® روشن لال
ــــــــــــــــــــــــ
بلریاگنج/اعظم گڑھ(آئی این اے نیوز 15/مارچ 2017) اعظم گڑھ ضلع کے بلرياگج مارکیٹ میں ہولی کے دن کچھ شرارتی لوگوں نے جان بوجھ کر نقاب پوش خواتین پر رنگ پھینک ديا جس سے مارکیٹ کی فضا خراب ہونے کی نونت آگئی تھی لیکن شانتی کمیٹی کے ممبروں کی سوجھ بوجھ سے معاملہ ٹھنڈا ہوگیا.
معلومات کے مطابق ہولی کے دن بلرياگنج مارکیٹ کے قاسم گنج محلے کے کچھ نوجوان مین روڈ پر ہولی کھیل رہے تھے اسی درمیان ایک آٹو پر مسلم عورتیں بیٹھ کر آرہی تھیں ہولی کھیلنے والوں نے آٹو كو روک کر خواتین کو نقاب اٹھا کر ان کے اوپر رنگ ڈال ديا. جب آٹو ڈرائیور نے مخالفت کی تو اس کے آٹو کا شیشہ توڑ دیا گیا. جس سے دونوں فریقوں میں آمنے سامنے آنے کی نوبت آگئی لیکن اس بات کی معلومات جب شانتی کمیٹی کے ممبروں کو ہوئی تو ان لوگوں نے سوجھ بوجھ سے معاملے کو ٹھنڈا کردیا لیکن دوبارہ ایسا واقعہ نہ پیش آئے اس کے لئے 15 مارچ کی شام بلرياگنج نگر پنچایت دفتر پر شانتی کمیٹی کے ممبروں کی میٹنگ بلائی گئی.
میٹنگ میں کمیٹی کے صدر اور نگر پنچایت صدر حاجی محمد عارف نے ممبروں کے سامنے سوال اٹھایا کہ آخر ہولی کھیلنے والے وہ لوگ جو مسلم عورتوں پر جان بوجھ کر رنگ پھینكے ہیں اور آٹو ڈرائیور کی مخالفت کرنے پر آٹو کا شیشہ توڑ دینا ایسا کر کے وہ لوگ مسلم معاشرے کے ساتھ کیا کرنا چاہتے ہیں اور معاشرے کو کیا پیغام دینا چاہتے ہیں.
صدر کی بات سنتے ہی کمیٹی کے تمام اراکین و عہدیداران رنگ پھینکنے والوں پر آگ بگولا ہو گئے.
موقع پر موجود کمیٹی عہدیدار سابق چیئر مین وریندر وشوکرما ڈاکٹر رادھے شیام گپتا بربل پرجاپتی، اشوک مدھیسيا راجارام رجو ونے عرف گڈو نیرج پاسوان راجیش پاسوان موہن جیسوال اكھلیش مودنوال راجندر گاندھی ابوہریرہ مولانا طاہر مدنی ابو محسن خان منشی انور ماسٹر احمد مرزا راشد بیگ ذوالفقار نیتا سمیت کمیٹی کے تمام اہلکاروں اور عہدیداروں نے ایک سور میں کہا کہ مسلم خواتین پر رنگ پھینک کر مارکیٹ کی فضا خراب کرنے کی كوشش کرنے والوں پر قانونی كاروئی ہونی چاہئے .اس کے لئے شانتی کمیٹی کی طرف سے 16 مارچ کو شرارتی لوگوں پربلرياگنج تھانہ میں مقدمہ درج کرایا جائے گا.
بتاتے چلیں کہ گزشتہ سال کچھ شرارتی عناصر ہولیکا دہن کے دن ایک مسجد پر پتھراؤ کر اور مسلمان کی دکان جلا دی گئی تھی اتنا ہی نہیں تھانہ کے بیت الخلاء کا دروازہ توڑ کر آگ میں جلا دیا گیا تھا. اور پولیس خاموشی تماشا دیکھتی رہی
لیکن بعد میں دکان کے مالک اور مسجد کمیٹی نے ایکشن لیتے ہوئے تھانہ میں نامزد FIR کیا تب پولیس حرکت میں آئی اور حملہ آوروں کی تلاش کرنے لگی اسكے بعد نقصان شدہ کی بھرپائی کر معافی تلافی ہوئی.
