رپورٹ: محمــد عـاصم اعظمی
ــــــــــــــــــــــــــــــــــــــــــــــ
ماہل/اعظم گڑھ(آئی این اے نیوز 7/جولائی 2017) اہرولا تھانہ میں واقع قصبہ ماہل میں بدھ کی رات میں چوروں نے ایک میڈیکل اسٹور سے ڈیڑھ لاکھ روپئے نقد چوری کر لے گئے۔
اطلاع کے مطابق قصبہ میں جونیئر ہائی اسکول کے پاس روپائی پور گاؤں کے رہنے والے فہیم خان ولد محمد سعید کی میڈیکل اسٹور کی دوکان ہے۔ بدھ کی شام کو جب وہ اسٹور بند کرکے گھر جانے ہی والے تھے تبھی مولانا پور کے رہنے والے محمد معظم ولد محمد مشتاق ان کی دوکان پر پہنچے اور رات ہونے کو حوالہ دے اپنے پاس موجود 85 ہزار روپئے دوکان میں رکھ لینے کی درخواست کی۔
فہیم نے معظم کے ذریعہ دی ہوئی رقم کو اپنی 65 ہزار نقدی کے ساتھ رکھ دیا اور دوکان بند کرکے چلے گئے۔ رات میں چوروں نے دوکان کا تالا توڑ کر نقدی غائب کردی۔ اہرولہ تھانہ میں نامعلوم لوگوں کے خلاف شکایت درج کی گئی ہے لیکن چوروں کا کوئی سراگ نہیں مل پارہا ہے۔
