩﻠﮯ ﺗﻮ ﻣﻮﻻﻧﺎ ﻧﮯ ﻗﺮﺁﻥ ﻭﺣﺪﯾﺚ ﮐﯽ ﺭﻭﺷﻨﯽ ﻣﯿﮟ ﺍﻧﮕﺮﯾﺰﻭﮞ ﮐﯽ ﻓﻮﺝ ﻣﯿﮟ ﮨﻨﺪﻭﺳﺘﺎﯾﻮﮞ ﮐﯽ ﺷﺮﮐﺖ ﮐﻮ ﺣﺮﺍﻡ ﻗﺮﺍﺭ ﺩﯾﺎ، ﺁﺯﺍﺩﯼ ﺍﻭﺭ ﺍﺱ ﮐﮯ ﺣﺼﻮﻝ ﮐﯽ ﮨﺮ ﻗﺴﻢ ﮐﯽ ﺟﺪﻭﺟﮩﺪ ﮐﻮ ﮨﺮ ﮨﻨﺪﻭﺳﺘﺎﻧﯽ ﮐﺎ ﺣﻖ ﺛﺎﺑﺖ ﮐﯿﺎ، ﺑﯿﺎﻥ ﺗﻮ ﺍِﺳﯽ ﺍﻧﺪﺍﺯ ﭘﺮ ﮔﮭﻨﭩﻮﮞ ﭼﻠﺘﺎ ﺭﮨﺎ، ﻣﺠﻤﻊ ﺗﮭﺎ ﮐﮧ ﺧﻮﻑ ﻭﺣﯿﺮﺕ ﻣﯿﮟ ﮔﻢ ﺳُﻢ ﺳﻮﭺ ﺭﮨﺎ ﺗﮭﺎ، ﻣﻮﻻﻧﺎ ﮐﻮ ﭘﮭﺎﻧﺴﯽ ﮔﻮﻟﯽ ﺳﮯ ﮐﻢ ﺳﺰﺍ ﻧﮧ ﻣﻠﮯ ﮔﯽ؛ ﻣﮕﺮ ﺟﮩﺎﮞ ” ﻣﻮﺕ ﻭﺣﯿﺎﺕ ﺻﺮﻑ ﺍﻭﺭ ﺻﺮﻑ ﺍﻟﻠﮧ ﮐﮯ ﮨﺎﺗﮫ ﻣﯿﮟ ﮨﮯ ﺍﺱ ﭘﺮ ﺍﯾﻤﺎﻥ ﮨﯽ ﻧﮩﯿﮟ ﯾﻘﯿﻦ ﮨﻮ، ﺟﮩﺎﮞ ﻇﺎﻟﻢ ﻭﺟﺎﺑﺮ ﺣﺎﮐﻢ ﮐﮯ ﻣﻨﮧ ﭘﺮ ﺣﻖ ﺑﺎﺕ ﮐﮩﻨﯽ ﺍﯾﮏ ﺳﭽﮯ ﻣﻮﻣﻦ ﮐﺎ ﻓﺮﺽ ﺳﻤﺠﮭﺎ ﺟﺎﺗﺎ ﮨﻮ ﻭﮦ ﺍﯾﺴﯽ ﺳﺰﺍ ﮐﻮ ﺑﮭﯽ ﮐﺐ ﺧﺎﻃﺮ ﻣﯿﮟ ﻻﺗﺎ، ﺍﺱ ﺑﯿﺎﻥ ﮐﺎ ﺁﺧﺮﯼ ﺟﻤﻠﮧ ﻏﻮﺭ ﺳﮯ ﺳﻨﻨﮯ ﮐﮯ ﺍﻭﺭ ﺩﻝ ﭘﺮ ﺭﮐﮭﻨﮯ ﮐﮯ ﻻﺋﻖ ﮨﮯ، ﺟﺲ ﺳﮯ ﺁﺳﻤﺎﻥ ﮨِﻞ ﮔﯿﺎ، ﺯﻣﯿﻦ ﻟﺮﺯﮔﺌﯽ، ﺳﻨﻨﮯ ﻭﺍﻟﻮﮞ ﮐﺎ ﮐﻠﯿﺠﮧ ﻣﻨﮫ ﮐﻮ ﺁﮔﯿﺎ، ﯾﮩﯽ ﻭﮦ ﺗﺎﺭﯾﺨﯽ ﺟﻤﻠﮧ ﺗﮭﺎﮐﮧ ﺟﯿﺴﮯ ﮨﯽ ﺍﯾﮏ ﺑﮩﺎﺩﺭ ﻧﮉﺭ ﺣﻖ ﮔﻮ ﮐﮯ ﮨﻮﻧﭩﻮﮞ ﺳﮯ ﻧﮑﻼ، ﻣﻮﻻﻧﺎ ﻣﺤﻤﺪ ﻋﻠﯽ ﺟﻮﮨﺮ ﺁﮔﮯ ﺑﮍﮪ ﮐﺮ ﭘﯿﺮﻭﮞ ﭘﺮ ﮔﺮﭘﮍﮮ، ﺁﭖ ﻧﮯ ﺑﯿﺎﻥ ﺧﺘﻢ ﮐﺮﺗﮯ ﮐﺮﺗﮯ ﻓﺮﻣﺎﯾﺎ :
