محمد عاصم اعظمی
ـــــــــــــــــــــــــــــــــــــ
دیوبند(آئی این اے نیوز 11/اکتوبر 2016) دیوبند واطراف میں ان دنوں پھیل رہے وحشت ناک مہلک بیماریوں کے پس منظردارالعلوم وقف دیوبند میں حکیم الاسلام اکیڈمی کے زیر اہتمام ایک مفت طبی کیمپ کا انعقاد کیا گیا ، جس میں ماہر وتجربہ کار ڈاکٹروں نے ڈینگو ،ملیریا ، ٹائفائڈ جیسے مہلک امراض کی تشخیص کرکے علاج تجویز کیا اور ان مریضوں کو مفت ادویات بھی فراہم کی گئیں، اس مفت طبی کیمپ کا آغاز دارالعلوم وقف دیوبند کے مہتمم مولانا محمد سفیان قاسمی کے دعاء کے ذریعہ کیا گیا ، اس موقع پر انہوں نے کہا کہ علاقہ میں پھیل رہے مہلک امراض کے اثرات دراصل انسانوں کے فاسد ومذموم اعمال اور کثرت گناہ کا آئینہ دار ہیں جو کہ وبائی امراض کی شکل اختیار کرچکے ہیں ،خود احادیث میں بھی اس کی صراحت موجود ہے کہ جہاں گناہ زیادہ ہوتے ہیں وہاں وبائی امراض جنم لے لیتے ہیں ،اس وقت ہمارے لئے سب سے اہم چیز یہ ہے کہ ہم اپنے گناہوں پر نادم وتائب ہوں اور حق تعالیٰ کی بارگاہ میں اپنے گناہوں سے معافی کے خواستگار ہوں، مرحومین کی مغفرت بیماروں کی صحت وشفاء اور وبائی امراض سے پوری قوم کے تحفظ کیلئے دعاؤں کا اہتمام کریں، اور ساتھ ہی اسلام کے نظام طہارت ونظافت کو اپنی اجتماعی وانفرادی زندگیوں میں عملی طور پر لائیں ، انہوں نے کہا کہ دارالعلوم وقف دیوبند کا مقصد اولین تعلیم اور تعلیمی ترجیحات ہے، لیکن ساتھ ہی احوال زمانہ کے پس منظر میں ادارہ خدمت خلق کیلئے بھی پیش قدمیاں کرتا ہے ، موجودہ وبائی امراض عوام کیلئے خصوصاً غرباء کیلئے انتہائی تکلیف دہ ثابت ہورہے ، عوام اور طلباء کی ان دشواریوں کو مدنظر رکھتے ہوئے خدمت خلق کی نیت سے دارالعلوم وقف دیوبند میں اس مفت طبی کیمپ کا انعقاد کیا جارہا ہے ، حق تعالیٰ اس عظیم خدمت کو قبول فرمائے اور اس کے مفید ونافع ثمرات ظاہر فرمائے ،واضح رہے کہ اس موقع پرمذکورہ مفت طبی کیمپ سے طلبہ دارالعلوم وقف دیوبند کے علاوہ دیگر ادارہ کے طلبہ اور شہر واطراف شہر کے لوگوں نے بڑی تعداد میں استفادہ کیا، جنکی جانچ ،بلڈ ٹیسٹ کے علاوہ دوائیاں بھی فراہم کی گئیں، اس کیمپ میں ڈاکٹر آشو توش کمار، ڈاکٹر نوید اختراور ڈاکٹر سہیل احمد وغیرہ نے طبی معائنہ کیا اور ڈاکٹر عبد القادر، ڈاکٹر شاہنواز ملک اور انصار مسعودی وغیرہ نے ان کی معاونت کی، اس کیمپ کے افتتاح کے موقع پر مختلف اساتذۂ جامعہ کے علاوہ عمائدین شہربھی موجود رہے ۔
Tuesday, 11 October 2016
دارالعلوم وقف دیوبند میں مفت طبی کیمپ کا انعقاد !
