نئی دہلی۔ ۷؍جنوری: جواہرلعل نہرویونیورسٹی (جے این یو ) میں نقاب پوش دہشت گردوں کے تشدد کے خلاف احتجاج میں مشہور فلمی اداکارہ دیپکا پڈکون بھی شامل ہوئیں۔ انہوں نے اس موقع پر جے این یو طلبہ یونین صدر ایشی گھوش سے ملاقات بھی کی لیکن مظاہرین کو خطاب نہیں کیا۔ انہوں نے وہاں تقریباً طلبہ کے درمیان دس منٹ گزارا ، انہوں نے میڈیا سے بھی کوئی گفتگو نہیں کی اس موقع پر ان کے ساتھ جے این یو کے سابق طلبہ یونین صدر کنہیا کمار بھی موجود تھے۔ اس سے قبل دیپکا نے ایک نیوز چینل کو دئیے انٹرویو میںکہا تھا کہ یہ دیکھ کر مجھے فخر ہوتا ہے کہ ہم اپنی بات کہنے سے نہیں ڈرتے ہیں، خواہ ہماری سوچ کچھ بھی ہو، لیکن میرے خیال سے ہم ملک اور اس کے مستقبل کے بارے میں سوچ رہے ہیں یہ اچھی بات ہے‘‘۔ انہوں نے کہاکہ میں امید کرتی ہوں کہ امن کا ماحول بنایاجائے‘‘۔