” ﺍﮔﺮ ﮔﻮﺭﻧﻤﻨﭧ ﻣﺬﮨﺒﯽ ﺁﺯﺍﺩﯼ ﭼﮭﯿﻨﻨﮯ ﭘﺮ ﺗﯿﺎﺭ ﮨﮯ ﺗﻮ ﻣﺴﻠﻤﺎﻥ ﺍﭘﻨﯽ ﺟﺎﻥ ﺗﮏ ﻗﺮﺑﺎﻥ ﮐﺮﻧﮯ ﮐﻮ ﺗﯿﺎﺭ ﮨﻮﮞ ﮔﮯ ﺍﻭﺭ ﺣﺴﯿﻦ ﺍﺣﻤﺪ ﭘﮩﻼ ﺷﺨﺺ ﮨﻮﮔﺎ ﺟﻮ ﺍﭘﻨﯽ ﺟﺎﻥ ﻗﺮﺑﺎﻥ ﮐﺮﺩﮮ ﮔﺎ۔ “
ﺑﮩﺮﺣﺎﻝ ﻣﻘﺪﻣﮯ ﮐﺎ ﻓﯿﺼﻠﮧ ﮨﻮﺍ، ﺗﻤﺎﻡ ﮐﻮﺷﺸﻮﮞ ﮐﮯ ﺑﺎﻭﺟﻮﺩ ﺑﻐﺎﻭﺕ ﺛﺎﺑﺖ ﻧﮧ ﮨﻮﺳﮑﯽ، ﮔﻮﯾﺎ ﻣﻮﺕ ﺁﭖ ﮐﻮ ﭼﮭﻮﮐﺮ ﻧﮑﻞ ﮔﺌﯽ،ﺍﺑﮭﯽ ﺍﻟﻠﮧ ﮐﻮ ﺍﭘﻨﮯ ﺍﺱ ﻧﯿﮏ ﺑﻨﺪﮮ ﺳﮯ ﺍﭘﻨﯽ ﻣﺨﻠﻮﻕ ﮐﯽ ﺍﻭﺭ ﺧﺪﻣﺖ ﻟﯿﻨﯽ ﺗﮭﯽ، ﻓﯿﺼﻠﮧ ﺩﻭ ﺳﺎﻝ ﻗﯿﺪ ﺑﺎﻣﺸﻘﺖ ﭘﺮ ﺁﮐﺮ ﺧﺘﻢ ﮨﻮﮔﯿﺎ۔
ﺍﺱ ﺳﯿﺎﺳﯽ ﺟﺪﻭﺟﮩﺪ ﮐﺎﺍﯾﮏ ﺍﻭﺭ ﻣﻮﺛﺮ ﻃﺮﯾﻘﮧ :
ﺣﻀﺮﺕ ﻣﺪﻧﯽ ﮨﻨﺪﻭﻣﺴﻠﻤﺎﻧﻮﮞ ﮐﮯ ﺩﺭﻣﯿﺎﻥ ﻓﮑﺮﯼ، ﺳﯿﺎﺳﯽ ﺍﻭﺭ ﻋﻤﻠﯽ ﺍﺷﺘﺮﺍﮎ ﮐﻮ ﮨﻨﺪﻭﺳﺘﺎﻥ ﮐﯽ ﺁﺯﺍﺩﯼ ﮐﮯ ﺣﺼﻮﻝ ﮐﮯ ﻟﯿﮯ ﻧﮩﺎﯾﺖ ﺿﺮﻭﺭﯼ ﺍﻭﺭ ﺍﮨﻢ ﺧﯿﺎﻝ ﻓﺮﻣﺎﺗﮯ ﺗﮭﮯ۔