رپورٹ :محمد دلشاد قاسمی
ـــــــــــــــــــــــــــــــــــــــــــ
روشنگڑھ/باغپت(١٠/ جولائی ٢٠٢٠ آئی این اے نیوز )
ضلع باغپت کے موضع روشنگڑھ کے مدرسہ اسلامیہ عربیہ انوارالاسلام میں آج شیخ الہند پارک میں شجر کاری مہم کے تحت درخت لگانے کا اہتمام کیا گیا، مدرسہ ھذا کے ناظم اعلی مفتی محمد دلشاد قاسمی نے اپنے دست مبارک سے مختلف درخت لگا کر جمعیت یوتھ کلب کے ذریعہ چلائے جارہے شجر کاری مہم کا افتتاح کیا.
اس موقع پر انہوں نے شجرکاری مہم پر روشنی ڈالی ،اگر درخت اور ہریالی موجود رہے گی تو زمین کی اٰب و ہوا بھی سلامت رہے گی ،ورنہ تو اٰج موسم میں خرابی کے باعث سانس لینا دشوار ہورہا ہے، انہوں نے مزید کہا کہ جس شخصیت کے نام پر اس پارک کو بنایا گیا تھاوہ شخصیت آزادی کا مرد مجاھد شیخ الہند حضرت مولانا محمود حسن دیوبندی رحمۃ اللہ علیہ کی ہے، جن کی اس ملک کے لئے بے پناہ قربانیاں ہیں، جن کو کبھی فراموش نہیں کیا جا سکتا، ہم سب حضرت والا کی سیرت کو پڑھے اور جو قربانیاں انہوں نے اس ملک کے لیے پیش کی ہے اسی طرح خود کو تیار کریں، اور یہ پارک ان شاءاللہ حضرت والا کی روح کو آرام پہنچانے کے لیے بہت بڑا قدم ہے جو مدرسہ ھذا کی انتظامیہ نے اٹھایا اسی طرح دیگر اپنے بزرگوں کے نام پر پارک یا عمارت قائم کیے جائیں، تاکہ ان کی خدمات آنے والی نسل کے لیے مشعل راہ بن سکے اور ان سے اثر لے سکے، اس موقع پر حافظ عبد القیوم، حافظ محمود،منشی اسرائیل، اسکاوٹ و روورس اور مدرسہ کے طلبہ سمیت گاؤں کے معزز حضرات و مدرسہ ھذا کے مدرسین موجود رہے.
