لاک ڈوان اور گرامی تعطیلات کے پیش نظر:
اخلاقی اقدار پر مبنی معاشرہ کی تشکیل کیلئےہر فرد کی تعلیم ضروری ہے
اخلاقی اقدار پر مبنی حقیقی اسلامی معاشرہ کی تشکیل کیلئے مرد خصوصاخواتین کی دینی تعلیم ضروری ہے، اس علمی تربیتی ضرورت کو پورا کرنے کیلئے اسلاف کے تعلیمی ویژن کی روشنی میں "الرشید ای کلاسس" ۲۰ اپریل سے ہر فرد خصوصا کالج اور اسکول کے طلبہ کیلئے ۴۰دن کااسلامک اسٹڈیزشارٹ کورسز شروع کئے جا رہے ہیں یہ کورسز آن لائن ہوگا
اس کورسز میں قرآن مع تجوید کی مشق منتخب مقامات کی تفسیر، سیرت النبی ﷺ کے منتخب موضوعات پر لیکچرز، اسلامی عقائد ، بندگی، معاشرت کے متعلق مخصوص احادیث کی تعلیم اور ائمہ اربعہ کا تعارف، ارکان خمسہ سے متعلق ضروری فقہی مسائل کی تعلیم ،تاریخ اسلام کے اہم موضوعات پر خصوصی لیکچرز دیے جائیں گے۔
دارالعلوم رشیدیہ گدوال نے اصلاح و احوال معاشرہ کے دینی، قومی و ملی فریضے کی ادائیگی کو ہمیشہ سر فہرست رکھا ہے اور کسی بھی وجہ سے تعلیم سے محروم رہ جانے والے خواتین و حضرات کیلئے تحصیل علم اور فہم دین کیلئے وقت کی قلت اور قید سے آزاد پروگرام مرتب کئے ہیں،" الرشید ای کلاسس "بھی اسی کاوش کا حصہ ہے۔
"الرشید ای کلاسس"میں و الدین اپنی اولاد عزیز و اقارب کو شرکت کروائیں،کیونکہ بنیادی عقائد کی تفہیم کے ساتھ ساتھ حقوق و فرائض سے آشنائی کے بغیر اعلیٰ اخلاقی اقدار پر مبنی مثالی اسلامی معاشرہ کی تشکیل نا ممکن ہے۔
نوٹ:
ہمارے معاشرہ میں گھریلو جھگڑوں، بد سلوکی، بد اخلاقی اور ناچاقی کی وجہ گھروں کا سکون غارت ہو چکا ہے، گھر معاشرہ کا بنیادی یونٹ اور اکائی ہے، جب بنیادی اکائی ٹوٹ پھوٹ کے عمل سے دوچار ہوگی تو اس کے منفی اثرات سے من حیث الجموع معاشرہ محفوظ نہیں رہ سکے گا۔ یہ بات ہمارے پیش نظر رہنی چاہیے کہ گھر کے یونٹ کی نگہبان خاتون ہوتی ہے اگر اس کی تعلیم و تربیت کے تقاضے پورے نہیں ہونگے سربراہ خانہ اپنی دینی، اخلاقی، تربیتی، عائلی ذمہ داریوں سے نابلد ہو گی تو امن و سکون رخصت ہو جائے گا، خاتون ماں کی شکل میں آئندہ نسلوں کی امانت دارہے، مگر افسوس ہم لفظوں کی حد تک تو ماں کی اہمیت اور قدر و منزلت کو تسلیم کرتے ہیں مگر ماں کی تعلیم و تربیت کے نبوی اور سماجی، عصری تقاضوں کو پورے کرنے کیلئے تیار نہیں ہیں جس کا نتیجہ پوری سوسائٹی بھگت رہی ہے، یہ ایک موقع ہے جس میں مستقبل کے ذمہ داراوں کو دین تعلیم دلواسکتےہیں۔
https://docs.google.com/forms/d/1rZ_k7g1E6CmWdbKQ7PYsPAVPffLyR_jd_Rei__p0v6I/edit