ﺁﭖ ﮐﺎ ﺳﯿﺎﺳﯽ ﻋﻘﯿﺪﮦ ﺗﮭﺎ ﮐﮧ ﺍﮔﺮ ﮨﻨﺪﻭﺳﺘﺎﻧﯽ ﺍﻗﻮﺍﻡ ﮐﮯ ﺩﺭﻣﯿﺎﻥ ﺍﺗﺤﺎﺩ ﻧﮩﯿﮟ ﮨﻮﺗﺎ ﺗﻮ ﺍﯾﺸﯿﺎ ﺑﺎﻟﺨﺼﻮﺹ ﮨﻨﺪﻭﺳﺘﺎﻥ ﺁﺯﺍﺩﯼ ﮐﯽ ﺑﺮﮐﺖ ﺳﮯ ﻣﺤﺮﻭﻡ ﺭﮨﮯ ﮔﺎ، ﺳﺎﻣﺮﺍﺝ ﮐﺎ ﭘﻨﺠﮧ ﯾﮩﺎﮞ ﺟﻤﺎﺭﮨﮯ ﮔﺎ؛ ﭼﻨﺎﻧﭽﮧ ﻣﻠﮏ ﺑﮭﺮ ﻣﯿﮟ ﺩﻭﺭﮦ ﮐﺮﮐﮯ ﺗﻘﺮﯾﺮﻭﮞ ﻣﯿﮟ ﻣﺘﺤﺪﮦ ﻗﻮﻣﯿﺖ ﭘﺮ ﭘﻮﺭﺍ ﺯﻭﺭ ﺩﯾﺘﮯ ﺗﮭﮯ۔ ﺣﺪﯾﺚ ﻭﻗﺮﺁﻥ ﺍﻭﺭ ﺳﯿﺎﺳﯽ ﺗﺠﺮﺑﮯ ﮐﯽ ﺑﻨﯿﺎﺩ ﭘﺮ ﺍﺱ ﮐﮯ ﺣﻖ ﻣﯿﮟ ﺩﻻﺋﻞ ﮐﺎ ﺍﻧﺒﺎﺭ ﻟﮕﺎﺩﯾﺘﮯ ﺗﮭﮯ، ﯾﮧ ﺍﻣﺮِﻭﺍﻗﻌﮧ ﺑﮭﯽ ﮨﮯ ﮐﮧ ﺍﻧﮕﺮﯾﺰ ﺍﮔﺮ ﺍﭘﻨﯽ ﺣﮑﻮﻣﺖ ﮐﮯ ﺍﺳﺘﺤﮑﺎﻡ ﻭﺑﻘﺎ ﮐﮯ ﻟﯿﮯ ” ﻟﮍﺍﺅ ﺍﻭﺭ ﺣﮑﻮﻣﺖ ﮐﺮﻭ “ ﮐﯽ ﭘﺎﻟﯿﺴﯽ ﭘﺮ ﻋﻤﻞ ﮐﻮ ﺿﺮﻭﺭﯼ ﺳﻤﺠﮭﺘﺎ ﺗﮭﺎ، ﺗﻮﺍﺱ ﺯﮨﺮ ﮐﮯ ﺗﻮﮌ ﮐﮯ ﻟﯿﮯ،ﻣﺘﺤﺪﮦ ﻗﻮﻣﯿﺖ، ﺳﮯ ﺑﮩﺘﺮ ﮐﻮﺋﯽ ﺗﺮﯾﺎﻕ ﻧﮩﯿﮟ ﺗﮭﺎ ﺍﻭﺭ ﺍﺳﯽ ﺳﮯ ﺍﺱ ﻇﺎﻟﻢ ﺣﮑﻮﻣﺖ ﮐﯽ ﮐﻤﺮ ﭨﻮﭦ ﺳﮑﺘﯽ ﺗﮭﯽ ﺍﺱ ﮐﮯ ﻣﻘﺎﺑﻠﮯ ﻣﯿﮟ ( ﺩﻭﻗﻮﻣﯽ ﻧﻈﺮﯾﮧ ) ﺍﻭﺭ ﺟﺪﺍﮔﺎﻧﮧ ﺍﻧﺘﺨﺎﺏ ﮐﯽ ﭘﺎﻟﯿﺴﯽ ﻣﻠﮏ ﮐﯽ ﺁﺯﺍﺩﯼ ﮐﯽ ﺭﺍﮦ ﻣﯿﮟ ﺳﺨﺖ ﺭﮐﺎﻭﭦ ﺗﮭﯽ۔
ﺟﻤﻌﯿﺔ ﻋﻠﻤﺎﺀ ﮨﻨﺪ :
” ﺟﻮ ﺟﻤﻌﯿﺔ ﮐﯽ ﮐﺴﯽ ﺣﯿﺜﯿﺖ ﺳﮯ ﺧﺪﻣﺖ ﮐﺮﮮ ﮔﺎ ﺍﻧﺸﺎﺀ ﺍﻟﻠﮧ ﺧﺪﺍ ﮐﮯ ﯾﮩﺎﮞ ﺍﺟﺮ ﮐﺎ ﻣﺴﺘﺤﻖ ﮨﻮﮔﺎ “ ( ﺣﻀﺮﺕ ﻣﺪﻧﯽ ﮐﮯ ﺍﯾﮏ ﻣﮑﺘﻮﺏ ﺳﮯ )
