رپورٹ: ایڈیٹر انچیف
ـــــــــــــــــــــــــــــــــــ
اعظم گڑھ(آئی این اے نیوز 3/ستمبر 2017) عیدالاضحٰی کی نماز ادا کرنے کے لئے صبح ہی بزرگ جوان اور بچے نہا دھوکر نئے نئے کپڑے پہن کر عید گاہ کے لئے گئے، عید گاہ جاتے وقت تمام لوگ "اللہ اکبر اللہ اکبر لا اله اللہ واللہ اکبر اللہ اکبر ولله الحمد" بلند آواز میں پڑھتے ہوئے عید گاہ پہنچ کر نماز ادا کی، اس کے بعد اپنے اپنے گھر پہنچ کر حضرت ابراہیم علیہ السلام کی سنت کے مطابق جانوروں کی قربانی کی، ٹاؤن کے عید گاہ میں نمازیوں سے خطاب کرتے ہوئے مفتی ارشد فاروقی نے کہا کہ یہ قربانی حضرت ابراہیم علیہ السـلام کے طریقے پر جس طرح حضرت محمد صلی اللہ علیہ وسلم نے کیا اسی طرح تمام مسلمان کریں.
مولانا فاروقی نے کہا کہ قربانی کرتے وقت، ذہن میں رکھو کہ غیر مسلم بھائیوں کو نقصان نہ پہنچے، اور جانوروں کے بچے ہوئے حصے کو ادھر ادھر نہ پھینک کر گڈھے کھود کر دفن کر دیں، صفائی و پاکیزگی کا خیال رکھو کیونکہ صفائی نصف ایمان ہے.
اعظم گڑھ کے شیرواں، اسرولی، كورولی خرد، سرهی خرد، ننداؤں، اساڑا، چھتے پور، كورها، بكھرا، كھریواں، راجاپور سكرور، سنجر پور، بلریاگنج، جین پور، اشرفپور، محی الدین پور، شیخوپور، بھاواپور، بنکٹ، انجانشہید، نتھوپور، مبارکپور، جہاناگنج، جیراجپور، محمد پور، چھچھوری، چاندپٹی، عظمت گڑھ وغیرہ دیہات میں پرامن طریقے سے عید الاضحیٰ کی نماز اور قربانی ادا کی گئی، وہیں بچے عید گاہ کے باہر لگے ہوئے میلے میں مختلف کھیلونے اور رنگ برنگ کی میٹھی چیزیں خرید کر خوشیاں منائی.
عیدالاضحیٰ میں امن و امان قائم رہے اس کے لئے الگ الگ تھانہ انچارج پولیس کو ساتھ لے کر اپنے اپنے علاقہ میں دن بھر دورہ کرتے رہے.
