اترپردیش کے ضلع اناؤ سے تعلق رکھنے والی عصمت ریزی کا شکار لڑکی کو کل زندہ جلادینے کی کوشش کی گئی تھی اور وہ آگ کے شعلوں میں گھرکر 90 فیصد جھلس گئی تھی صفدر جنگ ہاسپٹل میں علاج کے دوران فوت ہوگئی ۔ 5 افراد نے اسے کل آگ لگادی تھی ۔ علاج کیلئے اسے صفدر جنگ ہاسپٹل لایا گیا تھا ۔ ڈاکٹروں نے بتایا کہ ہماری بہترین کوششوں کے باوجود وہ زخموں سے جانبر نہ ہوسکی۔رات 11.10 بجے اس کے قلب پر حملہ ہوا ۔ ہم اس کی جان بچانے کی کوشش کرتے رہے لیکن وہ تقریباً 11.40 بجے آخری سانس لی ۔ 5 افراد نے رائے بریلی میں عدالت جانے کے دوران راستہ میں آگ لگائی تھی ۔