ﺣﻀﺮﺕ ﺷﯿﺦ ﺍﻻﺳﻼﻡ رح ﮐﯽ ﺗﻤﺎﻡ ﺳﺮﮔﺮﻣﯿﻮﮞ، ﻋﻤﻠﯽ ﺳﯿﺎﺳﺖ، ﺍﺻﻼﺡ ﻭﺗﺒﻠﯿﻎ ﮐﺎ ﻣﺮﮐﺰﯼ ﺍﺳﭩﯿﺞ ﻣﺴﻠﻤﺎﻧﻮﮞ ﮐﯽ ﺗﺎﺭﯾﺨﯽ ﺟﻤﺎﻋﺖ، ﺟﻤﻌﯿﺔ ﻋﻠﻤﺎﺀ ﮨﻨﺪ ﺗﮭﯽ، ﺍﺱ ﺟﻤﺎﻋﺖ ﮐﯽ ﺳﺮﭘﺮﺳﺘﯽ ﻗﯿﺎﺩﺕ ﺑﮧ ﻃﻮﺭ ﺻﺪﺭ ﺣﻀﺮﺕ ﮨﯽ ﺍﻧﺠﺎﻡ ﺩﯾﺘﮯ ﺭﮨﮯ، ﺟﻤﻌﯿﺔ ﻋﻠﻤﺎﺀ ﺍﭘﻨﮯ ﺯﻣﺎﻧﮯ ﻣﯿﮟ ﻣﻠﮏ ﮐﮯ ﺑﻌﺾ ﺍﮨﻢ ﻣﻌﺎﻣﻼﺕ ﻣﯿﮟ ﺻﺤﯿﺢ ﻓﯿﺼﻠﮧ ﻟﯿﻨﮯ ﻣﯿﮟ ﮐﺎﻧﮕﺮﯾﺲ ﮐﻮ ﺍﻭﺭ ﺩﻭﺳﺮﯼ ﺗﻨﻈﯿﻤﻮﮞ ﮐﻮ ﭘﯿﭽﮭﮯ ﭼﮭﻮﮌ ﭼﮑﯽ ﺗﮭﯽ؛ ﭼﻨﺎﻧﭽﮧ ﯾﮧ ﺍﯾﮏ ﺗﺎﺭﯾﺨﯽ ﺣﻘﯿﻘﺖ ﮨﮯ ﮐﮧ ﺟﺐ ﮐﺎﻧﮕﺮﯾﺲ ﺍﻭﺭ ﺩﻭﺳﺮﯼ ﺟﻤﺎﻋﺘﯿﮟ ﺣﮑﻮﻣﺖ ﺑﺮﻃﺎﻧﯿﮧ ﺳﮯ ﻣﺤﺾ ﺭﻋﺎﯾﺘﯿﮟ ﻣﺎﻧﮓ ﺭﮨﯽ ﺗﮭﯿﮟ، ﮔﻔﺖ ﻭﺷﻨﯿﺪ ﺍﻭﺭ ﺍﺻﻼﺣﺎﺕ ﮐﯽ ﻃﻠﺐ ﮔﺎﺭ ﺗﮭﯿﮟ، ﺑﻮﺭﯾﮧ ﻧﺸﯿﻦ ﻋﻠﻤﺎﺀ ﮐﯽ ﺍﺱ ﺟﻤﺎﻋﺖ ﻧﮯ ﺟﺲ ﮐﮯ ﺭﮨﺒﺮ، ﻗﺎﺋﺪ ﺍﻭﺭ ﭘﺎﻟﯿﺴﯽ ﻣﯿﮑﺮ ﺻﺪﺭ ﺣﻀﺮﺕ ﺷﯿﺦ ﺍﻻﺳﻼﻡ رحمت اللہ علیہ ﺗﮭﮯ، ﺁﮔﮯ ﺑﮍﮪ ﮐﺮ ﺑﺒﺎﻧﮓ ﺩُﮨﻞ ” ﺁﺯﺍﺩﯼٴ ﮐﺎﻣﻞ “ ﮐﺎ ﻣﻄﺎﻟﺒﮧ ﮐﯿﺎ، ﯾﺎﺩ ﺭﮨﮯ ﺟﻤﻌﯿﺔ ﻧﮯ ۱۹۲۶ / ﻣﯿﮟ ﯾﮧ ﺍﻧﻘﻼﺑﯽ ﺍﻋﻼﻥ ﮐﺮﺩﯾﺎ ﺗﮭﺎ؛ ﺟﺒﮑﮧ ﮐﺎﻧﮕﺮﯾﺲ ﻧﮯ ۱۹۲۹ /
