رپورٹ: شعیب بستوی
ــــــــــــــــــــــــــــــــــ
ممبئی(آئی این اے نیوز 12/جولائی 2017) دبستان اردو ممبئ کے زیر اہتمام 9/جولائی 2017 بروز اتوار کو شام سخن کے عنوان سے زبیر نورپوری صاحب کی یاد میں ادبی نشست منعقد ہوئی، جس کی صدارت رمضان چودھری صدر دبستان اردو نے فرمائی، نظامت کے فرائض نسیم فیضی نے انجام دیئے، کم و بیش 32 شعراء کرام نے اپنا منتخب کلام پیش کیا، ممبئ شہر کی کئی عظیم شخصیتوں نے اس پروگرام میں شرکت کی، یہ مشاعرہ بےحد کامیاب اور تاریخی ہوا، لیکن دبستان اردو ممبئ کے نائب صدر اسعد بستوی کو کسی ضروری کام سے یوپی اپنے وطن جانا پڑا جس کی وجہ سے وہ شام سخن کے پروگرام میں حاضر نہیں ہو سکے، ان کے چاہنے والوں نے بڑی شدت سے انہیں یاد کیا پروگرام بے حد کامیاب ہونے کے باوجود لوگوں کو اخیر تک اسعد بستوی کا انتظار رہا، آخر کار عالم نظامی نے پروگرام میں ان کے شریک نہ ہونے کا سبب بیان کرتے ہوئے بے پناہ افسوس کا اظہار کیا اور سب کو یقین دلایا کی جلد ہی آپ کے ہمارے محبوب شاعر یوپی سے ممبئ تشریف لے آئیں گے اور ایک بڑے مشاعرے میں ہم سب کو انہیں سننے کا موقع ملے گا.