محمد عاصم اعظمی
ـــــــــــــــــــــــــــــــــــــ
دیوبند(آئی این اے نیوز 11/اکتوبر 2016) دیوبند واطراف میں ان دنوں پھیل رہے وحشت ناک مہلک بیماریوں کے پس منظردارالعلوم وقف دیوبند میں حکیم الاسلام اکیڈمی کے زیر اہتمام ایک مفت طبی کیمپ کا انعقاد کیا گیا ، جس میں ماہر وتجربہ کار ڈاکٹروں نے ڈینگو ،ملیریا ، ٹائفائڈ جیسے مہلک امراض کی تشخیص کرکے علاج تجویز کیا اور ان مریضوں کو مفت ادویات بھی فراہم کی گئیں، اس مفت طبی کیمپ کا آغاز دارالعلوم وقف دیوبند کے مہتمم مولانا محمد سفیان قاسمی کے دعاء کے ذریعہ کیا گیا ، اس موقع پر انہوں نے کہا کہ علاقہ میں پھیل رہے مہلک امراض کے اثرات دراصل انسانوں کے فاسد ومذموم اعمال اور کثرت گناہ کا آئینہ دار ہیں جو کہ وبائی امراض کی شکل اختیار کرچکے ہیں ،خود احادیث میں بھی اس کی صراحت موجود ہے کہ جہاں گناہ زیادہ ہوتے ہیں وہاں وبائی امراض جنم لے لیتے ہیں ،اس وقت ہمارے لئے سب سے اہم چیز یہ ہے کہ ہم اپنے گناہوں پر نادم وتائب ہوں اور حق تعالیٰ کی بارگاہ میں اپنے گناہوں سے معافی کے خواستگار ہوں، مرحومین کی مغفرت بیماروں کی صحت وشفاء اور وبائی امراض سے پوری قوم کے تحفظ کیلئے دعاؤں کا اہتمام کریں، اور ساتھ ہی اسلام کے نظام طہارت ونظافت کو اپنی اجتماعی وانفرادی زندگیوں میں عملی طور پر لائیں ، انہوں نے کہا کہ دارالعلوم وقف دیوبند کا مقصد اولین تعلیم اور تعلیمی ترجیحات ہے، لیکن ساتھ ہی احوال زمانہ کے پس منظر میں ادارہ خدمت خلق کیلئے بھی پیش قدمیاں کرتا ہے ، موجودہ وبائی امراض عوام کیلئے خصوصاً غرباء کیلئے انتہائی تکلیف دہ ثابت ہورہے ، عوام اور طلباء کی ان دشواریوں کو مدنظر رکھتے ہوئے خدمت خلق کی نیت سے دارالعلوم وقف دیوبند میں اس مفت طبی کیمپ کا انعقاد کیا جارہا ہے ، حق تعالیٰ اس عظیم خدمت کو قبول فرمائے اور اس کے مفید ونافع ثمرات ظاہر فرمائے ،واضح رہے کہ اس موقع پرمذکورہ مفت طبی کیمپ سے طلبہ دارالعلوم وقف دیوبند کے علاوہ دیگر ادارہ کے طلبہ اور شہر واطراف شہر کے لوگوں نے بڑی تعداد میں استفادہ کیا، جنکی جانچ ،بلڈ ٹیسٹ کے علاوہ دوائیاں بھی فراہم کی گئیں، اس کیمپ میں ڈاکٹر آشو توش کمار، ڈاکٹر نوید اختراور ڈاکٹر سہیل احمد وغیرہ نے طبی معائنہ کیا اور ڈاکٹر عبد القادر، ڈاکٹر شاہنواز ملک اور انصار مسعودی وغیرہ نے ان کی معاونت کی، اس کیمپ کے افتتاح کے موقع پر مختلف اساتذۂ جامعہ کے علاوہ عمائدین شہربھی موجود رہے ۔