ﻣﯿﮟ ﯾﮧ ﺗﺠﻮﯾﺰ ﭘﺎﺱ ﮐﯽ، ﺟﻤﻌﯿﺔ ﮐﻮ ﯾﮧ ﺗﻘﺪﻡ ﺑﮭﯽ ﺣﺎﺻﻞ ﮨﮯ ﮐﮧ ﺍﺱ ﮐﮯ ﺍﯾﮏ ﻓﺮﺯﻧﺪ ﻣﻠﮏ ﮐﮯ ﺷﻌﻠﮧ ﺟﻮﺍﻟﮧ ﺍﻧﻘﻼﺑﯽ ﻟﯿﮉﺭ ﻣﻮﻻﻧﺎ ﺣﺴﺮﺕ ﻣﻮﮨﺎﻧﯽ ﻧﮯ ۱۹۲۱ / ﮨﯽ ﻣﯿﮟ ﺍﺣﻤﺪ ﺁﺑﺎﺩ ﮐﺎﻧﻔﺮﻧﺲ ﻣﯿﮟ ﻗﺼﺮﺑﺮﻃﺎﻧﯿﮧ ﻣﯿﮟ ﯾﮧ ﺻﻮﺭ ﭘﮭﻮﻧﮏ ﺩﯾﺎ ﺗﮭﺎ، ﻭﺍﺿﺢ ﺭﮨﮯ ﮐﮧ ﺟﻨﺎﺏ ﺣﺴﺮﺕ ﻣﻮﮨﺎﻧﯽ ﺟﻤﻌﯿﺔ ﻋﻠﻤﺎﺀ ﮐﯽ ﻣﺠﻠﺲ ﻋﺎﻣﻠﮧ ( ﻭﺭﮐﻨﮓ ﮐﻤﯿﭩﯽ ) ﮐﮯ ﻣﻤﺒﺮ ﺍﻭﺭ ﺟﻤﻌﯿﺔ ﮐﮯ ﺭﮨﺒﺮ ﺍﻋﻈﻢ ﺣﻀﺮﺕ ﺷﯿﺦ ﺍﻟﮩﻨﺪ رحمہ اللہ ﺍﻭﺭ ﺁﭖ ﮐﮯ ﻭﻓﺎﺩﺍﺭ ﺗﻠﻤﯿﺬ ﻭﺳﭙﺎﮨﯽ ﻣﻮﻻﻧﺎ ﻋﺒﯿﺪﺍﻟﻠﮧ ﺳﻨﺪﮬﯽ ﮐﯽ ﮨﻨﺪﻭﺳﺘﺎﻥ ﺳﮯ ﺑﺎﮨﺮ ﺣﮑﻮﻣﺖ ﻣﻮﻗﺘﮧ ﮐﮯ ﮨﻨﺪﻭﺳﺘﺎﻧﯽ ﻣﻤﺒﺮﺗﮭﮯ، ﺍﺱ ﻃﺮﺡ ﺍﺱ ﺍﻧﻘﻼﺑﯽ ﺍﻋﻼﻥ ﮐﯽ ﺍﺱ ﺍﻭّﻟﯿﺖ ﮐﺎ ﺍﻋﺰﺍﺯ ﺑﮭﯽ ﺟﻤﻌﯿﺔ ﮨﯽ ﮐﻮ ﺣﺎﺻﻞ ﮨﮯ۔
ﺣﻀﺮﺕ ﻣﺪﻧﯽ ﮐﮯ ﺳﯿﺎﺳﯽ ﻓﯿﺼﻠﻮﮞ ﺍﻭﺭ ﺭﺟﺤﺎﻥ ﮐﮯ ﻣﻄﺎﺑﻖ ﮨﻤﯿﺸﮧ ﺟﻤﻌﯿﺔ ﻣﺘﺤﺪﮦ ﻗﻮﻣﯿﺖ ﮐﯽ ﺷﺪّﺕ ﺳﮯ ﺣﺎﻣﯽ ﺭﮨﯽ۔
ﺍﻭﺭ ﺍﺏ ﺷﺎﻡ ﮨﻮﮔﺌﯽ :
