اعظم گڑھ سے تعلق رکھنے والا سیف الرحمن نام کاایک طالب علم اتوار کی شام سے جامعہ نگر علاقہ سے لاپتہ ہے

اعظم گڑھ سے تعلق رکھنے والا سیف الرحمن نام کاایک طالب علم اتوار کی شام سے جامعہ نگر علاقہ سے لاپتہ ہے
نئی دہلی :18 دسمبر 2019 آئی این اے نیوز
رپورٹ: انس عارف
گھر کے لوگوں کو اس ضمن میں جامعہ نگر پولیس اسٹیشن میں گمشدگی کی درخواست دی ہے ۔
اطلاع کے مطابق سیف الرحمن ولدریاض الرحمن اعظم گڑھ میں پھول پور کے پاس مہواں نامی گاؤں کا رہنے والا ہے اور دہلی میں رکھ کر عربی کوچنگ کررہاتھا۔ اتوار کی شام بٹلہ ہاؤس میں اپنے کمرے سے نکلا تو پھر واپس نہیں لوٹا۔ گھر کے لوگوں کو تشویش ہوئی کہ شاید جامعہ ملیہ اسلامیہ میں پولیس کی بربریت کا شکار تو نہیں ہواہے۔ انہوں نے اسپتالوں اور پولیس تھانہ کا چکر لگایا لیکن خبر لکھے جانے تک سیف الرحمن کا کچھ پتہ نہیں چل سکا ہے۔ منگل کے روز گھر کے لوگوں نے جامعہ نگر پولیس اسٹیشن میں رپورٹ لکھوانی چاہی لیکن پولیس نے رپورٹ نہ لکھ کر صرف درخواست جمع کرلی ہے اور بدھ کو بلایا ہے۔
سیف الرحمن کے بھائی حفیظ اعظمی نے لوگوں سے اپنے بھائی کو تلاش کرنے میں مدد کی اپیل کی ہے۔ ان کا نمبر
9990915164