رپورٹ: وسیم شیخ
ــــــــــــــــــــــــــــــ
نئی دھلی(آئی این اے نیوز 9/مئی 2017) جمعیة علماءہند کے جنرل سکریٹری مولانا محمود اسعد مدنی آج ایک وفد کے ساتھ وزیر اعظم نریندر مودی سے ملاقات کریں گے، آئی این اے نیوز کے موصول خبر کے مطابق آج 9/مئی 2017 بروز منگل کو جمعیة علماءہند کے جنرل سکریٹری مولانا محمود اسعد مدنی جمعیة میں شامل ارکان پر مشتمل ایک وفد کے ساتھ وزیر اعظم نریندر مودی سے ملاقات کریں گے، ملاقات کے دوران کن امور پر مودی جی سے مولانا محمود مدنی صاحب بات چیت کریں گے اس سلسلے میں ابھی کوئی ایجنڈا واضح نہیں ہے.
منگل کی صبح عاملہ کی ایک میٹنگ ہوگی اور بات چیت کے مقاصد اسی میں طے کئے جائیں گے، قریبی ذرائع سے ملی خبر کے مطابق وفد میں مولانا محمود مدنی کے ساتھ مولانا حکیم الدین قاسمی، نیاز احمد فاروقی اور مولانا متین الحق اسامہ مولانا محمد یحیٰ کریمی صاحب ہوں گے.
واضح رہے کہ مولانا متین الحق اسامہ کو گذشتہ کل فون کرکے مولانا محمود مدنی صاحب نے کانپور سے دہلی طلب کیا تھا، دوسری طرف مولانا محمد یحی کریمی صاحب کو میوات سے طلب کیا گیا.
آپ کو بتایں کہ تقریبا ایک ماہ قبل عاملہ کی میٹنگ میں جمعیة علماءہند نے یہ تجویز پاس کی تھی مسلم مسائل کے حل کیلئے اب وزیر اعظم اور مختلف ریاستوں کے وزیر اعلی سے ملاقات ضروری ہے، اسی کے پیش نظر سب سے پہلے مولانا محمود مدنی صاحب نریندر مودی سے ملاقا ت کرنے جارہے ہیں.
واضح رہے کہ جمعیة کے محمود گروپ کو شروع سے بی جے پی کے قریب بتایا جاتارہا ہے، گذشتہ عید ملن پارٹی میں وزیر داخلہ راج ناتھ سنگھ شریک ہوئے تھے، اس کے علاوہ 2013 میں گجرات میں مولانا محمود مدنی صاحب نریند رمودی کی گاڑی سے بھی سفر کرچکے ہیں جب مودی گجرات کے چیف منسٹر تھے اور بھی کئی سارے وجوہات ہیں جس کی بنا پر کہا جاتا ہے کہ مولانا محمود مدنی کے قریبی تعلقات ہیں تاہم علی الاعلان پہلی مرتبہ مولانا محمود مدنی صاحب نریندر مودی سے بطور وزیر اعظم ملاقات کرنے جارہے ہیں اور کسی بھی نمائندہ جماعت کے سربراہ کی یہ پہلی ملاقات ہوگی.