ﺁﺯﺍﺩﯼ ﮐﮯ ﺑﻌﺪ ﮐﮯ ﺣﺎﻻﺕ ﺍﻭﺭ ﻋﻤﺮ ﺑﮭﺮ ﮐﯽ ﺗﮓ ﻭﺩﻭ ﮐﺎ ﯾﮧ ﻧﺘﯿﺠﮧ ﺩﯾﮑﮫ ﮐﺮ ﻣﻠﮏ ﻣﯿﮟ ﺧﻮﻥ ﮐﯽ ﻧﺪﯾﺎﮞ ﺑﮩﮧ ﮔﺌﯿﮟ، ﺍﭘﻨﯽ ﻗﻮﻡ ﻣﺎﯾﻮﺳﯽ ﺍﻭﺭ ﻗﻨﻮﻃﯿﺖ ﮐﺎ ﺷﮑﺎﺭ ﺗﮭﯽ ﺍُﺳﮯ ﺁﺯﺍﺩ ﻣﻠﮏ ﻣﯿﮟ ﺟﯿﻨﮯ ﮐﺎ ﺣﻖ ﺑﮭﯽ ﻧﮧ ﻣﻞ ﺳﮑﺎ، ﺑﻘﻮﻝ: ﻓﯿﺾ ﺍﺣﻤﺪ ﻓﯿﺾ ﻣﺮﺣﻮﻡ
(ﯾﮧ ﺩﺍﻍ ﺩﺍﻍ ﺍﺟﺎﻻ ﯾﮧ ﺷﺐ ﮔﺰﯾﺪﮦ ﺳﺤﺮ
ﻭﮦ ﺍﻧﺘﻈﺎﺭ ﺗﮭﺎ ﺟﺲ ﮐﺎ ﯾﮧ ﻭﮦ ﺳﺤﺮ ﺗﻮ ﻧﮩﯿﮟ)
ﺍﻥ ﺣﺎﻻﺕ ﻧﮯ ﮨﻤﺎﺭﮮ ﺣﻀﺮﺕ ﮐﻮ ﻣﻐﻤﻮﻡ ﻭﺩﻝ ﺷﮑﺴﺘﮧ ﮐﺮﺩﯾﺎ ﺗﮭﺎ، ﯾﮧ ﺩﺍﺳﺘﺎﻥ ﺑﮩﺖ ﻃﻮﯾﻞ ﮨﻮﺟﺎﺋﮯ ﮔﯽ ﮐﻠﯿﺠﮧ ﺧﻮﻥ ﺑﻦ ﮐﺮ ﺁﻧﺴﻮ ﮐﯽ ﺟﮕﮧ ﺁﻧﮑﮭﻮﮞ ﺳﮯ ﺑﮩﻨﮯ ﻟﮕﮯ ﮔﺎ، ﺑﮩﺘﺮ ﮨﮯ ﺣﻀﺮﺕ ﮨﯽ ﮐﮯ ﺍﯾﮏ ﻣﺨﺘﺼﺮ، ﺩﻝ ﺳﻮﺯ ﺑﯿﺎﻥ ﺳﮯ ﺍﺱ ﺣﻘﯿﻘﺖ ﭘﺮ ﺳﮯ ﭘﺮﺩﮦ ﺍﭨﮭﺎﺩﯾﺎ ﺟﺎﺋﮯ۔ ﻓﺮﻣﺎﯾﺎ :
” ﮨﻤﺎﺭﯼ ﺍﺳﮑﯿﻢ ﻓﯿﻞ ﮨﻮﮔﺌﯽ، ﮨﻤﺎﺭﯼ ﮐﻮﺋﯽ ﺗﺪﺑﯿﺮ ﮐﺎﺭﮔﺮ ﻧﮧ ﮨﻮﺳﮑﯽ؛ ﺍﮔﺮ ﻣﺴﻠﻤﺎﻥ ﮨﻤﺎﺭﯼ ﺑﺎﺕ ﻣﺎﻥ ﻟﯿﺘﮯ ﺗﻮ ﯾﮧ ﺗﺒﺎﺩﻟﮧٴ ﺁﺑﺎﺩﯼ ﻧﮧ ﮨﻮﺗﺎ ﺍﻭﺭ ﯾﮧ ﺧﻮﻥ ﮐﯽ ﻧﺪﯾﺎﮞ ﻧﮧ ﺑﮩﺘﯿﮟ۔ “ ( ﺷﯿﺦ ﺍﻻﺳﻼﻡ ﻣﻮﻻﻧﺎ ﺣﺴﯿﻦ ﺍﺣﻤﺪ ﻣﺪﻧﯽ، ﻓﺮﯾﺪ ﺍﻟﻮﺣﯿﺪﯼ )
