رپورٹ محمد دلشاد قاسمی
باغپت (7 جنوری 2020 آئی این اے نیوز)
آج شہر باغپت کے مدرسہ انوار القرآن میں جمعیت یوتھ کلب ضلع باغپت کی اہم میٹنگ منعقد کی گئی، جس کی صدارت حضرت مولانا مفتی محمد عباس صاحب صدر جمعیت علماء ضلع باغپت نے فرمائی،جب کہ سرپرستی شہر قاضی حضرت مولانا قاضی حبیب الرحمٰن صاحب نے فرمائی،جب کہ نظامت کے فرائض حضرت حافظ محمد قاسم صاحب جنرل سیکرٹری جمعیت علماء ضلع باغپت نے انجام دیئے،
میٹنگ کا آغاز تلاوت قرآن سے ہوا، اس کے بعد جمعیت یوتھ کلب کے حوالے سے حضرت مولانا محمد خالد سیف اللہ صاحب کنوینر جمعیت یوتھ کلب ضلع باغپت نے قیمتی معروضات پیش کی، انہوں نے کہا کہ اس شعبے کو قائم کرنے کا اصل مقصد وہ دراصل امت مسلمہ کے نوجوانوں میں خدمت خلق کے جذبے کو پروان چڑھانا مقصد ہے،اور ملت اسلامیہ کے نونہالوں کو غلط جگہوں سے بچا کر ایک اچھے راستہ پر ڈالنے کا ایک بہترین لائحہ عمل ہے،اس لیے اس سے اپنے نوجوانوں کو اس سے منسلک کرائیں،اس موقع پر حاضرین اپنے اپنے یہاں پر اٰنے والے ماہ کے اندر جلد سے جلد پرویش اور پرتھم کے کیمپ کرانے کے عزائم کیئے،
حضرت حافظ محمد قاسم صاحب نے جمعیت یوتھ کلب کے 2020 کے ایکشن پلان کو پڑھ کر سنایا اور اس میں کیے گئے عزائم پر تفصیلی روشنی ڈالی،جس میں انہوں نے یہ بھی کہا کہ یوم جمہوریہ کے موقع پر ہر جگہ ترنگا لہرایا جائے،اور اسی طرح اپنے نزدیکی سرکاری و نیم سرکاری ہسپتالوں میں مریضوں کی عیادت و خدمت کے لیے جمعیت یوتھ کلب کے ٹریننگ یافتہ بچوں کو لیکر انکی خدمت کی جائے
اس موقع پر قاری محمد صابر،حضرت مولانا محمد عاقل سراج نعمانی،حافظ محمد لیاقت،مولانا محمد عمران،مولانا محمد اقبال، حافظ محمد مظفر، مفتی محمد ندیم ندوی، قاری افتخار الحسن،قاری محمد ساجد،قاری محمد کامل،مولانا محمد ابصار و شہر و اٰس پاس سے تشریف لائے ائمہ و علماء کرام موجود رہے،مجلس کا اختتام حضرت مولانا مفتی محمد عباس صاحب کی دعا پر ہوا