۱۹۵۷ - ۳ / ﺑﺠﮯ ﺩﻭﭘﮩﺮ، ﺳﺎﺭﯼ ﺯﻧﺪﮔﯽ ﮐﺎ ﺗﮭﮑﺎ ﮨﻮﺍ ﻣﺴﺎﻓﺮ ﻋﺎﺷﻖ ﺭﺳﻮﻝ … ، ﻣﻘﺒﻮﻝ ﺑﺎﺭﮔﺎﮦِ ﺭﺏ ﺻﻤﺪ، ﺑﻨﺪﮔﺎﻥِ ﺧﺪﺍ ﮐﺎ ﺧﯿﺮﺧﻮﺍﮦ ﺍﻭﺭ ﮨﻤﺪﺭﺩ، ﺷﯿﺦ ﻃﺮﯾﻘﺖ، ﺷﯿﺦ ﺍﻟﺤﺪﯾﺚ ﻭﺍﻟﺘﻔﺴﯿﺮ ﺍﺳﯿﺮﻣﺎﻟﭩﺎ ﻭﮐﺮﺍﭼﯽ ﺍﭘﻨﮯ ﻣﻮﻻﻧﺎ ﮐﮯ ﺣﻀﻮﺭ ﺣﺎﺿﺮ ﮨﻮﮔﯿﺎ۔ ﻓﺮﺷﺘﻮﮞ ﻧﮯ ﯾَﺎ ﺍَﯾَّﺘُﮩَﺎ ﺍﻟﻨﻔﺲُ ﺍﻟﻤُﻄﻤﺌﻨّﺔ ﺍِﺭﺟِﻌﯽ ﺍِﻟﯽٰ ﺭﺑِﮏ ﺭَﺍﺿِﯿَﺔً ﻣَّﺮﺿِﯿَّﺔ ﮐﮩﮧ ﮐﺮ ﺍﺳﺘﻘﺒﺎﻝ ﮐﯿﺎ۔ ﺭﺣﻤﺔ ﺍﻟﻠّٰﮧ ﻋﻠﯿﮧ
ﺁﺧﺮﯼ ﺑﺎﺕ :
ﺣﻀﺮﺕ مدنی رحمت اللہ علیہ ﺻﺒﺮ ﮐﺎ ﭘﮩﺎﮌ ﺗﮭﮯ، ﺑﮍﮮ ﺑﮍﮮ ﻣﺼﺎﺋﺐ ﻭﻣﺸﮑﻼﺕ ﺁﺯﻣﺎﺋﺶ ﻭﺍﻣﺘﺤﺎﻥ ﺁﺋﮯ، ﮐﺒﮭﯽ ﺯﺑﺎﻥ ﺳﮯ ﺍﯾﮏ ﺣﺮﻑِ ﺷﮑﺎﯾﺖ ﻧﮧ ﻧﮑﻼ، ﺩﻭﺳﺮﯼ ﺑﺎﺕ ﯾﮧ ﮐﮧ ﺁﭖ ﻧﮯ ﺟﻮ ﮐﭽﮫ ﮐﯿﺎ ﺩﻧﯿﻮﯼ ﻧﻔﻊ، ﺳﻮﺩ ﻭﺯﯾﺎﮞ، ﮐﺴﯽ ﻣﻨﻔﻌﺖ ﻭﻻﻟﭻ ، ﮐﺴﯽ ﻋﮩﺪﮮ، ﻣﻨﻘﺒﺖ ﻭﺗﻌﺮﯾﻒ ﮐﺎ ﮐﺒﮭﯽ ﺧﯿﺎﻝ ﺑﮭﯽ ﻧﮧ ﺁﯾﺎ۔ ٧٩ ﺑﺮﺱ ﻭﻗﺎﺭ ﻭﻋﺰﯾﻤﺖ ﮐﮯ ﺳﺎﺗﮫ ﺣﻀﺮﺕ ﻧﮯ ﮨﺮ ﻗﺴﻢ ﮐﯽ ﻋﺪﺍﻭﺗﯿﮟ، ﺭﻗﺎﺑﺘﯿﮟ، ﻃﻨﺰ ﻭ ﺗﺸﻨﯿﻊ، ﺳﺐ ﻭﺷﺘﻢ، ﻣﺨﺘﻠﻒ ﻗﺴﻢ ﮐﯽ ﻧﺎﺭﻭﺍ ﺣﺮﮐﺎﺕ ﺑﺮﺩﺍﺷﺖ ﮐﯿﮟ، ﺍﺱ ﮐﻮﮦ ﮔﺮﺍﮞ ﻧﮯ ﮐﺒﮭﯽ ﺍﭘﻨﮯ ﺳﺎﺗﮫ ﺑُﺮﺍﺋﯽ ﮐﺎ ﺑﺪﻟﮧ ﺑُﺮﺍﺋﯽ ﺳﮯ ﻧﮩﯿﮟ ﺩﯾﺎ، ﮐﺴﯽ ﻣﺨﺎﻟﻔﺖ، ﻋﺪﺍﻭﺕ، ﺟﻠﺴﻮﮞ ﻣﯿﮟ ﮨﻠﮍﺑﺎﺯﯼ، ﭘﺘﮭﺮ ﺑﺎﺯﯼ ﭘﺮ ﮐﺒﮭﯽ ﮐﻮﺋﯽ ﺷﮑﻮﮦ ، ﻧﺎﺭﺍﺿﮕﯽ، ﺧﻔﮕﯽ ﮐﺎ ﺍﻇﮩﺎﺭ ﻧﮩﯿﮟ ﻓﺮﻣﺎﯾﺎ :
ﺁﺯﺍﺩﯼ ﮐﮯ ﺑﻌﺪﮨﻤﺎﺷﻤﺎ، ﺟﺲ ﻧﮯ ﮐﺒﮭﯽ ﺍﺱ ﺟﻨﮓ ﻣﯿﮟ ﺷﺮﮐﺖ ﺑﮭﯽ ﻧﮩﯿﮟ ﮐﯽ، ﺑﺮﻃﺎﻧﯿﮧ ﮐﯽ ﺟﯽ ﺣﻀﻮﺭﯼ ﮐﺮﺗﺎ ﺭﮨﺎ ﯾﺎ ﺟﻮ ﺍﻧﮕﻠﯽ ﮐﭩﺎﮐﺮ ﺷﮩﯿﺪﻭﮞ ﻣﯿﮟ ﺩﺍﺧﻞ ﮨﻮﮔﯿﺎ، ﺳﺐ ﻧﮯ ﺧﻮﺏ ﺧﻮﺏ ﻗﯿﻤﺘﯿﮟ ﻭﺻﻮﻝ ﮐﯿﮟ؛ ﻣﮕﺮ ﺣﻀﺮﺕ ﻣﺪﻧﯽ ﮐﺎ ﺩﺍﻣﻦ ﮐﺴﯽ ﺁﻟﻮﺩﮔﯽ ﺳﮯ ﻣﻠﻮﺙ ﻧﮧ ﮨﻮﺍ ﺍﻭﺭ ﺟﺐ ﮨﻨﺪﻭﺳﺘﺎﻥ ﮐﺎ ﺳﺐ ﺳﮯ ﺑﮍﺍ ﺍﻋﺰﺍﺯ ” ﭘﺪﻡ ﺑﮭﻮﺷﻦ “ ﮐﺎ ﺗﻤﻐﮧ ﺩﯾﺎﮔﯿﺎ ﺗﻮ شکریہ ﮐﮯ ﺳﺎﺗﮫ ﻭﺍﭘﺲ ﮐﺮﺩﯾﺎ، ﺑﻘﻮﻝ ﻣﻮﻻﻧﺎ سید ﺍﺭﺷﺪ ﻣﺪﻧﯽ صاحب ﺻﺪﺭﺟﻤﻌﯿﺔ ﻋﻠﻤﺎﺀ ﮨﻨﺪ : ﺳﺎﺭﯼ ﺯﻧﺪﮔﯽ ﻗﺮﺑﺎﻧﯽ ﺩﯼ ﺟﺐ ﻣُﺮﺍﺩ ﭘﻮﺭﯼ ﮨﻮﺋﯽ ﻣﻘﺼﺪ ﺣﺎﺻﻞ ﮨﻮﮔﯿﺎ، ﺍﻧﻌﺎﻡ ﻣﻠﻨﮯ ﮐﺎ ﻭﻗﺖ ﺁﯾﺎﺗﻮ ﻣﻨﮫ ﭘﮭﯿﺮﻟﯿﺎ، ﮐﺮﻭﭦ ﻟﮯ ﮐﺮﻟﯿﭧ ﮔﺌﮯ.. رحمتہ اللہ الواسعہ.
